မွေးမြူရေးငါးများ အီးယူသို့ တင်ပို့ခွင့်ရရှိသော်လည်း တစ်လကျော်ကြာမြင့်သည်အထိ တင်ပို့နိုင်ခြင်းမရှိသေး

မြန်မာ့မွေးမြူရေးငါး၊ ပုစွန်များ ဥရောပသမဂ္ဂအဖွဲ့ဝင်နိုင်ငံများသို့ မေလ တစ်ရက်နေ့မှစတင်ကာ တင်ပို့ခွင့်ရရှိထားသော်လည်း လက်ရှိအချိန်ထိ တင်ပို့နိုင်ခြင်းမရှိသေးကြောင်း ငါးလုပ်ငန်းဦးစီးဌာန ပြည်ပပို့ကုန် အရည်အသွေးစစ်ဆေးရေးဌာနစုမှ သိရသည်။

လက်ရှိတွင် EU သို့ မွေးမြူရေးငါးတင်ပို့ခွင့်ရရှိသည့် စက်ရုံ ၇ ရုံနှင့် မွေးမြူရေးငါးကန် ၂၇ ကန်အား စစ်ဆေးမှုများပြုလုပ်ကာ ယင်းစက်ရုံများနှင့် မွေးမြူရေးကန်များ၏ အချက်အလက်များကို သက်ဆိုင်ရာ ငါးလုပ်ငန်းဦးစီးဌာနများသို့ ပေးပို့ထားပြီးဖြစ်ကြောင်း သိရသည်။

"ဒီကာလက ငါးမဖမ်းရရာသီဖြစ်တဲ့အတွက် ဒါတွေကို ဦးစားပေးပြီးတော့ မသွားသင့်ဘူးလား။ ကျွန်တော်တို့ တစ်လကျော်သွားပြီ။ မေလတစ်ရက်ကနေစပြီးတော့ အခုထိ တင်ပို့တာမရှိဘူး။ ရုံးချုပ်က ကျွန်တော့်ကိုမေးရင် ပြောစရာမရှိဘူး ဖြစ်နေတယ်။ မွေးငါးရဲ့ Data တင်ဆိုရင် ကျွန်တော်မှာ တင်စရာမရှိဘူး။" ဟု ငါးလုပ်ငန်းဦးစီးဌာန၊ ပြည်ပပို့ကုန် အရည်အသွေးစစ်ဆေးရေးဌာနစု တာဝန်ခံ ဒုတိယညွှန်ကြားရေးမှူး ဦးသက်နိုင်က ပြောသည်။

မြန်မာမွေးမြူရေးငါး၊ ပုစွန်များ EU သို့ တင်ပို့ခွင့်ရရှိရန်အတွက် ၂၀၁၄ ခုနှစ်ကစတင်၍ ကြိုးစားခဲ့ခြင်းဖြစ်ပြီး လက်ရှိငါးမဖမ်းရရာသီဖြစ်၍ မွေးမြူရေးငါးများကို အီးယူသို့ တင်ပို့သင့်ကြောင်း သိရသည်။

မြန်မာရေထွက်ကုန်များ အီးယူသို့ တင်ပို့နေမှုကို ၁၉၉၇ ခုနှစ်မှစတင်ကာ GSP တိုးမြှင့်လိုက်သည့်အတွက် မြန်မာ့ရေထွက်များကို အီးယူနိုင်ငံများသို့ တင်ပို့ခွင့်မရရှိဘဲ ၂၀၁၀ ခုနှစ် ကစတင်၍ သဘာဝနှင့် ပင်လယ်မှ ဖမ်းဆီးရရှိသော ငါးများကို ပြန်လည်တင်ပို့ခွင့် ရရှိခဲ့ခြင်းဖြစ်ပြီး မွေးမြူ ရေးငါးများအား ၂၀၁၉ ခုနှစ် မေလ ၁ ရက်မှစတင်၍ ထပ်မံတင်ပို့ခွင့် ရရှိခဲ့ခြင်းဖြစ်ကြောင်း မြန်မာနိုင်ငံ ရေထွက်ကုန်ပစ္စည်း ထုတ်လုပ်သူများနှင့် ပို့ကုန်လုပ်ငန်းရှင်များအသင်းမှ သိရသည်။

