ကျောက်သင်ပုန်းပင်ရဲ့ ဆေးဖက်ဝင်တဲ့အချက်များ

နတ်သမီးကွမ်းရွက်

နတ်သမီးကွမ်းတံတွေးပင်၊ ရေကြည်ပင်

ရုက္ခအမည်: Peperomia pellucida Kunth

မျိုးရင်း : Piperaceae

ကျနော်တို့ မနက်တိုင်း ထိုင်သောက်လေ့ရှိသည့် လက်ဘက်ရည်ဆိုင်ဘေးမှာ ကုက္ကိုပင်ကြီးရှိသည်။ ကုက္ကိုပင်ကြီးပင်စည်ပေါ်မှာကပ်ပြီး ဒီအပင်လေးတွေ အုပ်စုလိုက်ပေါက်သည်။ မြန်မာလိုကျောက်သင်ပုန်းပင်ခေါ်သည်။

စွတ်စိုထိုင်းမှိုင်းပြီး အရိပ်အာဝါသကောင်းသောနေရာတိုင်းမှာ ဒီအပင်ကိုတွေ့ရသည်။ ထို့ပြင် စမ်းချောင်းများ၏ ဘေးတစ်လျှောက်မှာလည်း အရိုင်းပေါက်ပင်အဖြစ်တွေ့နိုင်သည်။

ငယ်စဉ်ဘဝ မူလတန်းတက်လျှင် ယခုကလေးတွေလို စာအုပ် ဘောပင်နဲ့ မဟုတ်၊ ကျောက်သင်ပုန်းကိုသာ သုံးခဲ့ရသည်။ ကျောက်တန်ကို ချွန်နေအောင် စိတ်ရှည်ရှည်ထားကာ သွေးရသည်။ ဝ လုံးလေးဝိုင်းဝိုင်းရေးရသည်။ ဆရာက မှန်လျှင်မြေဖြူခဲနှင့် ဘောင်ပေါ်တွင်ခြစ်ပေးလိုက်သည်။ ရမှတ်အမှန်ကို မပျက်အောင် အိမ်ကိုသယ်ရတာ အမော၊ ရေးပြီးသား စာတွေဖျက်လျှင် ရေနှင်ဖျက်၍ရသည်။ ပိုပြီးကောင်းတာက ဒီအပင်ကအရွက်ပါဘဲ။ ဒီ အရွက်နဲ့ဖျက်လိုက်ရင် လုံးဝ သန့်သွားပြီး နောက်စာလုံးများရေးဖို့ အသင့်ဖြစ်လို့နေသည်။ ဒါ့ကြောင့်လည်း ဒီအပင်ကိုမှတ်မိနေတာပါ။ ပေးထားသည့်အမည် ကျောက်သင်ပုန်းပင် ဆိုတာနဲ့လိုက်ဖက်လှသည်။

အပင်က ၆ လက်မလောက်သာမြင့်သော တစ်နှစ်ခံ ပင်ပျော့လေးတွေဖြစ်သည်။ အမြစ်ကတိမ်သော shallow-rooted အပင်မျိုး ဖြစ်သည်။ ထူးခြားတာက အရည်ရွှမ်းနေပြီး ထုတ်ခြင်းခတ်မြင်ရသော succulent stems ပင်စည် ဖြစ်သည်။ အရောင်ပြောင်လက်သော နှလုံးပုံစံ အရည်ရွှမ်းသည့် အရွက်များရှိပါသည်။ pellucida ဆိုသည်မှာ အစက်အမှုန်များကို ဆိုလိုသည်။ ပန်းခိုင်က ထောင်မတ်နေသော ပွင့်ညှာမဲ့သော ပန်းခိုင် spike ဖြစ်ပါသည်။ ပန်းများကသေးငယ်ပြီး တစ်နှစ်ပတ်လုံးပွင့်ပါသည်။ အလွန်သေးငယ်ပြီး အစက်အမှုန်လေးတွေပုံစံ အစေ့လေးတွေက မြောက်များလှစွာသော spike ပန်းခိုင်များအပေါ် တွယ်ကပ်လို့နေပါသည်။ အရွက်ကိုခြေလိုက်ရင် မုံညှင်းရနံ့ mustard-like odor ရစေပါသည်။

အသုံးပြုပုံ

အာစီယံနိုင်ငံများတွင် ကျောက်သင်ပုန်းပင်၏ အရွက်ကို ဟင်းလျာအဖြစ် စားသုံးကြသလို ဆေးအနေနဲ့လည်းစားသုံးကြသည်။ Peperomia အနွယ်ဝင် အပင်တွေကို နိုင်ငံတကာမှာ ဥယျာဉ်အလှစိုက်အပင်အဖြစ် စိုက်ကြပါသည်။ ထူးခြားဆန်းပြားလှသောပုံစံ အရွက်များကြောင့် အလှစိုက်ကြခြင်းဖြစ်သည်၊ ကျောက်သင်ပုံးပင် တစ်ပင်လုံးကို စား၍ရသည့် အရသာကြောင့် အကောင်းဆုံး အအေးခံ ဟင်းလျာ ဖြစ်စေပါသည်။

