အိမ်မှာတင် ဖရဲယိုပြုလုပ်နည်း

ပျင်းနေကြပြီလား။ ဖရဲသီးတွေကလည်းပေါ်နေပြီဆိုတော့လေ ဖရဲသီးကိုတစ်လုံးလုံးဝယ် ပြီးတော့ ကိုယ်က အပြင်ကိုထွက် မစားဖြစ်ဘူးဆိုရင်…. ယိုထိုးထားမှာပေါ့။

ဖရဲယိုဆိုတာလည်း ဈေးထဲမှာ ရှားနေသေးတယ်ဆိုတော့ ကိုယ်တိုင်လုပ်ပြီး ကိုယ်တိုင်စားဖို့ ဖရဲသီးကြိုက်တဲ့သူတွေအတွက်.. ဖရဲယိုပြုလုပ်နည်းလေးတင်ပေးလိုက်ပါတယ်။

မစားဖူးလောက်သေးဘူးလို့ထင်ပါတယ်နော်။ ကဲ လိုက်ပြီး လုပ်ကြည့်ရအောင်

လိုအပ်တဲ့ပစ္စည်းတွေကတော့......

ဖရဲသီး (၈)ခွက်၊ အစေ့တွေဖယ်ထားပေးရပါမယ်နော်။ အသားချည်းပဲ သုံးမှပါ

လီမွန်ရည်က ခွက်ရဲ့ လေးပုံတစ်ပုံ

သကြား ၄ ခွက်

ယိုကိုခဲစေသောပစ္စည်း (Pectin)က ၂ ဘူး (pectin) က သကြားမပါတာဖြစ်ရပါမယ်နော်။ (ဆိုင်ကြီးတွေမှာ မေးဝယ်လို့ရပါတယ်။ ယိုလုပ်ရင် ထည့်ရတာပါ)

ကဲ....လုပ်တဲ့အဆင့်လေးတွေကို ကြည့်ရအောင်

အဆင့် (၁)။ ။ ခုနက ဖရဲသီး (၈)ခွက်ကို ကြိတ်စက်ထဲထည့်ပြီးတော့ ကြိတ်ပါ။ အရည်ကြီးပဲ ရအောင်ဆိုရင်တော့ (၄)ခွက်ပဲ ကျန်ပါလိမ့်မယ်။

အဆင့် (၂)။ ။ ဖရဲသီးအရည် (၄)ခွက်ကို အိုးထဲကိုထည့် ပြီးတော့ လီမွန်ရည်ထည့်လိုက်ရပါမယ်။

အဆင့်(၃)။ ။ အိုးသေးသေးတစ်ခု ဖြစ်ဖြစ် ခွက်သေးသေးတစ်ခုထဲ ဖြစ်ဖြစ် pectin ၂ဘူးကိုဖောက်ထည့် ပြီးတော့ သကြားခွက်တစ်ဝက်ထည့်။ အဲ့လိုထည့်ပေးမှ pectin တွေ မခဲပဲ တစ်ခါတည်းပျော်သွားမှာပါ။

အဆင့် (၄)။ ။ ဖရဲသီးအရည်တွေရယ်၊ ပြီးတော့ pectin ရယ်ရောပြီးတော့ နာနာလေးခေါက်ပေးပါ။

အဆင့် (၅)။ ။ အဲ့ဒါကို မီးပြင်းပြင်းနဲ့ ကြိုရမယ်။ မွှေတာကိုလည်း ရပ်လိုက်လို့မဖြစ်ဘူးနော်။ အောက်ဖက် တူးနိုင်လို့ပါ။

အဆင့်(၆)။ ။ ပွက်ပွက်ဆူလာပြီဆိုရင်တော့ ကျန်တဲ့သကြားတွေ အကုန်ထည့်လိုက်ပေါ့။ အဲ့ဒါဆိုရင်တော့ ပူစီပေါင်းတက်တာကိုလည်း သက်သာစေပါတယ်။

အဆင့်(၇)။ ။ တအားဆူတဲ့အထိ ထား၊ ပြီးတော့ တစ်မိနစ်လောက် ထပ်ချက်လိုက်ပါဦး။

အဆင့်(၈)။ ။ တစ်မိနစ်ပြည့်ရင်တော့ မီးပိတ်လို့ရပြီ။

ပြီးတော့ ဘာဆက်လုပ်ကြမလဲ ဆိုတော့ နည်းလမ်း (၃)ခုရှိပါတယ်။

ပုလင်းလေးတွေနဲ့ထည့်ပြီး စည်သွပ်ထားမလား

ရေခဲသေတ္တာထဲထည့်ပြီး တစ်နှစ်လောက်အထိ ထားစားမလား

ခုပဲစားမလား ပေါ့….

အကြိုက်ဆုံးကတော့ ဒုတိယ (၂) ခုပါပဲ။ ဘာမှ ထပ်လုပ်စရာမလိုတော့ဘူးလေ။

ပုလင်းလေးတွေနဲ့ စည်သွပ်ထားမယ်ဆိုရင်တော့ ယိုပုလင်း သေးသေးလေးတွေ သံဖုံးနဲ့ ဈေးထဲမှာရှာဝယ်ထားရမှာပါ။ ပြီးတော့ ရေသန့်သန့်လေးဆေး၊ အဖုံးတွေကို ရေနွေးနဲ့ပြုတ်ထား၊ တကယ်စည်သွပ်တော့မယ်ဆိုရင် ပုလင်းတွေကိုပါ ပြုတ်ရမှာပါ။ အိုးထဲမှာ ပုလင်းထည့်၊ ပုလင်းလေးတွေ ရေတစ်ဝက်လောက်အထိမြုပ်အောင်ထည့်ပြီး ပွက်ပွက်ဆူအောင်တည်ပေး၊ သန့်လည်းသန့် ခြောက်လည်းခြောက်ပြီဆိုရင် ယိုလေးတွေဖြည့်ပေးလို့ရပါပြီ။

ယိုလေးတွေကိုဖြည့်တဲ့နေရာမှာ အပြည့်ကြီးမဖြည့်ပဲနဲ့ တစ်လက်မရဲ့ လေးပုံတစ်ပုံလောက်တော့ လေဟာနယ်ချန်ထားပြီး အဖုံးလေးသေချာပိတ်လိုက်ရင် အဆင်ပြေသွားပါပြီနော်။ ပုလင်းအကုန်မပြည့်ဘူး တစ်ဘူးက တစ်ဝက်လောက်ပဲဝင်တယ် ဆိုရင်တော့ စားပစ်လိုက်ပါ။

ပုလင်းတွေ အကုန်ပြီးရင်တော့ ရေနဲ့ ထပ်ပြုတ်ရဦးမှာပါ။ ရေထဲကိုထည့် ပြီးတော့ အပူပေး၊ ဆူပွက်ပြီး ၁၀မိနစ်လောက်အထိ ထားပေးပြီးရင် သဘက်ဖြစ်ဖြစ် အဝတ်လေးနဲ့ဖြစ်ဖြစ်သုတ်၊ ရေစစ်၊ အေးသွားပြီဆို အဖုံးတွေ ဘာတွေစစ်၊ ပြီးရင်တော့ အေးဆေးထား စားလို့ရပြီပေါ့။

ဖရဲယို စားချင်နေပါပြီလို့။

ထွန်းဝင်းကျော်

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