ချောင်းခြောက်ဆိုးနေရင် ဘာတွေစားပေးရမလဲ

    အအေးမိလို့ပဲဖြစ်ဖြစ် သာမာန်တုပ်ကွေးဖြစ်လို့ပဲဖြစ်ဖြစ် ချောင်းဆိုးတာက ကျန်နေခဲ့တတ်ပါတယ်။ ဘာကြောင့်ပဲဖြစ်ဖြစ် ချောင်းခြောက်ဆိုးတာက စိတ်ရှုပ်စရာကောင်းလှပါတယ်။ ဒါ့အပြင် ချောင်းခြောက်ဆိုးခြင်းက ကိုဗစ်ရောဂါရဲ့ လက္ခဏာတစ်ခုထဲမှာပါဝင်တာမို့ ဂရုစိုက်ဖို့လိုပါတယ်။ ချောင်းဆိုးတဲ့အခါ တံတောင်နဲ့ မျက်နှာကို အုပ်ဆိုးတာမျိုး၊ ကိုယ်သောက်တဲ့ရေခွက်တွေ၊ ဇွန်းတွေကို သီးသန့်ထားတာမျိုးနဲ့လည်း အတူနေတဲ့မိသားစုကို ဂရုစိုက်ပေးပါ။ အစားစားရင်း ကုသလို့ရအောင် ချောင်းခြောက်ဆိုးတာကို သက်သာစေမယ့် အစားအစာလေးတွေကိုဖော်ပြပေးလိုက်ရပါတယ်။

၁။ မီသနော ငုံဆေးပြား

    ပူရှိန်းငုံဆေးပြားလေးတွေကလည်း လည်ချောင်းတစ်ဝိုက်ကို ချောမွေ့သွားစေပြီး ချောင်းခြောက်ကို သက်သာစေပါတယ်။

၂။ အစိုဓာတ်ပေးစက်

    အိမ်ထဲမှာ ပူနေတယ်ဆိုရင်လည်း လေထုကပါ စိုထိုင်းဆတွေနည်းပါတယ်။ ဒီလိုလေထုမှာနေရရင်လည်း ချောင်းခြောက်ဆိုးတာမျိုးတွေ ခံစားရပါတယ်။ ဒါကြောင့် လေထုကို ရေငွေ့ရအောင်လုပ်ပေးထားနိုင်ပါတယ်။ 

၃။ စွပ်ပြုတ်၊ လက်ဖက်ရည်၊ ရေနွေးကြမ်း ပူပူ

    ခုလိုအချိန်မှာ စွပ်ပြုတ်ပူပူ၊ ရေနွေးကြမ်းပူပူလေးတွေကို မှုတ်သောက်ခြင်းက ချောင်းခြောက်ဆိုးတာကို သက်သာနိုင်တဲ့အပြင် သင့်ခန္ဓာကိုယ်ကိုလည်း ရေဓာတ်ပြည့်ဝစေပါတယ်။ လည်ချောင်းမှာဖြစ်နေတဲ့ ထိခိုက်မှုတွေ ပြန်သက်သာဖို့လည်း အကူအညီပေးပါတယ်။

၄။ အခိုးအငွေ့တွေကို ရှောင်ပါ

    ဆေးလိပ်ငွေ့၊ မီးခိုးငွေ့၊ ရေမွှေး၊ ပန်းဝတ်မှုန်၊ သန့်ရှင်းရေးပစ္စည်းများ၊ တိရိစ္ဆာန်အမွှေးအမျှင်များ ဒါတွေကလည်း ချောင်းခြောက်ဆိုးနေတဲ့သူတွေ ရှောင်ရှားသင့်တဲ့အရာပါ။ ဒါတွေက သင့်ကို မြန်မြန်သက်သာစေဖို့ ကြာစေပါတယ်။

၅။ ပျားရည်

    ပျားရည်က ရောင်ရမ်းစေတာကို သက်သာတဲ့အစွမ်းရှိပါတယ်။ ချွဲတွေကိုရှင်းလင်းစေပြီး လည်ချောင်းကို ရှင်းစေပါတယ်။ ရေနွေးပူပူလေးထဲ ပျားရည်နဲ့ သံပုရာလေးနဲ့ထည့်၊ ပူပူလေးကို မှုတ်သောက်ခြင်းက ချောင်းခြောက်ဆိုးခြင်းအတွက် ဆေးတစ်ခွက်ပါ။

