ပုစွန်မွေးမြူရေး ဖွံ့ဖြိုးတိုးတက်‌ရေးဆိုင်ရာစီမံကိန်း ဆောင်ရွက်မည်

29/10/2019 15:30 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

ရန်ကုန်၊ အောက်တိုဘာ ၂၄

   ထိုင်းနိုင်ငံ၏ ‌ထောက်ပံ့ငွေ အမေရိကန်ဒေါ်လာတစ်သန်းခန့်ဖြင့် ရခိုင်ပြည်နယ်၊ စစ်တွေမြို့ ရေချမ်းပြင် ပုစွန်သား ပေါက်စခန်းတွင် ပုစွန်မွေးမြူ ရေးဖွံ့ဖြိုးတိုးတက်မှုဆိုင်ရာစီမံကိန်းဆောင်ရွက်မည်ဖြစ်ကြောင်း ငါးလုပ်ငန်းဦးစီးဌာနမှ သိရသည်။ 

   အဆိုပါစီမံကိန်းကို ၂၀၂၀ မှ ၂၀၂၃ ခုနှစ်အထိ ဆောင်ရွက်မည်ဖြစ်ပြီး ရေချမ်းပြင် ပုစွန်သားပေါက်စခန်းတွင် ခေတ်မီသည့် အဆောက်အဦအသစ်များ ပြန်လည်တည်ဆောက်ခြင်း၊ ပုစွန်မွေးမြူ ရေးနှင့်ပတ်သက်သည့် အချက်အလက်များကို ထိုင်းနိုင်ငံမှပညာရှင်များဖြင့် နည်းပညာအထောက်အပံ့များ ပေးအပ်သွားမည်ဖြစ်‌ကြောင်း သိရသည်။

   “အမှန်တစ်ကယ်‌တော့ ဒီဘဏ္ဍာနှစ်ကတည်းကစရမှာ။ ထိုင်းထောက်ပံ့ငွေက နောက်ကျနေတဲ့အတွက် မစနိုင်တာဖြစ်တယ်။ ရေချမ်းပြင်စခန်းမှာ အဆောက်အဦတွေက ဆွေးမြည့်ပြီးပျက်စီးနေပြီ။ အဲဒါတွေကို အကုန်လုံး ပိုပြီးခေတ်မီတဲ့အဆောက်အဦတွေ ပြန်ဆောက်ပေးမယ်။ သင်တန်းတွေပေးမယ်။ ထိုင်းနည်းပညာနဲ့ ဒီကပညာရှင် တွေပူးပေါင်ပြီး နည်းပညာအထောက်အပံ့ပေးမယ်။ ဒေသကသူတွေကို ဘယ်လိုမွေးရတယ်ဆိုတာတွေကို သင်တန်းတွေပေးမယ်။ ရခိုင်ပြည်နယ်မှာ ပုစွန်ကန်တွေက များတယ်။” ဟု  ငါးလုပ်ငန်းဦးစီးဌာန ဒုတိယညွှန်ကြားရေးမှူးချုပ် ဦးမြင့်ဇင်ထူးက ‌ပြောသည်။

   ရခိုင်ပြည်နယ်တွင် ပုစွန်သားဖောက်မွေးမြူသည့် ပုစွန်မွေးမြူ ရေးကန်များခြင်း‌ကြောင့် မျိုးကောင်းမျိုးသန့်  ပုစွန်သားပေါက်များ တိုးတက်ထုတ်လုပ်နိုင်ရန် ထိုင်းနိုင်ငံမှ ငါးလုပ်ငန်းဆိုင်ရာဌာနနှင့် မြန်မာနိုင်ငံမှ ငါးလုပ်ငန်းဦးစီးဌာနတို့ပူးပေါင်း၍ ထိုင်းနိုင်ငံမှ Thailand International Corporation Agency ထောက်ပံ့ငွေဖြင့် ဆောင်ရွက်ခြင်းဖြစ်ကြောင်း သိရသည်။

   ထိုင်းနိုင်ငံ၏ ‌ထောက်ပံ့ငွေအပြင် မြန်မာနိုင်ငံဘက်မှလည်း ကျပ်သန်း ၁၆၀ ခန့်အသုံးပြု ဆောင်ရွက်သွားမည်ဖြစ်ပြီး ယင်းဒေသရှိ ပုဂ္ဂလိကကဏ္ဍမှ ပုစွန်မွေးမြူ ရေးလုပ်ငန်းရှင်များကိုလည်း ထိုင်းနိုင်ငံ၏နည်းပညာဖြင့် သင်တန်းများ ပို့ချပေးသွားမည်ဖြစ်ကြောင်း ငါးလုပ်ငန်းဦးစီးဌာနထံမှ သိရသည်။

   မြန်မာနိုင်ငံအတွင်းရှိ ပုစွန်သားပေါက် မွေးမြူထုတ်လုပ်သည့်လုပ်ငန်းများသည် အမည်မသိရောဂါကျရောက်ကာ ပုစွန်သားပေါက်ထုတ်လုပ်မှု မအောင်မြင်ခြင်း‌ကြောင့် အဆိုပါစီမံကိန်းသည် ပြည်တွင်းပုစွန်သားပေါက် မွေးမြူထုတ်လုပ်မှုကို အထောက်အပံ့ဖြစ်စေမည်ဖြစ်ကြောင်း သိရသည်။ 

အေးအေးမြင့်(ABM)

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်