ငါးမဖမ်းရရာသီတွင် မိရိုးဖလာကမ်းနီး ငါးဖမ်းလုပ်ငန်းများကိုသာ လုပ်ကိုင်ခွင့်ပေးမည်

လာမည့် ငါးမဖမ်းရရာသီတွက် ကမ်းဝေးငါးဖမ်းသင်္ဘောများအပြင် ကမ်းနီးငါးဖမ်းလှေများကိုလည်း ငါးဖမ်းဆီးခွင့် လုံးဝပိတ်သိမ်း၍ မိရိုးဖလာကမ်းနီးငါးဖမ်းလုပ်ငန်းများကိုသာ လုပ်ကိုင်ခွင့်ပေးသွားမည်ဖြစ်ကြောင်း ရန်ကုန်တိုင်း ဒေသကြီး ငါးလုပ်ငန်းဦးစီးဌာနမှ သိရသည်။ ရန်ကုန်မြို့ရှိ မြန်မာနိုင်ငံ ငါးလုပ်ငန်းအဖွဲ့ချုပ်တွင် ဧပြီလ ၉ ရက်က ကျင်းပပြုလုပ်သည့် သား/ငါးကဏ္ဍလုပ်ငန်းရှင် များ ပုံမှန်တွေ့ဆုံဆွေးနွေးပွဲမှ သိရသည်။ "ကျွန်တော်တို့ ဌာနက ရည်ရွယ်တဲ့ အတိုင်းအတာက ဇွန်၊ ဇူလိုင်၊ သြဂုတ်မှာ သုညရာခိုင်နှုန်းပေါ့။ ငါးဖမ်းသင်္ဘောတစ်စီးမှ ပေးမထွက်ဘူး။ အဲ့ဒါကို အားလုံးက လက်ခံ တယ်။ ဒါပေမယ့် ငါးမဖမ်းရ ကာလကိုတော့ ၃ လ မဟုတ်ပဲ ၂ လပဲ ပိတ်ပေါ့နော်။ တကယ်တမ်း ပိတ်သင့်တာက မေ၊ ဇွန် အဲ့လိုလမျိုးမှာ ပိတ်သင့်တာပါ။ ဘာလို့လည်း ဆိုတော့ သားပေါက်ရာသီမှာ မျိုးငါးတွေ ထိန်းသိမ်းခြင်း၊ ပေါက်လာတဲ့ သားပေါက်တွေကို ထိန်းသိမ်းခြင်း လုပ်နိုင်မယ်ဆိုရင် ငါးသယံဇာတက ပိုမိုတိုးတက်လာမှာပါ။" ဟု ရန်ကုန်တိုင်းဒေသကြီး ငါးလုပ်ငန်းဦးစီးဌာန ဒုတိယညွှန်ကြားရေးမှူး ဦးလှဌေးက ပြောသည်။

ငါးမဖမ်းရရာသီနှင့် ငါးမဖမ်းရဧရိယာအား ရက် ၆၀ သို့မဟုတ် ၉၀ ရက် သတ်မှတ်သွားမည်ဖြစ်ပြီး ယင်းကာလအတွင်း ငါးဖမ်းသင်္ဘောများကို သုညရာခိုင်နှုန်း သတ်မှတ်ပေးရန် လုပ်ငန်းရှင်များမှ အကြံပြုဆွေးနွေးထားကြောင်း သိရသည်။ သို့သော် ကမ်းဝေး သို့မဟုတ် ကမ်းလတ် လိုင်စင်မဲ့ ငါးဖ မ်းလုပ်ကိုင်မှုများကို ဥပဒေအရ အရေးယူသွားမည်ဖြစ်ပြီး ငါးမဖမ်းရရာသီနှင့် ငါးမဖမ်းရဧရိယာတွင် ရက် ၆၀ သို့မ ဟုတ် ၉၀ ရက် သတ်မှတ်ခြင်းနှင့် ပတ်သက်၍လည်း စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာန ပြည် ထောင်စုဝန်ကြီးထံသို့ တင်ပြထားပြီးဖြစ်ကြောင်း သိရသ ည်။

