ထရိုင်ကိုဒါးမားမှိုက အပင်ရောဂါတွေကို ဘယ်လိုပုံစံနဲ့ ကာကွယ်ပေးနိုင်တာလဲ..

ထရိုင်ကိုဒါးမားမှိုကို မြေဆွေးအဖြစ်အသုံးပြုနိုင်သလို သီးနှံမြေဆောင်ရောဂါအချို့ကိုလည်း အလွန်ထိရောက်စွာ ကာကွယ်နှိမ်နင်းနိုင်လို့ ရောဂါကြောင့် သီးနှံပျက်စီးဆုံးရှုံးမှုတွေကို ကာကွယ်ပေးနိုင် ပါတယ်။ နှစ်စဉ်ဆက်တိုက်အသုံးပြုပေးမယ်ဆိုရင် မြေဆောင်ရောဂါအချို့ကို မိမိရဲ့စိုက်ပျိုးမြေကနေ အပြီးတိုင်ကင်းစင်စေနိုင်ခြင်း၊ သီးနှံပင်ရဲ့အမြစ်ကြီးထွားမှုနဲ့ အားကောင်းစေခြင်း အကျိုးကျေးဇူးတွေကို ရနိုင်ပါတယ်။

ဒီတော့ ထရိုင်ကိုဒါးမားမှိုက အပင်ရောဂါတွေကို ဘယ်လိုပုံစံတွေနဲ့ ကာကွယ်ပေးနိုင်တာလဲ??

ပထမအဆင့် မှာ အခြားမှိုမျှင် (ရောဂါ ဖြစ်စေသော မှို)များရှိနေမှုကို စတင်အာရုံခံပြီး ၎င်းမှိုမျှင်တွေရှိရာဘက်ကို ထိုးထွက်ကြီးထွားလာကြပါတယ်။ ထိုသို့ အာရုံခံနိုင်မှုမှာ ဆဲလ်နံရံတွေကို ဖျက်စီးနိုင်တဲ့ အင်ဇိုင်းကြောင့်ဖြစ်ပါတယ်။

ဒုတိယအဆင့် မှာ ထရိုင်ကိုဒါးမားမှိုက ရောဂါဖြစ်စေတဲ့ မှိုတွေနဲ့ ထိတွေ့တဲ့အခါ ၎င်းမှိုတွေကို ရစ်ပတ်ထားလိုက်ကြပါတယ်။

ရောဂါဖြစ်စေတဲ့ မှိုတွေကို ရစ်ပတ်ပြီး တတိယအဆင့်မှာ ကပ်ပါးပြုချေမှုန်းရန်အတွက် အင်ဇိုင်းများ ထုတ်လွှတ်ပြီး ပဋိဇီဝပစ္စည်း တစ်မျိုးကိုလည်း ထုတ်လွှတ်ပါတယ်။ ၎င်းပဋိဇီဝ ပစ္စည်းနဲ့ အင်ဇိုင်းမှိုတွေပေါင်း၍ ရောဂါဖြစ်စေတဲ့ မှိုရဲ့ အပြင်နံရံတွေကို ဖျက်စီးပစ်ပါတယ်။

စတုတ္ထအဆင့် မှာ ထရိုင်ကိုဒါးမားမှိုက မှိုမျှင်အသစ်တွေ ထပ်မံပေါက်ဖွား၍ ရောဂါဖြစ်စေတဲ့ မှိုမျှင်အတွင်း ၎င်းတို့ရဲ့ ပျက်စီးသွားတဲ့ ဆဲလ်နံရံအပေါက်တွေကတဆင့် တိုက်ရိုက်ဝင်ရောက် တိုက်ခိုက်ပါတယ်။

ထရိုင်ကိုဒါးမားရဲ့ အဓိက ဆောင်ရွက်ချက် နှစ်မျိုးမှာ အခြားမှိုတွေကို အဆိပ်သင့်စေတဲ့ ဒြပ်ပေါင်းတွေထုတ်လုပ်ခြင်းနဲ့ အခြားမှိုတွေကို အစာအဖြစ်စားသုံးပစ်ခြင်းဖြစ်ပါတယ်။

ထရိုင်ကိုဒါးမားမှိုနဲ့ ဓာတုမှိုသတ်ဆေးရဲ့ နှိုင်းယှဉ်သုံးသပ်ချက်

ထရိုင်ကိုဒါးမားမှိုက Scleroiorum ကြောင့်ဖြစ်တဲ့ ခါးရိရောဂါများ၊ Rhizoctioniကြောင့်ဖြစ်တဲ့ မြစ်ဆွေးရောဂါများ၊ Pythium ကြောင့်ဖြစ်တဲ့ ညှိုးသေရောဂါများ၊ Fusarium ကြောင့်ဖြစ်တဲ့ ညှိုးသေရောဂါများ၊ Aspergillus ကြောင့်ဖြစ်တဲ့ ပင်ရင်းပုပ်ရောဂါတွေကို ထိရောက်စွာ နှိမ်နင်းနိုင်ပါတယ်။

ထရိုင်ကိုဒါးမားမှိုက ကောက်ရိုး၊ ပြောင်းရိုး၊ ကြံရွက်၊ ကြံကြိတ်ဖတ်၊ ပဲပင်နွယ်၊ မြက်နှင့်ပေါင်းပင်များကို လျှင်မြန်စွာဆွေးမြေ့စေနိုင်တဲ့ အစွမ်းသတ္တိလည်းရှိပါတယ်။ ၎င်းတို့ကို မူလ ရိုးရာနည်းဖြင့်မြေဆွေး ပြုလုပ်လျှင် ၃-လခန့် ကြာသော်လည်း ထရိုင်ကိုဒါးမားမှိုကို သုံးလျှင် ၃-၄ ပတ်ခန့်သာ ကြာပါတယ်။

ထရိုင်ခိုဒါးမားမှိုကို အများဆုံး အသုံးပြုနိုင်တဲ့နည်းတွေကတော့..

၁။ မျိုးစေ့နှင့် လူးနယ်ခြင်း

၂ ။ စပိုးဖျော်ရည်ထဲတွင် ပျိုးပင်အမြစ်ကို နှစ်စိမ်ခြင်း

၃။ စိုက်ချိန်တွင် မြေကြီးထဲသို့ထည့်ပေးခြင်း

၄။ မြေဆွေးလုပ်၍ အသုံးပြုခြင်း တို့ပဲ ဖြစ်ပါတယ်။

Ref: PC Myanmar မှ ထုတ်ဝေတဲ့ သဘာဝမြေဩဇာပြုလုပ်သုံးစွဲနည်းစာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...