ငါး၊ ပုဇွန်၊ ခရုတွေကရော အပင်အတွက် ဘယ်လိုကောင်းကျိုးတွေ ရနိုင်မလဲ

ပင်လယ်ကူးသင်္ဘောကြီးများဖြင့် ပင်လယ်အတွင်း ရက်ပေါင်းများစွာ ငါးဖမ်းထွက်သော သင်္ဘောအချို့တွင် ငါးသေတ္တာ စက်ရုံများပင် ပါသွားတတ်သည်။ ငါးသေတ္တာလုပ်ငန်းမှ စွန့်ပစ်ပစ္စည်းများကို ငါးမြေသြဇာများ ပြုလုပ်ရောင်းချကြသည်။ တစ်ကြိမ်က ငါးမြေသြဇာများ၏လက္ကားစျေးနူန်းမှာ တစ်ဂါလံကို အမေရိကန် ဒေါ်လာဝက်သာပေးရသော်လည်း လက်လီစျေးဖြင့် မြန်မာပြည်သို့ ရောက်လာသောအခါ တစ်လီတာကို (၇) ထောင်မှ တစ်သောင်းအထိ စျေးဖြစ်သွားသည်။ စိုက်ပျိုးသူများကို ကိုယ်တိုင်ပြုလုပ်သော ငါးမြေသြဇာများမှ အနံ့ဆိုးများရှိပြီး နိုင်ငံခြားမှလာသော ငါးမြေသြဇာများမှာ ထိုအနံ့ဆိုးများကို ဖယ်ရှားထားနိုင်ခြင်းမှာ အဓိကကွာခြားမှုဖြစ်သည်။ တန်ဖိုးကြီးသီးနှံများ စိုက်ပျိုးရာတွင် ငါးမြေသြဇာကို အထူးအလေးထားအသုံးပြုကြသည်။

ဉရောပတိုက်သားများ ဘာသာရေး လွတ်လပ်မှုအတွက် အမေရိကတိုက်သို့ ပြောင်းရွှေ့အခြေချစဉ်က အကျွမ်းတဝင် မရှိသေးသော နယ်ပယ်သစ်တွင် စိုက်ပျိုးရေးကို အောင်မြင်စွာ မပြုလုပ်နိုင်၍ အငတ်ဘေးနှင့် ကြုံတွေ့ခဲ့ကြရသည်။ ထိုအခါ ဒေသခံအိန္ဒိယလူနီများက ပြောင်းကဲ့သို့ မျိုးစေ့တစ်စေ့စိုက်မည်ဆိုတိုင်း ငါးကလေးတစ်ကောင်ကို ဦးစွာမြေမြုပ်ပြီးမှ ထိုငါးအပေါ်တွင် အစေ့ကို စိုက်ကြသည်။ ထိုငါးမှာ ပေါက်လာသော အပင်အတွက် လုံလောက်သော အစာအာဟာရကို ထောက်ပံ့ပေးခြင်းဖြင့် သီးနှံများကို ကောင်းစွာရရှိပြီး အငတ်ပြဿနာကို ကျော်လွှားနိုင်ခဲ့ကြသည်။ ထို့ကြောင့်ပင် နိုဝင်ဘာလတွင် ကျေးဇူးတော်ချီးမွမ်းရာနေ့ကို ကျင်းပကြခြင်းဖြစ်သည်။ လူတို့စားသုံးရန် မသင့်သောငါးများနှင့် ငါးအစိတ်အပိုင်းများကို မြေသြဇာပြုလုပ်၍ အသုံးချနိုင်ပေသည်။ ငါးမှရရှိသောငါးမြေသြဇာမှာ အရည်အသွေးကောင်းသော သဘာဝမြေသြဇာများဖြစ်သည်။

