ရွက်ဖျန်းမြေသြဇာကို ဘယ်လိုကျွေးရင် အကောင်းဆုံးဖြစ်မလဲ

အပင်တွေကို မြေသြဇာကျွေးတဲ့ ပုံစံတွေက အမျိုးမျိုးရှိပါတယ်။ ကြဲပက်တာ၊ မြေခံ၊ ဖျန်းတာ ဘာညာ နည်းတွေက အများကြီးပါပဲ။ ဒီတစ်ခေါက် ရွက်ဖျန်းမြေသြဇာတွေကို ဘယ်လိုမျိုးသုံးပေးရင် အကောင်းဆုံးဖြစ်မလဲဆိုတာကို ပြောပြပေးပါမယ်။

ရွက်ဖျန်းမြေသြဇာတွေ သုံးတယ်ဆိုတာက အာဟာရတွေကို အပင်တွေရဲ့ အရွက်တွေကနေတစ်ဆင့် ပြန်ပြီးတော့ ကျွေးပေးရမှာဖြစ်ပါတယ်။ အရှင်းဆုံးပြောရရင်တော့ ရေပျော်အာဟာရတွေကို အပင်တွေပေါ် ပက်ဖျန်းခြင်းပေါ့။ အဲ့လို လုပ်ပေးခြင်းအားဖြင့်တော့ အာဟာရတွေ ရရှိနိုင်တာကြောင့် အထွက်ကိုလည်း တိုးစေတယ် ပြီးတော့ သီးနှံအရည်အသွေးကိုလည်း တိုးတက်ကောင်းမွန်စေပါတယ်။ ဆိုတော့ကာ ရွက်ဖျန်းမြေသြဇာကိုသုံးရင် ဘယ်လိုသုံးရမလဲဆိုတာကို တစ်ချက်လေ့လာကြည့်ကြရအောင်။

ဘယ်လို အခြေအနေမှာ ရွက်ဖျန်းမြေသြဇာတွေကို သုံးသင့်လဲ

ကန့်သတ်အခြေအနေ။ ။ အမြစ်ကနေ အာဟာရတွေကို မစုပ်ယူနိုင်တဲ့အခြေအနေတွေမှာ ရွက်ဖျန်းမြေသြဇာနဲ့ အပင်ကိုထောက်ပံ့ရပါတယ်။ မြေချဉ်လို့ ငန်နေလို့ အပင်အာဟာရတွေကို မရနိုင်တဲ့အခြေအနေ၊ အပူချိန်က ပူလွန်းအေးလွန်းနေလို့ အမြစ်က အာဟာရကို မစုပ်ယူနိုင်တဲ့အချိန်မျိုး၊ မြေတွင်း အစိုဓာတ်က နည်းလွန်း များလွန်းနေတဲ့အခြေအနေမျိုးတွေ၊ အမြစ်က ရောဂါဖြစ်နေလို့ သေးနေလို့ မစုပ်ယူနိုင်တဲ့အခြေအနေမျိုး၊ အပင်အာဟာရကိုစုပ်ယူနေတဲ့ တခြားဖျက်ပိုးတွေ ကျရောက်နေတဲ့အခြေအနေမျိုးနဲ့ မြေတွင်းအာဟာရတွေက မညီမမျှဖြစ်တဲ့အခါမျိုးဆိုရင် ရွက်ဖျန်းမြေသြဇာနဲ့ ကူပေးရပါတယ်။

အာဟာရချို့တဲ့အခြေအနေ။ ။ ရွက်ဖျန်းမြေသြဇာတွေ သုံးတဲ့အခါမှာဆိုရင်တော့ အပင်တွေက အာဟာရကို လျင်လျင်မြန်မြန်ရစေနိုင်ပါတယ်။ အဲ့အချက်ကြောင့် ကိုယ့်အပင်တွေမှာ အာဟာရချို့တဲ့တဲ့လက္ခဏာ ပြတဲ့အခါမှာ အပင်ကို ရွက်ဖျန်းမြေသြဇာတွေ ကျွေးပေးလို့ ရပါတယ်။ ကျွေးကြပါတယ်။

အပင်ကြီးထွားမှုအဆင့်အလိုက်။ ။ အစေ့ပေါက်ချိန်၊ မြစ်ပွားချိန်၊ ပင်ပွားစီးချိန်၊ ကြီးထွားချိန်၊ ပန်းပွင့်ချိန် စတဲ့ အဆင့်တွေအလိုက် အပင်တွေက အာဟာရလိုအပ်ပုံခြင်း မတူတော့ တစ်ဆင့်ချင်းစီအလိုက် အပင်တွေလိုအပ်တဲ့ အာဟာရဓာတ်ကို ဖြည့်တင်းပေးစေချင်တဲ့အတွက်မို့ ရွက်ဖျန်းမြေသြဇာကို သုံးကြပါတယ်။

ရွက်ဖျန်းမြေသြဇာတွေ သုံးရင်

အကန့်ရှိတယ်။ ။ တစ်ကြိမ်တစ်ခါဖျန်းလိုက်တာနဲ့တင် သူက ပြည့်စုံသွားတာမဟုတ်ပါဘူး။ လိုတော့ လိုအပ်နေတုန်းပါပဲ။