"အချိန်အတိုင်းအတာဆိုရင် ကိုယ့်ကြိုက်တဲ့ ဈေးရမှ ရောင်းမှာပေါ့။ လက်ရှိကုန်ကလည်း သူတို့လိုချင်တဲ့ အရွယ်အစားနဲ့ အံဝင်ခွင်ကျဖြစ်ရဲ့လား။ ပြည်ပဈေးကွက်အတွက် 2 Kg ရဖို့ဆိုရင် အနည်းဆုံး ခြောက်လ၊ တစ်နှစ်လောက် မွေးရတယ်။ အဲ့ဒါကို Plan ချပြီးတော့လုပ်မှ တကယ့်ဈေးကွက်နဲ့ အံဝင်ခွင်ကျတဲ့ ထုတ်ကုန်တွေ ထွက်လာမှာပေါ့။ တစ်ဖက်က ထုတ်လုပ်ရေးပိုင်းမှာ စက်ရုံတွေ ကြည့်မယ်ဆိုရင် အီးယူကို တင်ပို့နိုင်တဲ့ စက်ရုံ ၂၀ လောက်ရှိတယ်။ စက်ရုံပိုင်းက ပြဿနာမရှိဘူး။ အဓိကတော့ ကုန်ကြမ်းထုတ်လုပ်မှု အပိုင်းစောင့်ရမယ်။ နိုင်ငံတကာ ကုန်သွယ်မှုအပိုင်းဝင်နိုင်ဖို့ စောင့်ရမယ်။" ဟု မြန်မာနိုင်ငံ ရေထွက်ကုန်ပစ္စည်း ထုတ်လုပ်သူများနှင့် ပို့ကုန်လုပ်ငန်းရှင်များအသင်း ဥက္ကဋ္ဌ ဦးထွန်းအေးက ပြောသည်။

သဘာဝမှရရှိသည့် မွေးမြူရေးငါးများကို ၂၀၁၇ ခုနှစ်တည်းကပင် အီးယူနိုင်ငံပေါင်း ၂၈ နိုင်ငံအနက် ၁၀ နိုင်ငံကို ငါး၊ ပုစွန် တင်ပို့ခဲ့ခြင်းဖြစ်ပြီး ၂၀၁၇-၂၀၁၈ ဘဏ္ဍာနှစ်အတွင်း ငါး၊ ပုစွန် တင်ပို့မှုတွင် ငါးအများဆုံးတင်ပို့ခဲ့ရာ တန်ချိန်အားဖြင့် ၁၀၀၀၀ ကျော်နှင့် တန်ဖိုးအားဖြင့် အမေရိကန်ဒေါ်လာ သန်း ၂၀ ကျော် တင်ပို့နိုင်ခဲ့ကြောင်း သိရသည်။

ထို့အပြင် မေလ ၁ ရက်မှစ၍ အီးယူသို့ တင်ပို့ခွင့်ရရှိမည့် မွေးမြူရေးငါးများမှာ ငါးမြစ်ချင်း၊ ငါးခေါင်းပွ၊ ငါးကြင်းဖြူ ၊ ရွှေဝါ၊ ငါးတန်၊ ငါးခုံးမကြီး၊ တီလားဘီးယား၊ ပုစွန်ဖြူ ၊ ပုစွန်ကြား၊ ဂဏာန်းပျော့တို့ဖြစ်ပြီး ယင်းမွေးမြူ ရေးငါးများကို UK၊ အီတလီ၊ ပြင်သစ်၊ နယ်သာလန်၊ ဆိုက်ပရပ်စ်၊ ဆွီဒင်၊ ဂရိ၊ ဘယ်ဂျီယံ၊ ဂျာမနီ အစရှိသော နိုင်ငံများသို့ တင်ပို့သွားမည်ဖြစ်ကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...