ရေပေါ်ငါးအစာတောင့်၏ အားသာချက်နှင့် အားနည်းချက်များ

ယခုနောက်ပိုင်းတွင် ငါးမွေးမြူရေး၌ ခေတ်စားလာသော ရေပေါ်ငါးအစာတောင့်၏ အားသာချက်များမှာ - 

(၁) အာဟာရဓာတ်မြင့်မားစွာ ထိန်းထားနိုင်ခြင်း (High Nutrition Retention)

ရေပေါ်ငါးအစာသည် ရေပေါ်တွင် ကြာရှည်စွာနေနိုင်သည်။ အစာရေတွင် ပျော်ဝင်သောအခါ အာဟာရတန်ဖိုးအချို့ ဆုံးရှုံးသွားသည်။ ရေပေါ်ငါးအစာသည် ရေ၊ ရွှံ့နှင့် အညစ်အကြေးများကြောင့် အစာဆုံးရှုံးမှု၏ ၂၀% ကို သက်သာစေနိုင်သည်။ အရည်အသွေးမြင့်သည့် ရေပေါ်ငါးအစာသည် ရေပေါ်တွင်အနည်းဆုံး (၁၀) နာရီခန့် ရှိနေနိုင်သည်။

(၂) မွေးငါးများအား စောင့်ကြည့်နိုင်ခြင်း (Monitoring the Fish)

ရေပေါ်ငါးအစာစားသုံးခြင်းသည် ငါးများအစာစားနေစဉ်အတွင်း ငါးကန်ကမ်းစပ်များမှမြင်နိုင်သောကြောင့် ငါး၏အစာစားချင်စိတ်ရှိ/မရှိကို စောင့်ကြည့်ရန်အထောက် အကူဖြစ်စေပါသည်။ ထို့အပြင် ငါး၏ကျန်းမာရေးနှင့် လှုပ်ရှားမှုအခြေအနေကိုပုံမှန် ကြည့်ရှုစစ်ဆေးနိုင်သည်။

(၃) ပတ်ဝန်းကျင်နှင့် လိုက်လျောညီထွေရှိခြင်း (Environment Friendly)

ရေပေါ်ငါးအစာသည် ကြည့်ရှုရန် အလွန်လွယ်ကူသည်။ မစား၍ ကျန်ရှိသော အစာအချို့ကိုပင် ကောက်ယူ၍ အခြောက်ခံနိုင်သည်။ ဤအစာကို နောက်ပိုင်းတွင် ပြန်လည်ကျွေးရန်အသုံးပြုနိုင်ပြီး ရေကိုသန့်ရှင်းစေရန်လည်း ကူညီပေးသည်။ ယင်းအချက်သည် ငါးကြီးထွားမှုနှင့် သဘာဝပတ်ဝန်းကျင်ထိန်းသိမ်းရေးအတွက် အလွန်အကျိုးရှိစေသည်။ အစာအလေအလွင့်မရှိသလောက်နည်း၍ ကန်ရေ၏အရည် အသွေးကောင်းစေရန် အထောက်အကူပြုသည်။

(၄) လွယ်ကူစွာသိမ်းဆည်းနိုင်ခြင်း (Easy to Store)

ရေပေါ်စာထုတ်လုပ်ရာတွင်မြင့်မားသောအပူချိန်နှင့် ဖိအားတို့ဖြင့်ထုတ်လုပ်ထားသဖြင့် ရေပေါ်စာ၏ရေပါဝင်မှု (Moisture Content) မှာ ၈% - ၉% ရှိပြီး အလွန်နည်းသည်။ သို့ဖြစ်၍ ရေပေါ်ငါးစာသည် မာကျောပြီးအရည်အသွေးတည်ငြိမ် မှုရှိသည်။ အစိုဓာတ်ပါဝင်မှုနိမ့်သောကြောင့်သိုလှောင်ရန် ပိုမိုလွယ်ကူသည်။

ရေပေါ်ငါးအစာတောင့်၏ အားနည်းချက်သည် ဝယ်ယူရာတွင်ပို၍စျေးကြီးခြင်း၊ ရေပေါ်ငါးအစာတောင့်ထုတ်လုပ်ရာ၌လည်း အသုံးပြုသည့်စက်များ (Feed Millers) သည်လည်း ပုံမှန်အစာတောင့်ထုတ်စက်များထက် ပို၍စျေးကြီးခြင်းကြောင့်ဖြစ်သည်။ ထို့အပြင် အစာစက်ရုံတည်ဆောက်ပြီး စက်စမ်းသပ်လည်ပတ်ခြင်း၊ သတ်မှတ်အရည်အသွေးပြည့်မီသည့် “စံ” ရေပေါ်ငါးစာထုတ်လုပ်နိုင်ရေး အချိန်အများစုသည်ကုန်ကျစရိတ် များပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်