ပြည်ပသို့ မြန်မာ့ရေထွက်ကုန်တင်ပို့မှု ယခင်နှစ်ကာလတူထက် ကန်ဒေါ်လာ ၁၅ သန်းကျော် ပိုရရှိ

ပြည်ပနိုင်ငံများသို့ မြန်မာ့ရေထွက်ကုန်တင်ပို့မှုသည် ၂၀၁၈ ခုနှစ် အောက်တိုဘာလမှ ၂၀၁၉ ခုနှစ် သြဂုတ်လအတွင်း အမေရိကန်ဒေါ်လာ ၆၆၇ ဒဿမ ၀၀၇ သန်းရရှိထားပြီး ယခင်နှစ်ကာလတူထက် အမေရိကန်ဒေါ်လာ ၁၅ ဒဿမ ၇၈၈ သန်း ပိုရရှိထားကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။ 

၂၀၁၇ -၂၀၁၈ ခုနှစ်တွင် သြဂုတ်လအထိ ပြည်ပသို့ ရေထွက်ကုန်တင်ပို့မှု မက်ထရစ်တန်ချိန် ၅၃၆၃၉၆ ဒဿမ ၀၅၅ တန်၊ အမေရိကန်ဒေါ်လာ ၆၅၁ ဒဿမ ၂၁၉ သန်းတင်ပို့ထားပြီး ၂၀၁၈-၂၀၁၉ ခုနှစ်တွင် မက်ထရစ်တန် ချိန် ၅၄၄၅၃၃ ဒဿမ ၁၈၇ တန်၊ အမေရိကန်ဒေါ်လာ ၆၆၇ ဒဿမ ၀၀၇ သန်း တင်ပို့နိုင်ခဲ့ကာ ယခင်နှစ်နှင့် ကာလတူနှိုင်းယှဉ်ပါက မက်ထရစ်တန်ချိန် ၈၁၃၇ ဒဿမ ၁၃၂ တန်၊ အမေရိကန်ဒေါ်လာ ၁၅ ဒဿမ ၇၈၈ သန်း ပိုမိုတင်ပို့နိုင်ခဲ့ကြောင်း သိရသည်။  

"အခု ၁၁ လမှာ ကန်ဒေါ်လာ ၆၆၇ သန်းဆိုတော့ တစ်လကို သန်း ၆၀ ပဲရတဲ့သဘောဖြစ်နေတယ်။ ဒီလ စက်တင်ဘာအတွက် သန်း ၆၀ ထပ်ပေါင်းလိုက်ရင် သန်း ၇၂၀ ပဲရမယ်။ မနှစ်ကထက် ပိုချင်ရင်လဲ နည်းနည်းပဲ ပိုလိမ့်မယ်။ ဒီနှစ်က တရုတ်-မြန်မာ ကုန်သွယ်ရေးလမ်းကြောင်းမှာ တော်တော်လေးကို ရက်ကြာကြာ အခုထိ ပြဿနာဖြစ်နေတော့ အဲ့ဒီအပေါ်မှာ တင်ပို့မှုကျသွားမယ့် သဘောရှိတယ်။ ဒီဘက်မှာက ငါးဖမ်းရာသီ ပိတ်ထားတော့ ပင်လယ်ငါး ပြည်ပတင်ပို့မှုက ဒီလတွေမှာ မတက်ဘူး။" ဟု မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင်က ပြောသည်။ 

သို့သော် ၂၀၁၈ ခုနှစ် ဧပြီလ ၁ ရက်မှ ၂၀၁၉ ခုနှစ် မတ် လ ၃၁ ရက်အထိ ယခင်ဘဏ္ဍာနှစ်တွင် ပြည်ပသို့ ရေထွက်ကုန်တင်ပို့မှုမှာ အမေရိကန်ဒေါ်လာ သန်း ၇၂၀ ရရှိထားပြီး ဆယ်စုနှစ်ကာလအတွင်း အများဆုံးတင်ပို့နိုင်ခြင်းဖြစ်သည်။ 