သို့သော် လွယ်ကူစွာ ပုပ်သိုးဆွေးမြေ့ခြင်းမဖြစ်နိုင်သော အရိုးများ၊ အကြေးခွံများ၊ ဂုံးခွံများကို ရိုးရိုးအပုပ်ခံရုံနှင့်မရဘဲ အပင် စားသုံးနိုင်သော အဆင့်သို့ရောက်ရှိရန် ဦးစွာဆွေးမြေ့အောင် ပြုလုပ်ရမည်ဖြစ်သည်။ ငါးသလောက်များကို ရှာလကာရည်၊ ရှောက်ရည်ကဲ့သို့သော ငရဲမီးအပျော့စားနှင့်နယ်ဖတ်ပြီး ဖိအားပေးပြီးပေါင်းလိုက်ပါက အရိုးများ နူးသွားသဖြင့် ယခင်က စားမရသောအရိုးများ စားသုံးနိုင်သောအဆင့်သို့ ရောက်သွားသည်။ ငါးရိုး၊ ကြက်ရိုး၊ ခရုခွံ၊ ပုဇွန်ခွံမှစ၍ မာကြောသော ပစ္စည်းများကို ကန့်ငရဲမီးအပြင်းအသုံးပြု၍ ဆွေးမြေ့အောင် ပြုလုပ်နိုင်ပါသည်။ ပြုလုပ်ပုံမှာ စဉ့်အိုး၊ ပလပ်စတစ်ပုံး အမျိုးမျိုး တွင် အရိုးများ၊ ခရုခွံများကို (၃)ပုံ(၂)ပုံပြည့်အောင် ထည့်ထားပါ။ နောက်ရေကို ထိုပစ္စည်းများအပေါ်သို့ ကန့်ငရဲမီးအပြင်းကို တဖြည်းဖြည်းချင်းလောင်းထည့်ပါ။ ရေနှင့်အရိုးထုတစ်ဂါလံတွင် ပစ္စည်းအပျော့်၊ အမာပေါ်လိုက်၍ ကန့်ငရဲမီးအကြမ်း ပုဂံ(၁)လုံးမှ (၂)လုံးအထိ ထည့်ပြီး မွှေပါ။ (၃) ရက်တစ်ကြိမ်မွေပေးပါ။ အရိုးများဆွေးသွားသောအခါ ကြက်၊ ဝက်များအတွက် တိရစ္ဆာန်စာအဖြစ်လည်းကောင်း၊ မြေသြဇာအဖြစ်လည်းကောင်း၊ အသုံးပြုနိုင်ပါသည်။ ဤမြေသြဇာတွင် ထုံးဓာတ်(၁၀)ဆ တွင် မီးစုန်းဓာတ်တစ်ဆ ပါဝင်သည်။ ကန့်ဓာတ်လည်းပါဝင်ပါသည်။ အရိုးမှုန့်မြေသြဇာများကိုလည်း အပင်များပိုမို လျင်မြန်စွာ စားသုံးနိုင်ရန် ဤကဲ့သို့ ကန့်ငရဲမီးအပြင်းနှင့်စား၍ အသုံးပြုနိုင်ပေသည်။ သားသတ်ရုံမှ ရနိုင်သော တိရစ္ဆာန် အမွှေးများ၊ ခွာ၊ ဂျိုနှင့် အခြားပစ္စည်းများကိုလည်း ကန့်ငရဲမီးအပြင်းစားပြီး မြေသြဇာအဖြစ် အသုံးပြုနိုင်သည်။

ကိုးကား - မြေသြဇာများကို နားလည်ခြင်း /ဉီးဖရက်သိန်းဖေ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ငါး၊ ပုဇွန်၊ ခရုတွေကရော အပင်အတွက် ဘယ်လိုကောင်းကျိုးတွေ ရနိုင်မလဲ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ငါး၊ ပုဇွန်၊ ခရုတွေကရော အပင်အတွက် ဘယ်လိုကောင်းကျိုးတွေ ရနိုင်မလဲ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

အပင်အတွက် မရှိမဖြစ်လိုအပ်သော အဟာရများ

မြေသြဇာကျွေးနည်းများ

အချဉ်ဖောက်ထားသော အရွက်ရည် Fermented Plant Juice (FPJ)

{{ post.title }}