၆။ ဆားရည်

    ဆားရည်နွေးနွေးလေးနဲ့ စက္ကန့် ၃၀ လောက်ခေါင်းမော့ပြီး အာလုပ်ကျင်းပါ။ မျိုတော့ မချမိပါစေနဲ့နော်။

၇။ ဟင်းခတ်အမွှေးအကြိုင်ပင်များ

    ဟင်းခတ်အမွေးအကြိုင်ပင်တွေက ကိုယ်ခံစွမ်းအားမြှင့်တင်ပေးရုံသာမကပဲ လည်ချောင်းထဲက ရောင်ရမ်းမှုတွေကိုလည်း သက်သာစေပါတယ်။ ဒါကြောင့် ဟင်းချက်တဲ့အခါ ကိုယ်ကြိုက်တတ်တဲ့ ဟင်းခတ်အမွှေးအကြိုင်တွေ ထည့်ချက်စားပါနော်။ ချောင်းခြောက်ဆိုးခြင်းအတွက်လည်း ကောင်းပါတယ်။

၈။ ဗီတာမင်အစုံ

    ဒါကတော့ ဒီကာလမှာ အထွေအထူးပြောစရာမလိုဘဲ သိကြမှာပါ။ ဗီတာမင်အစုံရအောင် အရောင်စုံ ဟင်းသီးဟင်းရွက်၊ သစ်သီးဝလံတွေ စားပေးပါ။

၉။ အရည်များများသောက်ပါ

    ချောင်းခြောက်ဆိုးတာနဲ့ ဖျားနာတုပ်ကွေးတွေက အတူယှဉ်တွဲနေတာမို့ ကိုယ့်ကိုကိုယ် ရေဓာတ်ပြည့်ဝအောင် ဂရုစိုက်နေပါ။ လည်ချောင်းကို အခြောက်မခံပါနဲ့။ ရေများများသောက်ပါ။ ရေအပြင် သဘာဝအသီးဖျော်ရည်တွေလည်း လုပ်သောက်နိုင်ပါတယ်။

၁၀။ Bromelain

    နာနတ်သီးမှာတွေ့ရတဲ့ အင်ဇိုင်းတစ်မျိုးကို ဆိုလိုတာပါ။ ဒီဓာတ်က ချောင်းခြောက်ဆိုးခြင်းအတွက် အထူးကောင်းမွန်စေပါတယ်။ ချွဲသလိပ်တွေကို ချေဖျက်ပေးတဲ့ အစွမ်းလည်းရှိပါတယ်။ ဒါကြောင့် နာနတ်သီးစားပေးခြင်းက ချောင်းခြောက်ဆိုးခြင်းကို သက်သာစေမှာပါ။

၁၁။ Probiotics

    Probiotics ဆိုတာကတော့ ကျန်းမာစေတဲ့ ဘက်တီးရီးယားလေးတွေပါ။ ကျွန်မတို့တွေနဲ့ သိပ်ပြီး ရင်းနှီးကျွမ်းဝင်မရှိပေမယ့် အပင်တွေနဲ့ ယှဉ်ပြောရရင် EM လို အရာပါ။ ဆေးဆိုင်တွေမှာရောင်းချကြပါတယ်။

    ချောင်းခြောက်ဆိုးတာက ခုလိုအချိန်မှာ အနည်းနဲ့အများ စိတ်ရှုပ်ရတာမို့ ဒီလို အိမ်တွင်း အစားအစာလေးတွေနဲ့ ကုသတာကလည်း တစ်ဖက်တစ်လမ်းက သက်သာရာရစေမှာပါ။ အရာရာက တန်ဆေးလွန်ဘေးဆိုတာလည်းရှိတာမို့ ဂရုတစိုက် နေထိုင်စားသောက်ကြရင်း ရောဂါကပ်ဆိုးကြီးကို ကျော်လွှားနိုင်ကြပါစေ။

ref:https://www.healthline.com/health/how-to-get-rid-of-dry-cough#home-remedies

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်