မွေးမြူရေးတိရစ္ဆာန်များ ရေးဘေးအန္တရာယ် ကာကွယ်ရေးနှိုးဆော်ချက်

စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန

မွေးမြူရေးနှင့် ကုသရေးဦးစီးဌာန

မွေးမြူရေးတိရစ္ဆာန်များ ရေးဘေးအန္တရာယ် ကာကွယ်ရေးနှိုးဆော်ချက်

- တိရစ္ဆာန်များအတွက် ဒေသတွင်း ရရှိနိုင်သည့် ဆန်၊ ဆန်ကွဲ၊ ကောက်ရိုး၊ ပဲရိုး၊ ပဲမှော် အစရှိသည့် တိရစ္ဆာန်အစာနှင့် သောက်သုံးရေးများအားလုံလောက်စွာ ကြိုတင်စုဆောင်းထားရန်

- မွေးမြူရေးခြံများရှိ တိရစ္ဆာန်များနှင့် သိုလှောင်ထားသော တိရစ္ဆာန်အစာများအား ရေဘေးကင်းလွတ်ရာသို့ အချိန်မီပြောင်းရွှေ့သယ်ယူနိုင်ရေး ကြိုတင်စီစဉ်ထားရန်။

- ရေဘေးအန္တရာယ်ကျရောက်ချိန်နှင့် ရေပြန်ကျချိန်များတွင် ကူးစက်ရောဂါများဖြစ်ပွားတတ်သဖြင့် တိရစ္ဆာန်များအား ရောဂါကာကွယ်ဆေးများ ကြိုတင်ထိုးနှံထားရှီရန်။

- တိရစ္ဆာန်ကူးစက်ရောဂါများသာမာန်ရောဂါနှင့်ထိခိုက်ဒဏ်ရာများရရှိပါက ဆေးကုသမှု အမြန်ဆောင်ရွက်ရန်။

- ထူးခြားဖြစ်စဉ်များရှိပါက သက်ဆိုင်ရာမွေးမြူရေးနှင့်ကုသရေးဦးစီးဌာနသို့အကြောင်းကြားဆက်သွယ်ရန်။

- ရေဘေးအန္တရာယ်ကျရောက်လာပါက တိရစ္ဆာန်များအား ရေလွတ်သောနေရာများသို့ အလျင်အမြန်ရွေ့ပြောင်းနေရာချထားရန်နှင့် အချိန်မီဆောင်ရွက်နိုင်ခြင်းမရှိပါက တိရစ္ဆာန်များအား ကြိုးချည်နှောင်ထားခြင်း၊ ခြံလှောင်ထားခြင်းမဖြစ်ပေါ်စေရေး အထူးဂရုပြုဆောင်ရွက်ရန်။

- ဒေသအတွင်းအရေးပေါ်အခြေအနေအရ တိရစ္ဆာန်များအား ရေဘေးကင်းရာအရပ်သို့ ရွှေ့ပြောင်းရန်လိုအပ်ပါက ရေဘေးအန္တရာယ်မှ ကင်းလွတ်သော ကုန်းမြင့်၊ တောင်ကုန်းများတွင် ထားရှိနိုင်ရေး ကြိုတင်ပြင်ဆင်ထားရန်နှင့် တိရစ္ဆာန်များအတွက် ယာယီအဆောက်အဦး တဲများကြိုတင်ဆောက်လုပ်ထားရန်။

မွေးမြူရေးနှင့် ကုသရေးဦးစီးဌာန

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...