ကန်မြေသားအရောင်ကပြောသော ငါးမွေးမြူရေး ပြဿနာများ

အောက်ဖော်ပြပါ အချက်များပေါ် မူတည်၍ မြေသား၏အရည်အသွေးနှင့် မြေအမျိုးအစားများ ကွဲပြားမှု ဖြစ်ပေါ်နိုင်သည်။ ယင်းတို့မှာ -

(က) မြေသား၏ အရောင် (Soil Color)

(ခ) မြေသား၏ ချဉ်ဖန်ဓာတ် (Soil pH)

(ဂ) သဲ၊ နုန်း၊ ရွှံ့များ ပျံ့နှံပါဝင်မှုနှင့် မြေအမျိုးအစား (Soil Particle Size <Sand, Silt, Clay> Distribution and Soil Type)

(ဃ) N: P: K အဟာရဓာတ်ပါဝင်မှု (Content of Nitrogen, Phosphorus and Potassium)

(က) မြေသား၏အရောင် (Soil Color)

မြေသား၏အရောင်ကို မျက်စိဖြင့်ကြည့်၍ ယေဘုယျအားဖြင့် အရည်အသွေး ကောင်း၊ မကောင်းသုံးသပ်နိုင်သည်။ ယင်းအတွက်မြေသားအရောင်သည် အရေးကြီးသည်။ အရောင်သည် မြေသားတွင် ဓာတ်သတ္တုပါဝင်မှု၊ မြေဆီဩဇာ၊ မြေဆီလွှာဩဂဲနစ်ပစ္စည်း စသည်တို့နှင့် ဆက်စပ်နေပါသည်။ သို့ဖြစ်၍ အရည်အသွေးကောင်းသည့် မြေသားရွေးချယ်မှုအတွက် မှန်ကန်စွာ ခွဲခြားညွှန်ပြပေးနိုင်သည်။

မြေကြီးအရောင်အား အဓိကအားဖြင့် (၃)ရောင်ခွဲခြားသည်။ ယင်းတို့မှာ အနက်၊ အနီ၊ အဖြူရောင်တို့ဖြစ်သည်။ ထို့အပြင် အဝါ၊ အညိုနှင့် မီးခိုးအရောင်ရှိသော မြေတို့ကိုလည်း တွေ့နိုင်သည်။ တခါတရံ စိမ်းဖျော့ရောင်ရှိသော မြေကိုလည်း တွေ့ရတတ်သည်။

အနက်ရောင် - သဘာဝဩဂဲနစ်ပစ္စည်းပါဝင်မှုများသော မြေမျိုးဖြစ်သည်။ ယင်းမြေမျိုးကို ဩဇာဓာတ်ကြွယ်ဝသော မြေအဖြစ် သတ်မှတ်သည်။ စိုက်ပျိုးရေးအတွက် အသုံးဝင်သည်။ (တခါတရံ Ferric Oxide ပါဝင်မှုများပါကလည်း မြေကို အနက်ရောင်ဖြစ်စေသည်။)

အနီရောင် - သံနှင့်အလူမီနီယံအောက်ဆိုဒ်ဓာတ်များပါဝင်မှုများပါက မြေကြီးအရောင်ကိုနီစေသည်။ အထူးသဖြင့် Ferrous Oxide ကြောင့် မြေနီများဖြစ်စေသည်။ ဂဝံဆန်သောမြေနီများဖြစ်သည်။ ရေထိန်းသိမ်းနိုင်မှု အားနည်းသည့်အပြင် Soil pH လည်း နိမ့်ကျသဖြင့် မွေးမြူရေးအတွက် အကျိုးမရှိပါ။

