ရှော့တိုက်မဖမ်းခြင်းဖြင့် သယံဇာတထိန်းသိမ်းမယ်

ငါးသယံဇာတများကို မျိုးပြုန်းတီးစေသော အကြောင်းရင်းများစွာအနက် ဘက်ထရီရှော့တိုက်ငါးဖမ်းဆီးခြင်းသည် အဆိုးရွားဆုံးဖြစ်ပါ၏။ အကြောင်းမှာ ၎င်းငါးဖမ်းနည်းသည် သဘာဝရေပြင်တစ်နေရာ၌ လျှပ်စစ်ဓာတ်လွှတ်ကာ ထိုအဝန်းအဝိုင်းရှိ ကြီးကြီးငယ်ငယ် ရေသတ္တဝါမှန်သမျှကို ဓာတ်လိုက်သေဆုံးစေပြီးမှ ဖမ်းယူခြင်းကြောင့် ဖြစ်ပါ၏။ အဆင်မသင့်ပါက ငါးရှာသူကိုယ်တိုင် ဓာတ်လိုက်၍ အသက်သေဆုံးရခြင်းမျိုးလည်း ရှိပါသေးသည်။

ကွန်ပစ်၊ ငါးမျှား၊ ပိုက်တား၍ ငါးရှာကြသည့် မိရိုးဖလာငါးဖမ်းနည်းများသည် ငါးများအပါအဝင် ရေသယံဇာတအားလုံးကို မျိုးသုဉ်းပျက်စီးသွားခြင်းမျိုး မဖြစ်ပေါ်စေပါ။ ကဏန်းထောင်၊ ငါးရှဉ့်ဖမ်း၊ ဒူးဖိ၊ လက်စမ်း၊ တစ်ဝမ်းတစ်ခါး ငါးရှာဖားရှာသူများကြောင့်လည်း ငါးများ ရှားပါးကုန်သည်ဟူ၍လည်း မရှိပါ။ အဘယ်ကြောင့်မှု ရေသတ္တဝါအားလုံးတို့သည် အသစ်တစ်ဖန် ပြန်လည်ပေါက်ဖွားခြင်းဖြင့် ရေသယံဇာတထုကို ပြန်လည် စုစည်းပေးနိုင်ကြ၍ ဖြစ်ပါ၏။

မိမိကိုယ်ကျိုးတစ်ခုတည်းကိုသာကြည့်ကာ အဆိပ်အတောက်များချ၍ ငါးဖမ်းခြင်း၊ မိုင်းခွဲခြင်း၊ ငါးဖမ်းခြင်းနှင့် ဘတ္တရီရှော့တိုက်ငါးဖမ်းခြင်းမျိုးသည်ကား သဘာဝမြစ်ချောင်းအင်းအိုင်များအတွင်းမှ ငါးများအပါအဝင် အခြားသော ရေနေသတ္တဝါမျိုးစုံကို အစုလိုက်အပြုံလိုက် သေကြေပျက်စီးစေပြီး အမှီသဟဲပြုရာ ငါးနေထိုင်ရာ ပတ်ဝန်းကျင်များ၊ ဂေဟစနစ်များကိုပါ ပျက်စီးစေကာ ရေသယံဇာတများအားလုံး မျိုးသုဉ်းပျေက်ကွယ်ကုန်ကြမည် ဖြစ်ပါသည်။

ငါးလုပ်ငန်းဦးစီးဌာနသည် နိုင်ငံပိုင် ရေသယံဇာတများ ပျက်စီးဆုံးရှုံးခြင်းမှ ကာကွယ်ရန်နှင့် စဉ်ဆက်မပြတ် ထုတ်လုပ်စားသုံးနိုင်ရေး အလို့ငှာ

(၁) ပေါက်ကွဲစေတတ်သည့် ပစ္စည်း၊ အဆိပ်အတောက်၊ ဓာတုပစ္စည်းများနှင့် ယင်းကဲ့သို့ အန္တရာယ်ဖြစ်စေသော ပစ္စည်းများဖြင့် ငါးဖမ်းခြင်း သို့မဟုတ် အကျိုးဖျက်ဆီးခြင်း။

(၂) တားမြစ်ထားသော ငါးဖမ်းနည်း၊ ငါးဖမ်းကိရိယာဖြင့် ငါးဖမ်ခြင်း။

(၃) တားမြစ်ထားသော ငါးမျိုး၊ ငါးအရွယ်အစားကို ဖမ်းဆီးခြင်း။

(၄) တားမြစ်ထားသော အချိန်ကာလနှင့် နေရာဒေသတွင် ငါးဖမ်းခြင်းဟူ၍ ရေချိုငါးလုပ်ငန်းဥပဒေဖြင့် တားမြစ်ထားပါသည်။ ယင်းဥပဒေပါ ပြဌာန်းချက်တစ်ရပ်ရပ်ကို ဖောက်ဖျက်ကျူးလွန်ပါက ငွေဒဏ် ကျပ် ၃၀၀၀၀ အထိ ဖြစ်စေ၊ ထောင်ဒဏ်သုံးနှစ်အထိဖြစ်စေ ဒဏ်နှစ်ရပ်လုံးဖြစ်စေ ကျခံစေရမည် ဖြစ်ပါသည်။

ကံကြီးလွန်း၍ ရှော့တိုက်ဓာတ်လိုက်ခြင်းဘေးမှ မသေဘဲ ကျန်ရစ်ပါကလည်း ၎င်းငါးသည် မျိုးပွားအင်္ဂါများ ပျက်စီးသွားသည်ဖြစ်ရာ မျိုးဆက်သားပေါက်ပွားခြင်း မပြုနိုင်တော့ဘဲ မျိုးသုဉ်းစားရင်းသို့ အလိုအလျောက် ဆိုက်ရောက်သွားပြီ ဖြစ်ပါ၏။

ယခုအခါတွင် ငါးမြင်း၊ ငါးမြင်းရင်း၊ ငါးကြောင်း၊ ငါးအုံတုံ တို့ကဲ့သို့ ငါးကြီးငါးကောင်းများ အပါအဝင် ရေချိုငါးမျိုးစိတ်အတော်များများများ ရှားပါးမျိုးသုဉ်းစာရင်းဝင်နေပြီ ဖြစ်ပါ၏။ သို့ဖြစ်၍ ယင်းသို့ နိုင်ငံပိုင်ရေသယံဇာတများ မျိုးပြန်းတီးသွားစေမည့် လုပ်ရပ်ဆိုးကြီးကို အမျိုးသားရေးတစ်ရပ်အသွင်ဖြင့် ကြပ်မတ်တားဆီးမှသာလျှင် အမြစ်ပြတ် လျော့ပါးနိုင်မည် ဖြစ်ပါ၏။

စံလွင် (ငါးဦးစီး) ဒို့ကျေးရွာဂျာနယ်မှ ကူးယူဖော်ပြပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...