တောင်သူများအတွက် ငရုတ် ရွက်လိပ်ဗိုင်းရပ်စ်ရောဂါ

ငရုတ်သည် ဟင်းသီးဟင်းရွက်များထဲတွင် အရေးပါသော ဟင်းခက်အမွှေးအကြိုင်တစ်ခု ဖြစ်ပါတယ်။ ငရုတ်ပင်က များစွာသောဗိုင်းရပ်စ်ဖျက်ပိုးများ ဖျက်ဆီးမှုကို ခံနိုင်ရည်မရှိဘဲ အထွက်နှုန်းကို ဆိုးဆိုးရွားရွားလျော့နည်းစေတယ်ဗျ။ များစွာသော ဗိုင်းရပ်စ်ရောဂါများဖြစ်စေပြီး မှိုရောဂါ၊ အ၀ါရောင်မှိုရောဂါ၊ အရွက်များကွေးခြင်း၊ ရွက်လိပ်ခြင်း၊ အပင်များပုသွားခြင်းနှင့် အပင်ရောင်မညီကွက်ကြားဖြစ်ခြင်း စသည့်လက္ခဏာများ ဖြစ်စေသည်။ ငရုတ်ရွက်လိပ် ရောဂါဖြစ်စေသော ဗိုင်းရပ်စ် ၆၄ မျိုးရှိတယ်ဗျာ့။ ၎င်းဗိုင်းရပ်စ်ရောဂါကို ယင်ဖြူက သယ်ဆောင်လာတာပါ။

ရောဂါဖြစ်စေသောသက်ရှိ = ဂျီမီနီဗိုင်းရပ်စ် ၊ ဘီဂိုမိုဗိုင်းရပ်စ်။

ကူးစက်ပျံနှံ့ပုံ = ကိုင်းကူးကိုင်းဆက်ခြင်း။

ဖျက်ဆီးနှုန်း = တစ်နှစ်ခံပင် (သို့မဟုတ်)နှစ်ရှည်ခံပင်များ။

ရောဂါလက္ခဏာများ

၁။ အရွက်များကွေးနေခြင်း၊ ရွက်ကြောများတွင် အဖုများဖြစ်ပေါ်နေခြင်း။

၂။ အပင်၏ ကြီးထွားမှုကိုရပ်တန့်စေခြင်း၊ အရွက်၏အရွယ်အစားကိုသိသိသာသာ လျော့နည်းစေခြင်း။

၃။ ပန်းပွင့်အဖူးများ ကောင်းမွန်စွာကြီးထွားမှု မရှိခြင်း။

၄။ အစာနှင့် ရေ အသုံးပြုမှုကို လျော့နည်းစေခြင်း။

ကာကွယ်နှိမ်နင်းနည်းများ

• ခံနိုင်ရည်ရှိသောမျိုးများကို ရွေးချယ်စိုက်ပျိုးပေးရပါမယ်။

• ငရုတ်မျိုးမဟုတ်သော သီးနှံများအား အလှည့်ကျစိုက်ပျိုးပေးပါ။

• လေ၀င်လေထွက်ကောင်းစေရန်နှင့် အခြားသောပေါင်းမြက်များကို ရှင်းလင်းပေးပါ။

• စိုက်ခင်းအတွင်းရေမ၀င်စေရန် အထူးဂရုပြုပါ။

• ဖျက်ဆီးခံထားရသော အပင်များကိုစိုက်ခင်းအတွင်းရှင်းလင်းပေးပါ။(မီးရှို့ဖျက်ဆီးပါ)

• ကာဆူမင်ဆေးကို ဆေး(၁)ဆ ရေ(၁၀၀၀)ဆနှုန်းဖြင့်ဖျော်၍ ပျိုးပင်များကို ငါးမိနစ်ခန့်စိမ်၍ စိုက်ပါ။

ပိုးသတ်ဆေးများ အသုံးပြုခြင်းဖြင့်ကာကွယ်ခြင်းသည် ရောဂါသယ်ဆောင်သောဖျက်ပိုးကိုထိရောက်စွာကာကွယ်နှိမ်နှင်းနိုင်မည်မဟုတ်ပါ။ ပိုးသတ်ဆေးဒဏ်ခံနိုင်ရည်ရှိပြီး နောက်ပိုင်းမှာဖျက်ပိုးများပိုွားများလာနိုင်ပါတယ်။ လိုအပ်ချိန်မှသာ ဆေးသုံးကာကွယ်ပါ။

Lin Lin Htet

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်