အဖြူရောင် - ဆားနှင့်ဆီလီကိတ်ဓာတ်များပါဝင်မှုများသော မြေတွင် အဓိကတွေ့ရသည်။ Manganese Oxide နှင့် Calcium Carbonate (ထုံးကျောက်) ပါဝင်မှုကြောင့်လည်း မြေကိုဖြူစေသည်။ ပင်လယ်ရေအတက်အကျရှိသောဒေသများတွင်လည်း အပေါ်ယံမြေတွင် အဖြူရောင်အလွှာရှိတတ်သည်။ Saline Soil ဟုခေါ်သည်။ ယင်းမြေမျိုးတွင် ဆိုဒီယမ်ပါဝင်မှု မြင့်မားသဖြင့် ရေတွင်ပါ အငံဓာတ်ပါဝင်မှုဖြစ်စေသည်။ ရေချိုမွေးမြူရေးအတွက် အသုံးမပြသင့်ပေ။ ထို့အပြင် အဆိုပါ White Alkali Soil မျိုးတွင် Soil pH 8.5 မှ 10.0 အထိ ရှိတတ်သဖြင့် ကန်ရေတွင်ရှိသော Water pH မြင့်မားလွန်းခြင်းကြောင့် ငါးများ သေဆုံးနိုင်ခြင်း (Alkali-ne Death Point – Water pH 11) ဖြစ်စေနိုင်သည်။

အညို‌ရောင် - သဘာဝဩဂဲနစ်ပစ္စည်းများ ပါဝင်မှုပမာဏအရများပါက အနက်ရောင်၊ ယင်းထက်နည်းပါကအညိုရောင်မြေကိုဖြစ်စေသည်။ အဟာရပံ့ပိုးပေးနိုင်သည့် (N:P:K) ဓာတ်များအထိုက်အလျောက်ပါသဖြင့် မွေးမြူရေးအတွက် အသုံးပြုနိုင်သည်။ ရွှံ့ရောင်ရှိသည့် မြေသည် ငါး၊ ပုစွန်မွေးမြူရေးအတွက် အသင့်တော်ဆုံးဖြစ်သည်။

မီးခိုးရောင် - သံဓာတ်ကြွယ်ဝသော မြေမျိုးတွင် လေမဲ့မြေ (Anaerobic Soil) အခြေအနေ၌ ဘက်တီးရီးယားများ၏ ဓာတ်ပြုမှုကြောင့် ဖဲရစ် (Fe3+) မှ ဖဲရပ်စ် (Fe2+) ပုံစံ ပြောင်းသွားကာ မီးခိုးရောင်ဖြစ်ပေါ်စေသည်။ တခါတရံ စိမ်းပြာရောင် (သို့) အ စိမ်းဖျော့ရောင်ဖြစ်စေသည်။ အထူးသဖြင့် ပင်လယ်၊ မြစ်ကမ်းစပ်များတွင် တွေ့ရတတ်သည်။ ယင်းသည်လည်းမွေးမြူရေးအတွက် အကျိုးမရှိပေ။

အဝါရောင် - အက်ဆစ်ဆန်လွန်းသောမြေ (သို့) အက်ဆစ်ဆာလဖိတ်မြေ (Acid Sulfate Soil – ASS) မျိုးတွင် အဝါရောင် (သို့) လိမ္မော်ရောင် (ပျောက်ကျား) တွေ့ရသည်။ အဆိုပါ မြေမျိုးတွင် Jarosite ဓာတ်ပါဝင်မှုများသဖြင့် အဝါရောင်ဖြစ်စေပြီး၊ လိမ္မော်ရောင်သည်အခြားသော သံအောက်ဆိုဒ် ဓာတ်များကြောင့်ဖြစ်သည်။ အဆိုပါမြေမျိုးတွင်Soil pH လွန်စွာနိမ့်ကျတတ်သဖြင့် ငါးများ သေဆုံးနိုင်သည်။ Soil pH – 4 (Acid Death Point) အောက်နိမ့်ကျသဖြင့် မွေးမြူရေးအတွက် လုံးဝအသုံးပြုရန် မသင့်ပေ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...