မြန်မာ့မွေးမြူရေးနှင့် ငါးလုပ်ငန်းကဏ္ဍတွင် ဂျပန်နိုင်ငံမှ ရင်းနှီးမြှုပ်နှံမှုများ ဝင်ရောက်လာရန်ရှိ

မြန်မာနိုင်ငံ၏ မွေးမြူရေးနှင့် ငါးလုပ်ငန်းကဏ္ဍတွင် ဂျပန်နိုင်ငံရှိ ကုမ္ပဏီကြီးများအပါအဝင် ဂျပန်လုပ်ငန်းရှင်များအနေဖြင့် ရင်းနှီးမြှုပ်နှံမှုဝင်ရောက်လာရန် စတင်လုပ်ဆောင်နေပြီဖြစ်ကြောင်း စိုက်ပျိုးရေး၊ မွေးမြူရေးနှင့် ဆည် မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူက ပြောသည်။

ရခိုင်ပြည်နယ် ငပလီကမ်းခြေတွင် ဖေဖော်ဝါရီ ၂၁ ရက် မှ ဖေဖော်ဝါရီ ၂၃ ရက်အထိ ကျင်းပပြုလုပ်သည့် ရခိုင်ပြည် နယ် ရင်းနှီးမြှုပ်နှံမှုပြပွဲ ၂၀၁၉ တွင် ဂျပန်လုပ်ငန်းရှင်းများအနေဖြင့် ၎င်းအား လာရောက်တွေ့ဆုံခဲ့ကြောင်း ရန်ကုန်မြို့ရှိ မြန်မာနိုင်ငံငါးလုပ်ငန်းအဖွဲ့ချုပ်တွင် ဖေဖော်ဝါရီလ ၂၄ ရက်က ကျင်းပပြုလုပ်သည့် ငါးမွေးမြူရေးလုပ်ငန်းများ ဘက်စုံဖွံ့ဖြိုးတိုးတက်မှုဆိုင်ရာဆွေးနွေးပွဲ၌ ယင်းကဲ့သို့ ပြောကြားခဲ့ခြင်းဖြစ်သည်။

"ဂျပန်နိုင်ငံက လုပ်ငန်းရှင်တော်တော်များများက မိမိတို့နိုင်ငံရဲ့ livestock & fisheries ကဏ္ဍကို တော်တော်လေး စိတ်ဝင်တစားရှိပြီးတော့ သူတို့နိုင်ငံရဲ့ ဒုတိယအကြီးဆုံး၊ တတိယအကြီးဆုံး ကုမ္ပဏီကြီးတွေကပါ ဝင်ရောက်ဖို့အတွက် တာဆူနေပြီဖြစ်ပါတယ်။ အဓိကကတော့ ပြည်တွင်းလုပ်ငန်းရှင်တွေနဲ့လည်း ဖြစ်ပေါ်လာမယ့် တိုးတက်မှုအခြေအနေများနဲ့ အတူ လိုက်လျောညီတွေရှိအောင် အားထုတ်ကြိုးပမ်းဖို့ အသိပေးပြောကြားတာဖြစ်ပါတယ်"ဟု စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူက ပြောသည်။

ပြည်တွင်းမှထုတ်လုပ်သော ငါးများကို ပြည်ပဈေးကွက်လိုအပ်ချက်နှင့် ကိုက်ညီမှုရှိအောင် မွေးမြူထုတ်လုပ်ရန် ကောင်းမွန်သည့် မွေးမြူရေးကျင့်စဉ် (GAqP) ဆိုင်ရာ လမ်းညွှန်ချက်များကို လိုက်နာကျင့်သုံး၍ မွေးမြူထုတ်လုပ်နိုင်ရန် ငါးလုပ်ငန်းဦးစီးဌာနအနေဖြင့် တောင်သူများကို သင်တန်းပေးခြင်း၊ ကွင်းဆင်းစစ်ဆေးခြင်း၊ အသိအမှတ်ပြု လက်မှတ်ထုတ်ပေးခြင်းတို့ကို ဆောင်ရွက်ပေးလျက်ရှိကြောင်း သိရသည်။

"ဂျပန်ကလည်း ကျွန်းနိုင်ငံဖြစ်တယ်။ ငါးကြိုက်တဲ့ လူမျိုးဖြစ်တယ်။ ဂျပန်ရဲ့ ငါးပုစွန်ဈေးကွက်ကလည်း အကြီးကြီးရှိတော့ မြန်မာပြည်ရဲ့ ငါးပုစွန်မွေးမြူရေးလုပ်ငန်းထဲမှာ ဂျပန်လူမျိုးတွေလာပြီးတော့ ရင်းနှီးမြှုပ်နှံချင်တယ်ဆိုလည်း ကျွန်တော်တို့က ဖိတ်ခေါ်နေတာပဲ။ ကျွန်တော်တို့ ဂျပန်တွေနဲ့ အများကြီးဆွေးနွေးဖူးတယ်။ ကျွန်တော်တို့ဆီလာရင် ကျွန်တော်တို့ ကြိုဆိုမှာပဲ။ လိုအပ်တာတွေ ဝိုင်းဝန်းပြီးတော့ ကူညီပါမယ်" ဟု မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင်က ပြောသည်။

အသေးစားမွေးမြူရေးလုပ်ငန်းရှင်များအား အားပေးကူညီရန်၊ ငါးမွေးမြူရေးလုပ်ငန်းနှင့်ပတ်သက်၍ ကောင်းမွန်သောစနစ်၊ မူဝါဒများ၊ ဥပဒေလုပ်ထုံးလုပ်နည်းများနှင့်အညီ ဆောင်ရွက်လာစေရန်၊ ငါးမွေးမြူရေးနည်းပညာများရရှိစေရန် ကူညီပံ့ပိုးမှုများကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ စနစ်တကျလုပ်ဆောင်သွားမည်ဖြစ်ကြောင်း သိရသည်။

အေးအေးမြင့်(ABM) ဖေဖော်ဝါရီ ၂၆ ရက်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...