အားဖြည့် သဘာဝမြေသြဇာ ပြုလုပ်နည်း

၁။ အားဖြည့် သဘာဝမြေသြဇာ ပြုလုပ်နည်း

မြို့နေလူထုမှ စွန့်ပစ်သော အမှိုက်များကို စနစ်တကျ စုဆောင်းပါ။ ယင်းတို့အနက်မှ သံတိုသံစ၊ သတ္တု၊ ဖန်ကွဲ၊ ပလပ်စတစ်၊ ကော်ကြွပ်စသည့် ပစ္စည်းများကိုရွေးထုတ် သန့်စင်ပါ။ ကျန်ဆွေးမြည့်ကြေပျက်နိုင်သော အမှိုက်များကို အလွှာလိုက် စုပုံ၍ EM ဖျော်ရည်များ ဖျန်းပါ။ ယင်းနောက်ဆွေးမြည့်ကြေပျက်စေရန် ၆လခန့် ထားပါ။ အထက်အောက် လှန်ပေးပါက မြန်မြန်ဆွေးပါသည်။ ယင်းနောက် အမှိုက်ဆွေးများအား ဇကာချပါ။ ရရှိသည့်မြေဆွေးမှုန့်များအား အာဟာရဓာတ် ပြည့်စုံစေရရန်မြေဆွေး ၂၅ ကီလို (၁၅ ပိဿာ) ကိုအောက်ပါ အာဟာရဓာတ်ပစ္စည်းများ အချိုးကျရော၍ သမအောင်မွှေပါ။

၂။ ထည့်သွင်းသုံးစွဲနည်း

နှံစားသီးနှံ၊ ပဲမျိုးစုံသီးနှံ၊ စက်မှုသီးနှံ၊ နှစ်ရှည်သီးနှံနှင့် သစ်သီးဝလံ ပန်းမန်များအားလုံးတွင် ထည့်သွင်း အသုံးပြုနိုင်သည်။ စပါးသီးနှံမြေပြုပြင်ချိန်တွင် ၅၆ပေါင် (၁၅ ပိဿာ)၊ ၄အိတ်နှုန်း ထည့်ပါ။ အပင် ဖြစ်ထွန်းချိန် တွင် ၂ အိတ်နှင့် မှို့ကပ်ချိန်တွင် ၂ အိတ် ထပ်မံ ထည့်သွင်းပါ။ အခြားသီးနှံများအတွက် မြေပြုပြင် ချိန်တွင် တစ်ဧက ၄ အိတ်နှုန်း ထည့်ပါ။ ဟင်းသီးဟင်းရွက်များတွင်မြေခံအဖြစ် ထည့်သွင်းပြီးနောက် ပေါင်းသင်၊ မြေဆွပြုလုပ်ချိန်တွင် ထပ်မံ ထည့်သွင်း သုံးစွဲနိုင်ပါသည်။ အတန်းလိုက် သီးနှံများ၌ အပင်ခြေတွင် အတန်းလိုက် ဖြူးပေး၍ မြေဖုံးပေးပါ။

၃။ အကျိုး သက်ရောက်မှု

သီးနှံအတွက် အဓိက အာဟာရဓာတ်များ ပါဝင်၍ အပင်ကြီးထွားသန်မာပြီး အထွက်နှုန်းကောင်းမွန်သည်။ အနည်းလို အာဟာရဓာတ်များ ပါဝင်၍ အထွက်နှုန်း ပိုမိုတိုးတက်စေသည်။ စေးသောမြေကို ဖွယ်စေပြီး ဖွယ်သောမြေကိုစေးစေသည်။ မြေဆီလွှာအတွင်း၊ လေဝင်လေထွက်ကောင်းပြီး အစိုဓာတ်နှင့် အပူချိန်ကို ထိန်သိမ်းပေးသည်။ အပင်သက်တမ်း တစ်လျှောက် အာဟာရဓာတ်များကို ဖြည့်စွက်ပေးသည်။

ကိုးကား- မြေဆီလွှာ အကျိုးပြု သဘာဝ မြေသြဇာ၊ ဇီဝမြေသြဇာ အမျိုးမျိုး ပြုလုပ်သုံးစွဲန

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်