အသားစားနွား အဆင့်ကောင်းမွန်ရေးကို သုံးသပ်လုပ်ဆောင်ခြင်း

မွေးမြူရေးလုပ်ငန်းရှင်များသည် နွားတို့၏ ကြန်အင်လက္ခဏာကိုအကဲခတ်ကြည့်တတ်ပြီး အဆင့်တန်းကောင်းမကောင်း ဝေဖန်သုံးသပ်ရန်လိုအပ်သည်။ နွားများ၏ အရည်အချင်းများကို အကဲဖြတ်ရာတွင် ခန္ဓာကိုယ်အချိုးအစား အဆစ်အမြစ်တို့၏ ကောင်းခြင်း မကောင်းခြင်းကိုလည်း ကြည့်ရှု့ရမည်။ ထို့ပြင်နွားတို့၏ သဘာဝအလျောက်ကြီးထွားတတ်ပုံပါ လေ့လာသိရှိထားရမည်။ နွားတို့၏ ခန္ဓာကိုယ်နှင့် ဦးခေါင်း၊ ခြေလက်အချိုးအစားသည် အသက်အရွယ်ကိုလိုက်၍ တစ်ချိန်နှင့်တစ်ချိန် မတူညီဘဲပြောင်းလဲတတ်သည်။ ဥပမာ- မွေးခါစနွားငယ်တစ်ကောင်သည် ဦးခေါင်းနှင့် ခြေထောက်များသာ ကြီးသယောင်ရှိနေပြီး တဖြည်းဖြည်းအရွယ်ရောက်သည်နှင့်အမျှ ခန္ဓာကိုယ်အခြားအစိတ်အပိုင်းများသည် အသားများတိုးတက်ဖွံ့ဖြိုးလာတတ်သည်။

နွား၏ခန္ဓာကိုယ်သည် အသက်အရွယ်နှင့် ကြီးပြင်းမှုနှုန်းကိုလိုက်၍ အသားစိုင်များပြောင်းလဲမှု ဖြစ်တတ်ရာ သာမန်ထက်ပို၍ လျင်မြန်စွာဖန်တီးခြင်းဖြင့် အသား၏အရည်အချင်းပိုမိုကောင်းမွန်လာစေနိုင်သည်။ ထိုသို့ပြောင်းလဲမှု ပိုမိုလျင်မြန်စေရန်မှာ အသက်ငယ်စဉ်အချိန်တွင် ဂရုစိုက်ရန်လိုအပ်သည်။ အာဟာရဓာတ်ကြွယ်ဝသော အစားများကျွေးရန်လည်း လိုအပ်သည်။ ထို့ပြင် မျိုးရိုးအဆင့်အတန်းကောင်းခြင်း မကောင်းခြင်းအပေါ်တွင်လည်း မူတည်သည်။

အသားစားနွားငယ်ကလေးများ ကြီးထွားဖွံ့ဖြိုးရေးအတွက် အောက်ပါနည်းများကို ကျင့်သုံးသင့်သည်။

နွားငယ်ကလေးများကို အစာအပြည့်အဝကျွေး၍ ဝစေခြင်း။
နွားလတ်အရွယ်တွင် စားကျက်သို့လွှတ်၍ စားချင်သလောက်စားစေခြင်း။
(၂) နှစ်အရွယ် နွားကလေးများအား မြက်ကောင်းစွာကျွေး၍ ဝစေခြင်းတို့ပင်ဖြစ်သည်။

အသားစားနွားမွေးမြူသူများအတွက် စီးပွားရေးအရတွက်ခြေအကိုက်ဆုံးမှာ ကိုယ်အလေးချိန်နည်းသည်ဖြစ်စေ၊ များသည်ဖြစ်စေ အမြဲတိုးတက်နေရန်နှင့် တိုးပြီးသားအလေးချိန်ပြန်ကျမသွားရန်ပင်ဖြစ်သည်။

နွေရာသီတွင် စားကျက်မှ အစာကြမ်းများရှားပါးတတ်သဖြင့် အသားတိုးနှုန်းကျဆင်းမသွားစေရန် မြက်ခြောက်၊ နွားစာချဉ်ဖတ်များ တစ်ကောင်လျှင် (၄၀) ကျပ်သားနှုန်း ဖြည့်စွက်ကျွေးသင့်သည်။ ဤနည်းအားဖြင့် အစာကိုလိုက်၍ အချို့အား(၂)နှစ်တွင် ရောင်းချနိုင်ပြီး အချို့ကိုမူ (၅-၆) နှစ်ရှိမှ ရောင်းချနိုင်သည်။

အသားစားနွားမျိုးကောင်းများတွင် အသားတိုးနှုန်းသည် မွေးသည့်အချိန်မှ (၃) နှစ်အထိ တစ်ရက်ပျမ်းမျှ (၁၄) ကျပ်သားရှိပါက ကောင်းမွန်သည်။ အထူးဂရုစိုက်ရမည့်အချက်မှာ နောက်ဆုံးအသားတိုးကျွေးချိန်တွင် ဝေးလံစွာ သွားရခြင်း၊ စားကျက် မြေကျယ်ပြန့်စွာသွားမှ အစာကြမ်းလုံလောက်ခြင်း မဖြစ်ပေါ်စေရန် ပြုလုပ်ပေးရမည်။

နည်းပညာများကို အောင်ဝင်းထွဋ်၏ “ကျွဲ၊နွား မွေးမြူနည်းနှင့် ရောဂါကုသနည်း” စာအုပ်မှ ကောက်နုတ်ဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...