ငရုတ်အပွင့်မတင်ရခြင်း အကြောင်းအရင်းများ

အသီးတွေမတင်လို့ဗျာ..အပွင့်တွေကြွေနေလို့ ဘာဆေးကျွေးရမလဲ...????

ဒီလိုပြဿနာတွေက ငရုတ်စိုက်တောင်သူတွေအတွက် အသိချင်ဆုံးဖြစ်မယ်လို့ မျှော်လင့်ပါတယ်။ ဘာလို့ အပွင့်တွေကြွေပြီး အသီးတွေမတင်ရသလဲသိရင် ဒီလိုပြဿနာတွေကနေ ကာကွယ်နိုင်မှာဖြစ်ပါတယ်။

ပန်းပွင့်ကြွေရတဲ့အကြောင်းအရင်းတွေကတော့

၁။ ဝတ်မှုန်ကူးမှု မအောင်မြင်ခြင်း

ပန်းပွင့်လေးတွေက ဝတ်မှုန်ကူးနိုင်မှသာ ပန်းပွင့်ကနေ ငရုတ်သီးတောင့်ဖြစ်နိုင်တာပါ။ ပလတ်စတစ် အမိုးအကာတွေအောက်မှာစိုက်ရင်သာ ဒီလိုကိစ္စရပ်တွေက ဖြစ်နိုင်ခြေများတာပါ။ လယ်ကွက်ထဲမှာစိုက်ရင်တော့ ဝတ်မှုန်ကူးပေးမယ့် ပျား၊ ပိတုန်း တွေရှိလို့ အဆင်ပြေပါတယ်။ ကိုယ့်လယ်ကွက်ရဲ့ဘေးမှာ ပျား၊ ပိတုန်းတွေလာမယ့် အလှပန်းပင်လေးတွေ စိုက်ထားပေးလို့ရပါတယ်ရှင့်။ ကိုယ့်သီးနှံအတွက်လည်း အထောက်အကူဖြစ်၊ စိုက်ခင်းထဲမှာ အလုပ်လုပ်ရင်း မျက်စိပသာဒလည်းဖြစ်စေတာပေါ့။ စိုက်မယ်ဆို နေကြာပန်း၊ ချစ်တီးပန်းတို့လို့ ပန်းလေးတွေစိုက်ထားလို့ရပါတယ်။

၂။ လေအဝင်အထွက်မကောင်းခြင်း

သဘာဝအရလေတိုက်ရင်လည်း ပန်းပွင့်တွေက ဝတ်မှုန်ကူးနိုင်ပါတယ်။ စိုက်ခင်းက အပင်အရမ်းကြပ်နေပြီး လေအဝင်အထွက်မရှိရင်လည်း ဝတ်မှုန်မကူးနိုင်ဖြစ်ပြီး အပွင့်တွေကြွေတတ်ပါတယ်။ ဒီတော့ နောက်တစ်ခေါက်စိုက်ရင် အရမ်းကြပ်ကြပ်မစိုက်မိအောင် ရှောင်လိုက်ရုံပါပဲ။ ဝတ်မှုန်ကူးပေးမယ့် အကောင်လေးတွေလည်း စိုက်ခင်းထဲ ဝင်လို့ရသွားတာပေါ့။

၃။ ရေအလွန်အကျွံလောင်းခြင်း

တစ်ပတ်မှာ ၂ ကြိမ်လောက်ရေလောင်းနိုင်ရင်ကို ငရုတ်က အဆင်ပြေပါတယ်။ ရေပေးသွင်းမှုအရမ်းများတဲ့အခါလည်း ကြွေတတ်ပါတယ်။ ပွင့်သမျှအပွင့်တိုင်းကတော့ အသီးအဖြစ်မရောက်ပါဘူး။ တစ်ခါတစ်လေမှာ အရမ်းမတွေးဘဲ သဘာဝအတိုင်း ကြွေတတ်တာကိုလည်း သိထားဖို့လိုပါသေးတယ်။

၄။ မခူးဘဲထားတဲ့ အသီးလက်ကျန်တွေရှိခြင်း

မခူးဘဲထားတဲ့အသီးတွေရှိရင်လည်း အပွင့်ကြွေတတ်ပါတယ်။ ကျန်ရှိနေတဲ့အသီးတောင့်တွေအတွက်အပင်က အားစိုက်ထုတ်နေရတဲ့အခါ ပန်းပွင့်တွေစီ အာဟာရ လုံလောက်စွာမရောက်နိုင်ဘဲ ကြွေရခြင်းပါ။ ဒါကြောင့် ရင့်မှည့်သမျှအသီးတောင့်တိုင်းကို ဆွတ်ဖို့အမေ့ပါနဲ့။

၅။ ပူလိုက် အေးလိုက်ဖြစ်ခြင်း

ငရုတ်သီးနှံက ငြိမ်နေတဲ့အပူချိန်ရှိတဲ့ ရာသီဥတုကို ကြိုက်နှစ်သက်ပါတယ်။ ရာသီအပြောင်းအလဲတွေမှာ အပူချိန်အတက်အကျ များလွန်းခြင်းတွေကလည်း ငရုတ်ပွင့်တွေကြွေစေပါတယ်။

၆။ မြေသြဇာအကျွေးများခြင်း

တစ်ခါတစ်လေမှာ သီးနှံဖြစ်ထွန်းစေချင်လွန်းပြီး မြေသြဇာတွေ အလွန်အကျွံကျွေးမိတဲ့အခါမှာ ပန်းပွင့်တွေကြွေတတ်ပါတယ်။

ဒီအချက်တွေကို သိထားမယ်ဆိုရင်တော့ မိမိစိုက်ခင်းထဲမှာ ဖြစ်ပေါ်နေတဲ့ အခြေအနေအရပ်ရပ်ကိုကြည့်ပြီး လိုအပ်သလို ပြုပြင်နိုင်မှာပါ။

သိမ့်ဇာ

Ref; http://www.thechilliking.com/

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ငရုတ်အပွင့်မတင်ရခြင်း အကြောင်းအရင်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငရုတ်အပွင့်မတင်ရခြင်း အကြောင်းအရင်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}