ကြက်ချေးအရိုင်းနှင့် မြေဩဇာဖော်စပ်နည်း

24/12/2020 11:45 AM တွင် Call center Call center မှ ရေးသား ပြီး စိုက်ပျိုးရေးဉီးစီးဌာန စိုက်ပျိုးရေးဉီးစီးဌာန မှ ပေးပို့ထားပါသည်။

ကြက်ချေးအရိုင်းနှင့် မြေဩဇာဖော်စပ်နည်းကို သိလိုပါသည်။

    တိရိစ္ဆာန်ချေးမြေဩဇာအရည်ဖော်နည်း ရှိပါသည်။ လိုအပ်သောပစ္စည်းများမှာ အရည်စိမ့်ထွက်နိုင်ရန် ခိုင်ခံ့သော ဂုန်နီအိတ် (သို့) ချည်အိတ်၊ ၂၀၀ လီတာပုံး (သို့) စဉ့်အိုး၊ ပုံး (သို့) စဉ့်အိုးပုံး၏အဖုံး၊ တိရိစ္ဆာန်မွေးမြူရေးခြံမှထွက်သော မစင် အညစ်အကြေးများတို့ဖြစ်ပါသည်။

ပြုလုပ်နည်း

     မစင်အညစ်အကြေးများကို အိတ်အတွင်းသို့ထည့်ပြီး အိတ်၏ထိပ်ပိုင်းကို ကြိုးဖြင့်ချည်ပါ။ ထို့နောက် အိတ်ကို ပုံး (သို့) စဉ့်အိုးထဲသို့ ထည့်သွင်းထားပါ။ ပုံး (သို့) စဉ့်အိုးထဲသို့ ရေဖြည့်ထည့်လိုက်ပါ။ ခြင်များမဝင်အောင် အဖုံးဖြင့် ဖုံးထားပါ။

ရလဒ်

    (၂) ပတ်ကြာပြီးနောက် ပုံး (သို့) စဉ့်အိုးထဲမှရေများသည် လက်ဖက်ရည်အရောင်ကဲ့သို့ အညိုရောင်ပြောင်းသွားပါသည်။ တိရိစ္ဆာန်အညစ်အကြေးထဲတွင်ရှိသော အာဟာရဓာတ်များ ရေတွင်ပျော်ဝင်သွားသောကြောင့် ဖြစ်ပါသည်။ မစင်အရည်များကိုဖောက်ထုတ်၍ အပင်ကိုကျွေးပါ။

အသုံးမပြုမီ

    ကောက်ပဲသီးနှံများကို လက်တွေ့မတိုက်ကျွေးမီ အစမ်းသဘောအနေဖြင့် မြက်ပင်တစ်ကွက်ပေါ်သို့ မစင်ရည်အနည်းငယ် လောင်းချလိုက်ပါ။ ၂ ရက် (သို့) ၃ ရက် နောက်ပိုင်းတွင် မြက်ပင်များလောင်ကျွမ်း၍ အညိုရောင်ပြောင်းသွားပါက အဆိုပါမစင်ရည်ကို ရေဖြင့် ထပ်မံရောထည့်ရပါမည်။

မှတ်ချက် - အလေးချိန်တူသော ကြက်/ ဝက်ချေးဖြင့်ပြုလုပ်ထားသော မစင်ရည်သည် နွား/ သိုး/ ဆိတ်ချေးတို့ဖြင့်ပြုလုပ်ထားသော မစင်ရည်ထက် ပိုမိုအာနိသင်ပြင်းသည်ကို တွေ့ရပါသည်။

စိုက်ပျိုးရေးဦးစီးဌာန - call center


မာလာမြိုင် ကုမ္ပဏီ ကြော်ငြာ
ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။
Read more Facebook page သို့သွားရန်

ဆွေးနွေးချက်များ

ဆွေးနွေးရန်