နေရောင်နဲ့ မတည့်။ ။ မတည့်ဘူးဆိုတာကတော့ တစ်ခါတစ်လေမှာ အရွက်တွေ လောင်တာတွေ ဖြစ်တတ်ပါတယ်။ နေရောင်ထွက်လာရင် ဖျန်းထားတဲ့ဆေးတွေထဲက ရေတွေက အငွေ့ပျံသွားပြီးတော့ ဆေးတွေက အရွက်တွေပေါ်မှာ ကျန်ခဲ့တာကြောင့်မို့ နေရောင်နဲ့ ပေါင်းပြီးတော့ အပင်ကို လောင်စေတတ်ပါတယ်။

ကုန်ကျစရိတ်များ။ ။ အကန့်ရှိတာနဲ့ နေရောင်မတည့်တာကြောင့် နည်းနည်းနဲ့ ခဏခဏ ဖျန်းပေးရတဲ့အတွက်ကြောင့်မို့ပဲ ကုန်ကျစရိတ်ကလည်း တက်လာပါတယ်။

ဒါဆို အကျိုးရှိအောင် ဘယ်လို ဖျန်းပေးရမလဲ

မြေချဉ်ငံကိန်း။ ။ မြေချဉ်ငံကိန်းက ညီမျှ မျှတနေမှ ရွက်ဖျန်းမြေသြဇာက စိမ့်ဝင်အား ပိုကောင်းတာဖြစ်ပါတယ်။ မြေချဉ်ငံကိန်းက ရွက်ဖျန်းမြေသြဇာကို ဘယ်လို သက်ရောက်မှု ရှိလဲဆိုတော့

(၁) အရွက်မျက်နှာပြင်ပေါ်က ဖယောင်းလွှာကို သက်ရောက်ပါတယ်။

(၂) မြေချဉ်ငံကိန်းက အာဟာရ အိုင်းယွန်းပျော်ဝင်မှုတွေကို ဆုံးဖြတ်ပေးနိုင်ပါတယ်။ စိမ့်ဝင်နိုင်အားကို လျှော့ချပေးနိုင်ပါတယ်။

(၃) မြေချဉ်ငံကိန်းဟာ ဆေးလောင်တာကိုလည်း ဆုံးဖြတ်ပေးနိုင်ပါတယ်။

စွဲကပ်ဆေး။ ။ ခုတော့ဆိုင်တော်တော်များများမှာ ရနေပါပြီ။ ဆပ်ပြာရည်ကိုလည်း စွဲကပ်ဆေး အနေနဲ့ သုံးလို့ရပါတယ်။ အဲ့လို စွဲကပ်ဆေး သုံးထားတော့ အပင်တွေမှာ ပိုပြီးတော့ ကပ်ပေးထားပြီးတော့ ဆေးဝင်အားကို ပိုကောင်းစေပါတယ်။

အချိန်။ ။ ဆေးသုံးဖို့ အကောင်းဆုံးအချိန်ကတော့ မနက်ပိုင်းဖြစ်ပါတယ်။ ဘာလို့လဲဆိုတော့ အပင်ရဲ့ အရွက်မျက်နှာပြင်တွေမှာရှိတဲ့ စတိုမာတာဆိုတဲ့ လေဝင်လေထွက်ပေါက် ရေဝင်ရေထွက်ပေါက်လေးတွေ ပွင့်တဲ့အချိန်ဖြစ်လို့ပါ။ ရွက်ဖျန်းမြေသြဇာတွေကို အပူချိန် ၈၀ ဒီဂရီဖာရင်ဟိုက် (၂၇ ဒီဂရီ ဆဲလ်စီးယပ်) ကျော်ရင် မဖျန်းသင့်ကြောင်းကို အကြံပေးထားပါတယ်။

ဆေးရည်အရွယ်အစား။ ။ ဒါကတော့ ဘယ်သူကမှ သိပ်ထည့်မတွက်ကြတဲ့ အထဲမှာပါပါတယ်။ အပေါက်မပိတ်အောင် အဆင်ပြေတဲ့ခေါင်းနဲ့ ဆေးဖျန်းနေကြရတာ များပါတယ်။ ဆေးမှုန်လေးတွေသေးလေးလေ ကားထွက်ပြီး များများကိုရောက်လေလေပါပဲ။ ဒါပေမဲ့ အငွေ့လိုလို ဖြစ်သွားလောက်တဲ့အထိတော့ သေးဖို့မသင့်ပါဘူး။

ပမာဏ။ ။ ဘယ်လောက်ထိ သုံးရမလဲဆိုတော့ အပင်တွေရဲ့ မြေပေါ်ပိုင်း ဧရိယာကို စိုစွတ်ရုံလောက်ဆို ရပါပြီ။ ဒီထက်များသွားတဲ့အခါ ရေစက်လေးတွေဖြစ်ပြီးတော့ အပင်ပေါ်ကနေ မြေပေါ်ကိုကျသွားမှာဖြစ်ပါတယ်။

ကဲ ဒါဆိုရင်တော့ ရွက်ဖျန်းမြေသြဇာကို သုံးတော့မယ်ဆိုရင် ဘာတွေလိုလဲ ဘယ်လိုဖျန်းသင့်လဲဆိုတာကို သိသွားလောက်ပြီဆိုရင်တော့ လိုက်လုပ်ကြည့်ပြီး အကျိုးများထူးကြပါစေလို့ ဆုတောင်းပေးလိုက်ပါတယ်။

ထွန်းဝင်းကျော်

https://www.smart-fertilizer.com/articles/foliar-feeding

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...