မတ်ပဲသီးနှံ စပါးအပြီးစိုက်ပျိုးရန်

မတ်ပဲသီးနှံ စပါးအပြီးစိုက်ပျိုးရန်

စပါး-မတ်ပဲသီးနှံပုံစံသည် ဧရာဝတီတိုင်းဒေသကြီးနှင့် ပဲခူးတိုင်းဒေသကြီးတို့တွင် ထင်ရှားသည့် သီးနှံပုံစံဖြစ်သည်။ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီးတို့တွင်လည်း စိုက်ပျိုးဖြစ်ထွန်းသည်။ မတ်ပဲကို ပြည်တွင်းစားသုံးရန်နှင့် ပြည်ပသို့ တင်ပို့ရောင်းချရန် စိုက်ပျိုးနိုင်ပါသည်။

မတ်ပဲရေဆင်း-၂၊ မတ်ပဲရေဆင်း- ၃ နှင့် ဟင်္သာတလုံးကြီးမျိုးတို့ကို တောင်သူအများစု စိုက်ပျိုးကြောင်းသိရသည်။ စပါးရိတ်သိမ်းအပြီး လယ်မြေများတွင် သင့်တော်ရာ မတ်ပဲတစ်မျိုးမျိုးကို မြေတွင်းအစိုဓါတ်မဆုတ်ယုတ်မီ အချိန်မီစိုက်ပျိုးရန် စိုက်ပျိုးသင့်သည့် သုတေသနပြု ထုတ်ဝေထားသည့် မျိုးအချို့ကို ဖေါ်ပြအပ်ပါသည်။

မတ်ပဲရေဆင်း-၄

အသက် ၆၅ ရက်မှ ရက် ၇၀ ဖြင့် ရိတ်သိမ်းနိုင်သည်။ တစ်ပင်ပါသီးတောင့် ၃၀ မှ ၃၅ ဖြစ်သည်။ တစ်တောင့်တွင် အစေ့ ၄ မှ ၅ စေ့ရှိသည်။ အဝါရောင်မိုစေ့ရောဂါဒဏ်ကို ခံနိုင်သည်။ စပါးရိတ်သိမ်းအပြီးလယ်မြေတွင် စိုက်ပျိုးသင့်ပါသည်။

မတ်ပဲရေဆင်း-၅

သက်တမ်းမှာ ၈၅ ရက်မှ ရက် ၉၀ ဖြစ်သည်။ တစ်ပင်တွင် သီးတောင့် ၄၅ မှ ၅၀ သီးနိုင်သည်။ တစ်တောင့်တွင် အစေ့ ၄ မှ ၆ စေ့ရှိသည်။ အစေ့အရွယ်အစားကြီးမားခြင်း သီးတောင့်များခြင်း၊ ပဲပင်ပေါက်အရည်အသွေးကောင်းခြင်းတို့နှင့် ပြည့်စုံပြီး အထွက်ကောင်း မတ်ပဲမျိုးဖြစ်ပါသည်။ စပါးရိတ်သိမ်းအပြီးလယ်မြေတွင် စိုက်ပျိုးသင့်သောမျိုးတစ်မျိုးဖြစ်ပါသည်။

မတ်ပဲရေဆင်း-၆

အသက် ၉၀ ရက်မှ ရက် ၉၅ ဖြင့် ရိတ်သိမ်းနိုင်သည်။ တစ်ပင်ပါသီးတောင့် ၃၅ မှ ၄၀ ဖြစ်သည်။ တစ်တောင့်တွင် အစေ့ ၄ မှ ၆ စေ့ရှိသည်။ အစေ့အရွယ်အစားကြီးမားသည်။ အစေ့အရောင်နက်ပြောင်နေသည်။ ဆီပဲ-ဟု လူသိများသည်။ ဖားအုမှိုရောဂါဒဏ်ခံနိုင်ရည်ရှိသော အထွက်ကောင်းမျိုးဖြစ်သည်။ စပါးရိတ်သိမ်းအပြီးလယ်မြေတွင် စိုက်ပျိုးသင့်ပါသည်။

မတ်ပဲပုလဲထွန်း

သက်တမ်းမှာ ၁၁၀ ရက်မှ ရက် ၁၂၀ ဖြစ်သည်။ တစ်ပင်တွင် သီးတောင့် ၂၅ မှ ၃၀ သီးနိုင်သည်။ တစ်တောင့်တွင် အစေ့ ၄ မှ ၆ စေ့ရှိသည်။ အစေ့အရွယ်အစားကြီးမားသည်။ အထွက်ကောင်းသော မတ်ပဲမျိုးဖြစ်ပါသည်။ စပါးရိတ်သိမ်းအပြီးလယ်မြေတွင် စိုက်ပျိုးသင့်သောမျိုး တစ်မျိုးဖြစ်ပါသည်။

မတ်ပဲရေဆင်း-၇

အသက် ၈၀ ရက်မှ ရက် ၈၅ ဖြင့် ရိတ်သိမ်းနိုင်သည်။ တစ်ပင်ပါသီးတောင့် ၂၅ မှ ၃၀ ဖြစ်သည်။ တစ်တောင့်တွင် အစေ့ ၄ မှ ၆ စေ့ရှိသည်။ အဝါရောင်မိုစေ့ရောဂါဒဏ်ခံနိုင်ရည်ရှိသော အထွက်ကောင်းမျိုးဖြစ်သည်။ စပါးရိတ်သိမ်းအပြီးလယ်မြေတွင် စိုက်ပျိုးသင့်ပါသည်။

 ဆင်းသီဟ

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်