မှိုဆိုတိုင်း စားသင့်ပါသလား

မိုးရာသီရောက်ပြီဆိုတော့ သွားရင်းလာရင်း လမ်းဘေးဝဲယာမှာ မှိုလေးတွေပေါက်နေကြတာကို မြင်တွေ့နေရပါပြီ။ မှိုလေးတွေမြင်တဲ့အခါ ခူးချင်စိတ်ဖြစ်မိကြမှာပါ။ မှိုတိုင်းဟာ မစားကောင်းမှန်း အားလုံးအသိပါပဲ။ ဒါပေမယ့် မှိုနဲ့မရင်းနှီးတဲ့သူတွေအတွက်တော့ စားကောင်းတဲ့မှိုနဲ့ မစားကောင်းတဲ့မှို ခွဲခြားဖို့ အခက်အခဲရှိနိုင်ပါတယ်။ အဆိပ်ရှိမှိုကို စားသုံးမိရင် မူးဝေ ဗိုက်နာ အော့အန် ဝမ်းလျောဖြစ်စေနိုင်တဲ့အပြင် အသက်သေဆုံးသည်အထိ အန္တရာယ်ဖြစ်နိုင်ပါတယ်။

ဒါကြောင့် မှိုကိုချက်ပြုတ်ဖို့ အိမ်သို့မသယ်ဆောင်မီ အပြင်ပိုင်းကြည့်ပြီး စားကောင်း၏ မစားကောင်း၏ ခွဲခြားနိုင်မယ့် နည်းလမ်းလေးတွေမျှဝေပေးချင်ပါတယ်။

- မှိုရဲ့အနံ့ဟာ မသတီစရာ ခပ်ပြင်းပြင်းအနံ့မျိုးဖြစ်နေရင် အဆိပ်ရှိမှိုဖြစ်ဖို့ သေချာသလောက်ပါပဲ

- မှိုရဲ့ထိပ်မှာ အရောင်ကွဲအကွက်နှင့် ကြွက်နို့ကဲ့လို့ အဖုအထစ်များပါနေလျှင်

- မှိုခေါင်းအောက်ခြေမှ ပါးဟက် စွတ်စွတ်ဖြူနေလျှင်

- မှိုရဲ့ ပင်စည်မှာ အကွင်းလေး ပါနေလျှင်

- မှိုရဲ့ မြေကြီးနဲ့ထိစပ်နေတဲ့ ပင်စည်ပိုင်းကိုကြည့်လို့ လုံးပြီးဖောင်းကြွနေလျှင် (မှိုကို အမြစ်ပါအောင် ဆွဲနှုတ်ကြည့်ပါ)

- မှိုကိုချိုးဖဲ့ကြည့်လို့ အသားတွေ အမဲရောင်ပြောင်းသွားလျှင်

- မှိုရဲ့ပင်စည် အလွန်ကြေမွလွယ်နေလျှင်

အထက်ပါအချက်အလက်တွေအားဖြင့် အဆိပ်ရှိမှိုကို အတော်အသင့်ခွဲခြားသိရှိနိုင်ပါတယ်။

သို့ပေမယ့် မှိုကို အမျိုးအစားတွေအလိုက် မှတ်သားထားတာတော့ အကောင်းဆုံးပါပဲ။ အဆိပ်ရှိမှိုများဟာ လူကိုသေစေသည်အထိ အန္တရာယ်ပေးနိုင်သော်လည်း စားကောင်းသောမှိုများဟာ လူ့ခန္ဓာကိုယ်အတွက် အင်မတန်မှအကျိုးပြုလှပါတယ်။

မှိုဟာ လူကို အန္တရယ်ဖြစ်စေသော အဆီနှင့် ကိုလက်စထရော မပါဝင်သလောက်ဖြစ်ပြီး အာဟာရဓာတ်များစွာပါဝင်သော စားစရာတစ်ခုဖြစ်ပါတယ်။

သတ္တုဓာတ်များ၊ ဗီတာမင်များ ကြွယ်ဝစွာပါဝင်ပြီး အသားဓာတ်ကြွယ်ဝတာကြောင့် သက်သက်လွတ်သမားတွေအတွက်လည်း အသားအစားထိုးစားသုံးနိုင်ပါတယ်။

အမျှင်ဓာတ်ကြွယ်ဝတာကြောင့် ဝမ်းမှန်စေပြီး ဆီးချိုရောဂါရှင်များအတွက်လည်း အထူးသင့်တော်ပါတယ်။

ဓာတ်တိုးဆန့်ကျင်ပစ္စည်းများ ပါဝင်သောကြောင့် အိုမင်းရင့်ရော်မှုကို နှေးကွေးစေပါတယ်။

မှိုဟာ နှလုံးကျန်းမာရေးနှင့် ဦးနှောက်ကျန်းမာရေးကိုလည်း ကောင်းမွန်စေပါတယ်။

ကိုယ်ခံစွမ်းအားကို မြှင့်တင်ပေးပြီး အရိုးကျန်းမာရေးကိုလည်း အထောက်အကူပြုပါတယ်။

မှိုဟာ ကျန်းမာရေးအတွက် အင်မတန်ကောင်းမွန်သော်လည်း အလွန်အကျွံမစားမိစေရန်သတိပြုသင့်ပါတယ်။ နေ့စဉ် မှိုငါးပင်မှ ဆယ်ပင် မှန်မှန်စားပေးခြင်းဟာ ကျန်းမာရေးအတွက် အသင့်လျှော်ဆုံးပဲ ဖြစ်ပါတယ်။

Ref: https://www.intechopen.com/books/an-introduction-to-mushroom/edible-mushroom-nutritional-properties-potential-nutraceutical-values-and-its-utilisation-in-food-pr

https://www.gmushrooms.com/info.htm

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...