ဂျစ်ပဆန်မြေဩဇာဆိုတာ ဖြည့်စွက်မြေဩဇာ

09/07/2020 15:00 PM တွင် ပြည့်ဖြိုးသော် ပြည့်ဖြိုးသော် မှ ရေးသား ပြီး Greenovator Greenovator မှ ပေးပို့ထားပါသည်။

အားလုံးပဲမင်္ဂလာပါခင်ဗျာ 

    ပုလဲလို့လူသိများကြတဲ့ နိုက်ထရိုဂျင်မြေဩဇာရဲ့ အသုံးဝင်ပုံနဲ့ အကျိုးပြုပုံများကို စိုက်ပျိုးရေးလုပ်ငန်းကိုလုပ်ကိုင်နေကြတဲ့ တောင်သူဦးကြီးတော်တော်များများ သိရှိကြပြီးဖြစ်ပါတယ်။ ယခုအခါမှာတော့ အသုံးများပြီး အသိနည်းကြတဲ့ ဂျစ်ပဆန်မြေဩဇာအကြောင်းကို အကျဉ်းချုပ်ရေးသား‌ ဖော်ပြပေးလိုက်တယ်။ 

    လယ်ယာလုပ်ငန်းကိုလုပ်ကိုင်ခဲ့ကြတဲ့ ကျွန်တော်တို့မြန်မာနိုင်ငံရှိ တောင်သူလယ်သမားအများစုဟာ သွင်းအားစုကုမ္ပဏီကြီးများ၏ကောင်းမှုကို အကြောင်းပြုကာ ၂၀ ရာစုခန့်မှစတင်ကာ ဓာတ်မြေဩဇာများကို ကျယ်ပြန့်စွာ စတင်အသုံးပြုခဲ့ကြပါတယ်၊ အသုံးပြုမှုအများဆုံးသော မြေဩဇာစာရင်းတွင် နိုက်ထရိုဂျင်မြေဩဇာ၊ ကွန်ပေါင်းမြေဩဇာ၊ တီစူပါ ၊ ၁၅ပတ်လည်စသည်ဖြင့် အမျိုးအစားစုံလင်စွာပါဝင်ခဲ့ပါတယ် ။ ရှေးယခင်ကတည်းက ဂျစ်ပဆန်ကို မြေချဉ်ကို ပြုပြင်ရာတွင်သာ အဓိကအသုံးပြုခဲ့ကြပြီး အခြားသောဖြည့်စွက်မြေဩဇာအဖြစ် အသုံးပြုခြင်းမရှိခဲ့ပါဘူး၊ ထို့ကြောင့် သီးနှံရဲ့အထွက်နှုန်းမှာ အချို့သောလယ်ယာမြေများအတွက် နှောင့်နှေးခဲ့စေပါတယ်၊ စာရေးသူ ယနေ့ဖေါ်ပြတဲ့ အောက်ဖေါ်ပြပါအချက်အလက်များက ဂျစ်ပဆန်မြေဩဇာရဲ့အသုံးဝင်ပုံကို သိရှိစေမှာဖြစ်ပါတယ်။

၁။ အပင်အတွက်အဓိကလိုအပ်တဲ့ ကယ်လ်ဆီယမ်နဲ့ ဆာလဖာတို့ ကြွယ်ဝစွာပါဝင်

     အမြစ်ကြီးထွားတဲ့နေရာမှာ အဓိကအခန်းကဏ္ဍကပါဝင်တဲ့ ကယ်လ်ဆီယမ်ကို ဂျစ်ပဆန်မြေဩဇာမှာလည်း လုံလောက်စွာရရှိနိုင်ပါတယ်။  အပင်တွေမှာ ဆာလဖာဓာတ်လည်း လိုအပ်လျှက်ရှိတဲ့အတွက် ဓာတ်မြေဩဇာကုမ္ပဏီကြီးများဟာ ယခုအခါ ဆာလဖာပူးတွဲမြေဩဇာများကို ထုတ်လုပ်နေကြပြီ ဖြစ်ပါတယ်။ မည်သို့ပင်ဆိုစေကာမူ ဂျစ်ပဆန်မြေဩဇာအသုံးပြုခြင်းဖြင့် ကယ်လဆီယမ်ရော ဆာလဖာဓာတ်ကိုပါ အပင်အတွက် သင့်တင့်မျှတစွာ ရရှိစေမှာပဲဖြစ်ပါတယ်။

၂။ မြေချဉ်ကုသခြင်းနှင့် အလူမီနီယမ်လွန်ကဲခြင်းကို လျော့ကျစေခြင်း

    ဂျစ်ပဆန်မြေဩဇာဆိုတာ မြေချဉ်ပြသနာကို ကုသပေးနိုင်တဲ့ တစ်ခုတည်းသော မြေဩဇာအဟာရဖြစ်ပါတယ်။ မြေတွင် များပြားစွာပျော်ဝင်နေတဲ့ အဆိပ်သင့် Heavy Metal အများစုကို ဓာတ်ပြယ်စေတဲ့ သတ္တိရှိပါတယ်။ ဂျစ်ပဆန်ဟာ အပင်တစ်ပင်ရဲ့ အမြစ်ဖွံ့ဖြိုးမှုကို အဓိကထောက်ပံ့ပေးနိူင်တဲ့ အဟာရတစ်မျိုးဖြစ်တဲ့အတွက် အမြစ်နဲ့ မြေအောက်ပိုင်းကို အဓိကစားသုံးရတဲ့ သီးနှံများဖြစ်ကြတဲ့ အာလူး၊ မြေပဲ ၊ ကန်စွန်းဥ စတဲ့ သီးနှံများအတွက် ဖြည့်စွက်အဟာရအဖြစ် သုံးစွဲနိုင်ပါသေးတယ်။

၃။ မြေကြီး၏တည်ဆောက်ပုံနဲ့ အရည်အသွေး တိုးတက်လာစေနိုင်ခြင်း

    ဂျစ်ပဆန်မြေဩဇာ အသုံးပြုလိုက်ခြင်းဟာ မြေကြီးရဲ့ဖွဲ့စည်းတည်ဆောက်ပုံတွေ ပိုမိုကောင်းမွန်လာစေနိုင်တယ်လို့ ဥရောပနိုင်ငံများရှိ စိုက်ပျိုးရေးစာစောင်တွေမှာ အကျယတစ်ဝင့် ဖေါ်ပြကြပါတယ်။ ရွှံ့စေးဆန်တဲ့ မြေကြီးရဲ့ တည်ဆောက်ပုံကို အနည်းငယ်လျော့ရွဲစေပြီး ရေစီးရေလာကောင်းမွန်စေပါတယ်။ မြေကြပ်ခြင်းကို များစွာကြုံတွေ့နေရတဲ့ နေရာများမှာ ဂျစ်ပဆန်ကို မြေခံအဖြစ်အသုံးပြုခြင်းဖြင့် ပိုမိုကောင်းမွန်လာစေတဲ့ စိုက်ပျိုးမြေကို ရရှိလာစေမှာဖြစ်ပါတယ်၊ ထို့ကြောင့် ဂျစ်ပဆန်မြေဩဇာဟာ စိုက်ပျိုးရေးလောကမှာ မြေချဉ်ခြင်း ကုသရုံတင်မကပဲ မြေကြီးရဲ့ ဖြည့်စွက်အဟာရအဖြစ် အသုံးပြုနိုင်ပါကြောင်း ရေးသားတင်ပြလိုက်ရပါတယ်။

ပြည့်ဖြိုးသော် (B.Agr.Sc ,Soil and water science)

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်