ဆေးဖက်ဝင်ပုံ

ဒီအပင်ကို abdominal pain ဝမ်းဗိုက်နာကျင်ခြင်း၊ abscesses ပြည်တည်နာများ၊ acne ဝက်ခြံ၊ boils သွေးစုနာ မွှေးကျွတ်နာ၊ colic လေထိုးလေအောင့်နာ၊ fatigue မောပန်းနွမ်းနယ်ခြင်း၊ gout ဂေါက်ရောဂါ၊ headache ခေါင်းကိုက်၊ renal disorders ကျောက်ကပ်ရောဂါ၊ rheumatic joint pain အဆစ်အမြစ်များ နာကျင်ခြင်း တို့ကိုကုသနိုင်တယ်။ Bolivia, Alteos Indians ဒေသများမှာ ဒီအပင်ကို hemorrhages သွေးလွန်ခြင်းမှ ရပ်တန့်ရန်အတွက် သုံးကြသည်။ အမြစ်ကို ဖျားနာခြင်း ကုသရာမှာအသုံးပြုသည်။ အပင်အရွက်များကိုမူ ထိခိုက်ဒဏ်ရာများအပေါ်အုံ၍ ကုသရာတွင်သုံးနိုင်သည်။ Brazil နိုင်ငံတွင် အဆီချဖို့ (ဝါ)ကိုလက်စထရောချဖို့ ဒီအပင်ကို သုံးကြသည်။ အမေဇုံ Amazon ဒေသတွင်မူ သူသည် ထင်ရှားသော ချောင်းဆိုးပျောက်စေသော အပင်ဖြစ်သည်။ ထို့ပြင် emollient, ဆီးရွှင်ဆေး diuretic အဖြစ်လည်းသုံးသည်။ ဖိလစ်ပိုင်တွင် အပင်ပြုတ်ရေသည် ယူရစ်အက်ဆစ် uric acid ပမာဏကို လျှော့ချစေနိုင်သောကြောင့် ကျောက်ကပ်ရောဂါကို သိသိသာသာ သက်သာစေသည်၊

ဒီအပင်မှာ ကင်ဆာကို တွန်းလှန်ကာကွယ်ပေးနိုင်သော အင်ဒီအောက်စီးဒင့် Antioxidant နှင့် ဘီတာကယ်ရိုတင်း Beta-carotene ဓာတ်တို့ပါ၀င်သည်။ ထိုင်းနိုင်ငံတွင် အစိမ်းသုပ်စားခြင်း၊ ပြုတ်၍ သုပ်စားခြင်း၊ တို့စရာအဖြစ် စားသုံးခြင်း၊ ဟင်းရည်ချက်၍ သောက်ခြင်းများ ပြုလုပ်သည်။ ဖိလစ်ပိုင်နိုင်ငံမှ တိုင်းရင်း ဆေးဆရာများက ဒူလာဆေး၊ အဆစ်မြစ်ရောင် (ဂေါက်ရောဂါ) အတွက် အပင်ကို သုပ်စားခြင်း၊ ပြုတ်စားခြင်းတို့ကို ပြုလုပ်ကြသည် (Ref: Wikipedia)

ရင်သားကင်ဆာ ရောဂါအတွက် အပင်ကို အသုံးပြုကြသည်၊ လက်တွေ့ကုသမှုများအရ ကြွက်နို့ပေါက်သူများအတွက် ဒီအပင်က အလွန်အသုံးတည့်လှသည်၊ အရွက်က အရည်ကို ညှစ်၍ ကြွက်နို့ပေါ်ကို မကြာခဏ တို့ပေးကာ ကြိတ်ဖတ်ကိုလည်း ကြွက်နို့ပေါ်ကို အုံထားပေးပါ။ ကြွက်နို့များအံ့သြစွာ ပျောက်ကင်းသွားသည်ဟု မှတ်သားရပါသည်၊ Ref: စောနွဲ့နေဆိုင် (ပူတာအို) ။

ဘာမှတန်ဖိုးမရှိဖူးလို့ ထင်ထားသော အပင်ကလေးက အခုလို ဆေးဖက်ဝင်နေတာကို သိရ ဖတ်ရတော့ အံသြမိပါတယ်။ ကျနော်ကတော့ လေ့လာလို့ မကုန်နိုင်သော ရုက္ခလောကအကြောင်းကို စဉ်းစားနေမိတယ်။

နွယ်မြက်သစ်ပင်ဆေးဖက်ဝင်လှပါသည်။

ကိုသက်နိုင်ဦး

ဟုမ္မလင်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...