စွဲမက်ဖွယ် လေးညှင်းပွင့်

သံမှိုသဏ္ဌာန်ရှိ လေးညှင်းပွင့်သည် ပန်းအိပင်မျိုးနွယ်ဝင် အပင်တစ်မျိုးမှ သေချာရွေးထုတ်ထားသော အဖူးလေးများကို အခြောက်ခံထားခြင်းဖြစ်သည်။ အရွယ်သေးငယ်သော်လည်း အနံ့မွှေးကြိုင်သော လေးညှင်းပွင့်ကို ချက်ပြုတ်နည်းတိုင်းလိုလိုတွင် ထည့်သွင်းအသုံးပြုကြပြီး ချိုသောဟင်းလျာများနှင့် အရသာကဲသော ဟင်းလျာများတွင်လည်း ထည့်သွင်းချက်ပြုတ်ကြသည်။ တရုတ်မာဆလာ၊ ပြင်သစ် ဟင်းခတ်အမွှေးအကြိုင်၊ အိန္ဒိယမဆလာ၊ မော်ရိုကိုဟင်းခတ်အမွှေးအကြိုင်အရော၊ ဗြိတိသျှသုံး အပူပေး ဝိုင်ဟင်းခတ်နှင့် အမေရိကန် ရွှေဖရုံဟင်းခတ်တို့ အပါအဝင် ဟင်းအနှစ်များနှင့် အဖျော်ယမကာများတွင် ပါဝင်ပစ္စည်းတစ်ခုဖြစ်လာသည်။

အကောင်းဆုံးလေးညှင်းပွင့်များကို မလေးရှားနိုင်ငံ ပီနန်ဒေသမှ ရရှိသည်။ အဖူးများ ပကတိအတိုင်းရှိနေသေးသော လေးညှင်းပွင့်ကိုရှာယူပါ။ အရိပ်ရပြီး အေးမြသော မီးဖိုဆောင်နှင့် ဆိုင်များတွင် အလုံပိတ်သိမ်းဆည်းထားသည့် လေးညှင်းပွင့်များကို အသားစတူး၊ ဆော့စ်၊ သစ်သီးယိုနှင့် ခရစ္စမတ်ဝက်ပေါင်ခြောက်များ ချက်ပြုတ်ရာတွင် သုံးနိုင်သည်။ 

ပြောင်လက်၍ အမြဲစိမ်းစိုနေသော အရွက်များနှင့် စွဲမက်ဖွယ် လေးညှင်းပင်များသည် ပန်းရောင်သန်းသောအဖူးကလေးများနှင့် စူးရှသော ရနံ့မွှေးမွှေးရှိသည့် အပူပိုင်းဒေသပေါက်  အပင်များဖြစ်ကြသည်။ အပင်တစ်ပင်ရှင်သန်ကြီးထွားရန် အနည်းဆုံး အချိန် ၈ နှစ်ခန့်ကြာမြင့်သည်။ အပွင့်မပွင့်ခင် အဖူးကလေးများကို လက်ဖြင့်ခူးဆွတ်ပြီးမှသာ တောက်ပသော ပန်းရောင်သို့ပြောင်းလဲသွားကြသည်။

လေးညှင်းပွင့်ကို အစားအသောက်များ တာရှည်ခံစေရန်အတွက်သာမက ဆေးဝါးအဖြစ်လည်း အသုံးပြုခဲ့ကြသည်မှာ နှစ်အတော်ကြာပြီဖြစ်သည်။ လေးညှင်းပွင့်များသည် အစာမကြေခြင်း၊ အော့အန်ခြင်းနှင့် သွားကိုက်ခြင်း ဝေဒနာတို့အတွက် ကောင်းစေပြီး လေးညှင်းပွင့်တွင် ပါဝင်သော eugenol ဓာတ်ပစ္စည်းတစ်မျိုးတွင် ဓာတ်တိုးတားဆီးမှုသတ္တိ (anti-oxidant)၊ ဘက်တီးရီးယားကိုသေစေသော အာနိသင် (antibacterial) နှင့် မှိုကြောင့်ဖြစ်ပွားစေနိုင်သောရောဂါများ ကာကွယ်ပေးနိုင်သည့် အာနိသင် (antifungal) စသည့် ဂုဏ်သတ္တိများ ပါဝင်နေသည်။ 

Source- Food Magazine

ဆေးဖက်လည်းဝင်၊ စွဲမက်ဖွယ်ကောင်းတဲ့ ဟင်းခတ်အမွှေးအကြိုင်တစ်မျိုးဖြစ်တဲ့ လေးညှင်းပွင့် စိုက်ပျိုးနည်းအကြောင်းကို လေ့လာချင်ရင်တော့ ပေးထားတဲ့လင့်ခ်မှာ ဝင်ရောက်လေ့လာကြည့်ပါရှင့်။

https://greenwaymyanmar.com/posts/cultivation_of_medicinal_clove

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်