"အခုလောလောဆယ် ကျွန်တော် သိရသလောက်တော့ ဌာနကနေ အများကြီးလုပ်နေရပါတယ်။ အရင်တုန်းကလို ဇွန်၊ ဇူလိုင်၊ သြဂုတ်မှာ သုညရာခိုင်နှုန်းလုပ်ပြီး ပိတ် လိုက်ဖို့ အဲ့လိုမျိုး လုပ်ပေးမယ့် အတိုင်းအတာမှာ အခုက မေလ စပိတ်မရလား၊ ဇွန်လ စပိတ်ရမလား။ နှစ်လ ပိတ် ရမလား၊ သုံးလ ပိတ်ရမလား ဖြစ်နေတယ်။ ပြီးရင် ကမ်း နီးတွေပါ ပိတ်မယ်။ ကမ်းနီးပိတ်တဲ့ နေရာမှာလည်း မိရိုး ဖလာကမ်းနီး ငါးဖမ်းလုပ်ငန်းကို ခွင့်ပြုမယ်။" ဟု ဦးလှဌေးက ပြောသည်။ မိရိုးဖလာ (ကမ်းနီး) ငါးလုပ်ငန်းဆိုသည်မှာ စားဝတ်နေ ရေးအရ နေ့ချင်းပြန်ငါးဖမ်းလုပ်ငန်းကို ဆိုလိုခြင်းဖြစ်သည်။ ငါးသယံဇာတ ထိန်းသိမ်းကာကွယ်ရန် စိုက်ပျိုးရေး၊ မွေးမြူ ရေးနှင့် ဆည်မြောင်းဝန်ကြီးဌာန ငါးလုပ်ငန်းဦးစီးဌာနအနေဖြင့် ၂၀၁၃ ခုနှစ်မှ စတင်၍ နှစ်စဉ်ငါးမဖမ်းရ ရာသီ အဖြစ် သုံးလသတ်မှတ်ကာ ငါးဖမ်းသင်္ဘောများကို ရာခိုင်နှုန်းအလိုက်သတ်မှတ်၍ ငါးဖမ်းခွင့်ပေးလျက်ရှိကြောင်း သိရသည်။

ငါးမဖမ်းရရာသီတွင် ရန်ကုန်တိုင်းဒေသကြီး၊ ဧရာဝတီတို င်းဒေသကြီး၊ တနင်္သာရီတိုင်းဒေသကြီး၊ မွန်ပြည်နယ်နှင့် ရခိုင်ပြည်နယ်တို့တွင် ငါးဖမ်းဆီးခွင့်ကို အားလုံးပိတ်သိမ် းရန် သဘောတူညီ၍ ရက် ၉၀ အစား ရက် ၆၀ သတ်မှတ်ပေးရန် တင်ပြထားပြီး ရခိုင်ပြည်နယ်နှင့် ဧရာဝတီတိုင်းဒေသကြီးကို ၄၅ ရက်၊ မွန်ပြည်နယ်နှင့် တနင်္သာရီတိုင်းဒေသကြီးကို ရက် ၆၀ သတ်မှတ်ပေးရန်၊ ရန်ကုန်တိုင်းဒေသကြီးကိုသာ သင့်သလိုသတ်မှတ်ပေးရန် တင်ပြထားကြောင်း မြန်မာနိုင်ငံ ပင်လယ်ငါးဖမ်းလုပ်ငန်းရှင်များအသင်း ဒုဥက္ကဋ္ဌ ဦးကျော်နိုင်က ပြောသည်။ ငါးဦးစီးဌာနသည် ပြီးခဲ့သည့် ငါးဖမ်းရကာလ (Close Seas on) ကို ၂၀၁၈ ခုနှစ် မေလ ၁၆ ရက်မှ သြဂုတ်လ ၁၅ ရက် အထိ သတ်မှတ်ထားပြီး ယင်းကာလအတွင်း ကမ်းဝေးငါးဖမ်းသင်္ဘောများ ၂၀ ရာခိုင်နှုန်းကို ဖြေလျော့ငါးဖမ်းဆီးခွင့်ပေးခဲ့ကြောင်း သိရသည်။ ရန်ကုန်တိုင်းဒေသကြီး၊ တနင်္သာရီတိုင်းဒေသကြီးနှင့် မွန် ပြည်နယ်တို့တွင် ကမ်းနီး/ကမ်းဝေး ပင်လယ်ငါးဖမ်းလုပ် ငန်းရှင် အများအပြားရှိပြီး လက်ရှိမြန်မာနိုင်ငံတွင် ကမ်းဝေးငါးဖမ်းရေယာဉ်အစီးရေပေါင်း ၃၀၀၀ ကျော်ရှိကြောင်း သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...