ကြက်ဥအမိုင်နိုအက်ဆစ်ပြုလုပ်နည်း

အားလုံးဘဲမင်္ဂလာပါရှင့် ကြက်ဥအမိုင်နိုအက်ဆစ် ပြုလုပ်ပုံအဆင့်ဆင့်ကို တင်ပြပေးသွားပါမယ်။

လိုအပ်သောပစ္စည်းများမှာ

- ကြက်ဥ (၅လုံး)

- သံပုရာသီး (၁၀-၁၅ လုံး) (သံပုရာရည်ကိုညစ်ထုတ်ရန်)

- သကာရည် (သို့) ထန်းလျက်ရည် (၂၅၀ စီစီ) (ရေသန့်ဗူးတစ်လီတာရဲ့လေးပုံတစ်ပုံ)

ပြုလုပ်ပုံအဆင့်ဆင့်

- ကြက်ဥများကိုဖန်ခွက်ထဲထည့်ပါ။ သံပုရာသီးမှ သံပုရာရည်ကိုညစ်ယူ၍ ကြက်ဥများမြှပ်သည်အထိ လောင်းထည့်ပါ။

- ဖန်ခွက်ကို အဖုံးလုံအောင် ပိတ်၍ ၁၀ရက်ခန့် ထားပါ။

- ၁၀ရက်အကြာတွင် ကြက်ဥများ ကြေမွသွားမည်။

- ထိုဖန်ခွက်ထဲသို့ သကာရည် သို့ ထန်းလျက်ရည်များ လောင်းထည့်ပြီး တစ်သားတည်းဖြစ်အောင် ရောနှောပါ။

- လေလုံအောင်အဖုံးပိတ်၍ ထားပါ။ ထို့နောက် ၁၀ရက်အကြာတွင် အဖုံးဖွင့်ကြည့်ပါက သံပုရာအနံ့သင်းသော ကြက်ဥအမိုင်နိုအက်ဆစ် ရရှိပါသည်။

အိမ်တွင်အလွယ်အကူပြုလုပ်နိုင်သော နည်းလမ်းတစ်မျိုးဖြစ်ပါသည်။

ကြက်ဥအမိုင်နိုအက်ဆစ်သည် အပင်များကို အကျိုးပြုသောဒြုပ်ပေါင်းဖြစ်သည်။ အပင်အားဆေးအဖြစ် အသုံးပြုနိုင်ပါသည်။ အပင်ကြီးထွားမှုကို အားပေးရုံသာမက ပိုးမွှားဒဏ်ကိုလည်း ခံနိုင်ရည်ရှိပါသည်။ ကြက်ဥအမိုင်နိုအက်ဆစ်ကို ဖြန်းပေးခြင်းဖြင့် ၀တ်မှုံကူးအားကောင်းခြင်း၊အပွင့်ဖြိုင်ဖြိုင်ပွင့်ခြင်း စတဲ့အကျိုးကျေးဇူးများရရှိနိုင်ပါသည်။

ဆေးဖြန်းပုံး ၄လီတာပုံး တစ်ပုံးတွင် ကြက်ဥအမိုင်နို ၃၀-၅၀ စီစီ ထည့်၍ အသုံးပြုနိုင်ပါသည်။

ကိုးကား- https://krishijagran.com/agripedia/egg-amino-acid-excellent-for-pest-control-and-crop-growth/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...