သယ်ယူပို့ဆောင်ရေးအခက်အခဲရှိသော်လည်း ငါးသားပေါက်ဈေးကွက် နယ်စုံအဝယ်ရှိနေဆဲ

သယ်ယူပို့ဆောင်ရေးပိုင်းတွင် အခက်အခဲရှိသော်လည်း ငါးသားပေါက်ဈေးကွက် နယ်စုံအဝယ်များ ရှိနေဆဲဖြစ်ကြောင်း ငါးမွေးမြူရေးနှင့်ဆက်စပ်လုပ်ငန်းများထံမှ သိရသည်။

ကိုဗစ်ကြောင့် ပို့ဆောင်ဖို့ခက်ခဲနေပေမယ့် ငါးသားပေါက်တွေကတော့ နယ်စုံကနေ အဝယ်ရှိနေပါတယ်။ မွေးမြူသူတွေကတော့ ပိုတောင်တိုးလာတယ်။ ငါးသားပေါက်တွေကို Express နဲ့လည်း တင်ပို့ပေးနေတယ်။ အဝေးပြေးကားတွေလည်း ရှိတယ်။ အခု နောက်ပိုင်းမှာ ငါးမွေးမြူရေးကဏ္ဌကို စိတ်ဝင်စားသူ ပိုများလာတယ် ထင်တယ်။ ဈေးကွက် ပိုကျယ်ပြန့်လာတဲ့သဘောပါ။

ဟု ရန်ကုန်တိုင်း၊ ခရမ်းမြို့နယ်ရှိ Ko Nyan - ငါးသားပေါက်မျိုးစုံဖြန့်ချိရေးမှ စီမံအုပ်ချုပ်သူ ကိုဉာဏ်လင်းဦးက ပြောသည်။

ယခင်က ငါးမွေးမြူရေးလုပ်ငန်းများကို ရန်ကုန်တိုင်း၊ ဧရာဝတီတိုင်း၊ ပဲခူးတိုင်း စသည့် ဒေသများတွင်သာ မွေးမြူမှုများပြားခဲ့သော်လည်း ယခုအခါ ကျန်တိုင်းနှင့်ပြည်နယ်အသီးသီးတို့မှလည်း စိတ်ပါဝင်စားမွေးမြူမှုများ ရှိလာသည်။

မွန်၊ ကရင်ဘက်လည်း ငါးမွေးမြူသူတွေ ထပ်တိုးလာပါတယ်။ တစ်နိုင်သမားတွေပေါ့။ အခုရောင်းအားအများဆုံးကတော့ ငါးပြေမကို မွေးတဲ့သူများတာပေါ့။ ငါးခူကိုတော့ ရှမ်းပြည်ဘက်ကလည်း အဝယ်လိုက်လာတယ်။ ရှမ်းပြည်နယ်ဘက်ကလည်း မွေးမြူလာကြတယ်။ ငါးအတွက် အစာရောင်းသူတွေရော၊ တဆင့်ပြန်ဖြန့်သူတွေပါ ရှိလာတယ်။ နောင်ချို၊ ရပ်စောက်၊ တောင်ကြီးမှာလည်း တဆင့်ပြန်ရောင်းသူတွေ ရှိလာပါတယ်။

ဟု ကိုဉာဏ်လင်းဦးက ဆက်လက်ပြောသည်။

သားငါးထုတ်လုပ်မှုနှင့် ဆက်စပ်သော မွေးမြူရေးအစာ၊ မွေးမြူရေးဆိုင်ရာကုန်ကြမ်းများ၊ ဆေးဝါးများနှင့် ပစ္စည်းကိရိယာများသယ်ဆောင်ခြင်းကို ဆောင်ရွက်ခွင့်ပြုကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက အောက်တိုဘာ ၁ ရက်က ထုတ်ပြန်ထားပြီး အဆိုပါခွင့်ပြုချက်တွင်ပါရှိသော စာရင်းအရ စားသောက်ကုန်လုပ်ငန်းနှင့်ဆက်စပ်သော မြေသြဇာနှင့် စိုက်ပျိုးရေးဆေးဝါးများ၊ မျိုးစေ့များ၊ မျိုးကောင်းမျိုးသန့် ထုတ်လုပ်ဖြန့်ဖြူးမှုများ၊ လယ်ယာသုံးစက်ကိရိယာများကို ထုတ်လုပ်ခွင့်နှင့်ရွှေ့ပြောင်း သယ်ယူခွင့်နှင့် လယ်ယာသားငါး၊ စားသောက်ကုန်စည်များကို ပြည်တွင်းဈေးကွက်နှင့် ပြည်ပဈေးကွက်သို့ တင်ပို့ရန်လိုအပ်သော အရည်အသွေးစစ်ဆေးရန် ဆောင်ရွက်ရသောဓာတ်ခွဲခန်းဝန်ဆောင်မှုနှင့် စစ်ဆေးမှုလုပ်ငန်းများလည်း ပါဝင်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