အစိမ်းရောင်လမ်းဤဘက်စုံသုံး ဆပ်ပြာဆီ ပြုလုပ်နည်းကို စာရေးသူ၏ ကိုယ်တွေ့အားရေးသားပါသည်။ ပြုလုပ်၍ရောင်းချပါက အိမ်တွင်း ဝင်ငွေရရှိနိုင်သလို မိမိ ကိုယ်တိုင် ပြုလုပ် သုံးစွဲပါကလည်း အဖိုးနှုန်း ချိုချိုဖြင့် အသုံးပြုနိုင်မည် ဖြစ်ပါသည်။
ပါဝင်ပစ္စည်းများ
၁။ SLES or N 70 ( Sodium laureth sulfate) ပျစ်ဆေး အဆီ/အနှစ် ၁ကီလိုဂရမ်
၂။ SLS (sodium lauryl sulfate) ချေးချွတ်ဆေး အချောင်း ဝ.၅ကီလိုဂရမ်
၃။ NaCL (sodium Chloride) အမြှုပ်အားကောင်းဆေး အမှုန့် ဝ.၅ကီလိုဂရမ်
၄။အနံ့ မိမိနှစ်သက်ရာ (အသီး၊ ပန်း)
လိုအပ်သော ပစ္စည်း ကိရိယာများ
၁။ သန့်ရှင်းသောရေ ၁၀ လီတာ (ရေသန့်ဗူးကြီး ၁၀ ဘူး)
၂။ ပုံး (သံသို့မဟုတ် စတီးကိုမသုံးသင့်ပါ) ရေ ၁၀လီတာဝင်ဆန့်သောပုံး
၃။ ယောင်းမကြီး(သို့) သန့်ရှင်းခိုင်ခန့်သောတုတ်ချောင်း မွှေရန်
ဆပ်ပြာဆီဖော်စပ်နည်း အဆင့်ဆင့်
N70ကိုရေသန့် ၁၀လီတာ (ရေသန့်ဗူး၁၀ဗူး) အတွင်းမွှေဖျော်ပါ။ မွှေဖျော်ရာတွင် အနှစ်များ အားလုံးပျော်ဝင်အောင်မွှေပါ။ SLS (ချေးချွတ်ဆေး) အချောင်း ကလေးများ ထည့်ပါ။ SLS(ချေးချျွတ်ဆေး အချောင်း) များ အားလုံးပျော်ဝင်သွားပြီ ဆိုပါက NaCl (အမြှပ် အားကောင်း ဆေးမှုန့်)ဆားကို ထည့်၍မွှေပါ။ ဆေးပြစ်လာပါမည်။ NaClများပျော်ဝင်ပြီးပါက မိမိ နှစ်သက်ရာ အသီး သို့ ပန်းအနံ့ကို ထည့်မွှေပါ။ ထို့နောက် ၈နာရီ ကြာထားပြီးလျှင် သုံးစွဲနိုင်ပါပြီ။
ရနံ့အတွက်
မိမိ နှစ်သက်ရာ အသီးအနှံ၏အခွံများ၊ ပန်းများ ကိုရေ၂လီတာတွင် ထည့်ပြုတ်ပါ။ အခွံများကို မိမိ နှစ်သက်သလောက် ထည့်နိုင်ပါတယ်။ ဥပမာ- သံပုရာ အနံအား နှစ်သက်သည်ဆိုပါစို့ သံပုရာသီး အခွံအား နူးအိအောင် ပြုတ်ပါ။ ပြီးနောက် အဖတ်များကို စစ်ထုတ်ပြီး အရည်ကို ထည့်ပါ။
* သတိပြုရန်မှာ အသီး ပြုတ်ရည်၏ ပမာဏကို ဆပ်ပြာရည်ဖျော်စပ်ရာတွင်လျော့၍ ထည့်ရပါမယ်။
ကုန်ကျစရိတ်မှာ မြန်မာငွေ၄၀၀၀ ကျပ်ဝန်းကျင်သာ ကျသင့်ပါသည်။
မိုးပန်းဖြူ
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။
ဗွေဆော်ဦး ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}