၂၀၁၄-၂၀၁၅ ဘဏ္ဍာနှစ်တွင် အမေရိကန်ဒေါ်လာ ၄၈၂ သန်း၊ ၂၀၁၅-၂၀၁၆ ဘဏ္ဍာနှစ်တွင် အမေရိကန်ဒေါ်လာ ၅၀၂ သန်း၊ ၂၀၁၆-၂၀၁၇ ဘဏ္ဍာနှစ်တွင် အမေရိကန် ဒေါ်လာ ၆၅၂ သန်း တင်ပို့နိုင်ခဲ့ကြောင်း သိရသည်။ 

"ဒါကြောင့် မနှစ်ကပမာဏကို မီချင်မီမယ်။ အဲ့ဒီပတ်ဝန်းကျင်လောက်လဲ ဖြစ်နိုင်တယ်။ ဘာလို့လဲဆိုတော့ တရုတ်-မြန်မာ ကုန်သွယ်ရေးလမ်းကြောင်းမှာ ပြဿနာတက်သွားတာ ဒီနေ့အထိကို ဘယ်လောက်ထိ နစ်နာသွားတယ်ဆိုတာ ရေထွက်ပစ္စည်းတင်ပို့တဲ့ဘက်က အချက် အလက် မသိသေးဘူး။ နောင်ပြီး ဘယ်လောက်ကြာမီလဲဆိုတာ မသိသေးဘူး။ ဒီစက်တင်ဘာလကုန်မှပဲ သိရမယ့်သဘောရှိတယ်။" ဟု ဦးဝင်းကြိုင်က ပြောသည်။ 

လက်ရှိတွင် တရုတ်နိုင်ငံသို့ သဘာဝမှ ဖမ်းဆီးရမိသော ငါး၊ ပုစွန်များသာ တင်ပို့ခွင့်ရှိပြီး မွေးမြူရေး ငါး၊ ပုစွန်များကို ယခုနှစ်အတွင်းက တရုတ်မှ အစားအသောက်ဘေးကင်းလုံခြုံမှုနှင့်ပတ်သက်၍ တင်းကြပ်လိုက်ခြင်းကြောင့် တရုတ် GACC အဖွဲ့နှင့် ချိက်ဆက်ဆောင်ရွက်ခြင်း မရှိသေးသည့် ငါး၊ ပုစွန်အချို့ တင်ပို့ရန် အခက်အခဲရှိနေသေးကြောင်း သိရသည်။ 

မြန်မာနိုင်ငံအနေဖြင့် ပြည်ပနိုင်ငံများသို့ ရေထွက်ကုန်ပစ္စည်း တင်ပို့မှုပမာဏသည် အိမ်နီးချင်းနိုင်ငံများ၏ တင်ပို့မှုပမာဏနှင့် နှိုင်းယှဉ်ပါက အလွန်နည်းနေခြင်းကြောင့် ပြ ည်ပတင်ပို့မှုပမာဏ မြှင့်တင်ရန်အတွက် သဘာဝမှ ဖမ်းဆီးရောင်းချခြင်းထက် မွေးမြူရေးစနစ်ကောင်းမွန်အောင် ဆောင်ရွက်သင့်ကြောင်း ငါးလုပ်ငန်းဦးစီးဌာနမှ သိရသည်။ 

မြန်မာနိုင်ငံမှ ထွက်ရှိသည့် ငါး၊ ပုစွန်၊ ဂဏန်းစသည့် ရေထွက်ပစ္စည်းများကို တရုတ်၊ ဆော်ဒီ၊ ထိုင်း၊ ဂျပန်နိုင်ငံတို့ အပါအဝင် နိုင်ငံပေါင်း (၄၀) ကျော်ကို တင်ပို့ထားလျက်ရှိကြောင်း သိရသည်။ 

အေးအေးမြင့်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်