ကြံမြှုပ်ချေး သဘာဝမြေသြဇာ ပြုလုပ်နည်း

သကြားချက် စက်ရုံမှဘေးထွက်ပစ္စည်း ကြံမြှုပ်ချေး များကို ရယူပါ။ ကြံသကာချက်ဖိုမှ ထွက်သောအမြှုပ်နှင့် ကြိတ်ဖက်များကိုလည်း အသုံးပြုနိုင်ပါသည်။ ယင်းတို့ကို နွားချေးနှင့် နွားသေးရောထားသောဖျော်ရည် သို့မဟုတ်ရေပုပ်နှင့် အညစ်အကြေးရည်များ ပက်ဖျန်း၍ရောမွှေပါ။ ထို့နောက် အလွှာလိုက် စုပုံ၍ တစ်လွှာစီတွင် ဖွဲနု၊ နုန်းမြေ၊ ထုံးမှုန့်၊ ကျောက်မှုန့်၊ စပါးခွံပြာ အရောကို ပါးပါးဖြူးပေးပါ။

အစိုဓာတ် လုံလောက်စေရန်ရေဖျန်းပြီး အပေါ်မှ အမှိုက်၊ ကောက်ရိုး၊ သစ်ရွက်ခြောက် စသည်တို့ဖြင့် ဖုံးအုပ်ပေးထားပါ။ တစ်လ တစ်ကြိမ် အထက်အောက်လှန်ပေးပါက မြန်မြန်ဆွေးနိုင်ပါသည်။ အမှိုက်ကြမ်းများကို ဇကာချ၍ ဖယ်ပါ။ ဇကာချပြီး မြေဆွေးမှုန့် ၂၅ ကီလို ( ၁၅ ပိဿာ ) လျှင်အောက်ပါ ဓာတ်မြေသြဇာများဖြင့် အချိုးကျရောစပ်ပေး၍ သမအောင်မွှေပေးပါ။

ဓာတ်မြေသြဇာ ရောစပ်ရန်ပမာဏ

ယူရီးယား ၆ပေါင်ခန့်( ၁ ပိဿာ ၆၀ ကျပ်သား )

တီစူပါ ၅ပေါင်ခန့် ( ၁ ပိဿာ ၄၀ ကျပ်သား )

ပိုတက် ၄ပေါင်ခန့်( ၁ ပိဿာ )

ဂျစ်ပဆန် ၈ပေါင်ခန့် (၂ ပိဿာ ၂၀ ကျပ်သား)

ဇင့်ဆာလဖိတ် ၂ပေါင်ခန့် ( ၅၀ ကျပ်သား)

ရောစပ်ပြီး ကြံမြှုပ်ချေးမြေသြဇာများကို တစ်အိတ်လျှင် ၅၆ပေါင် ( ၁၅ ပိဿာ )နှုန်း ထည့်သွင်းပါသည်။ ကြံမြှုပ်ချေး သဘာဝမြေသြဇာတွင် သစ်ဆွေးဓာတ် ၆၃% အပြင်အောက်ပါ အပင်အာဟာရဓာတ်များ ပါဝင်ပါသည်။

အပင်အာဟာရဓာတ် ပါဝင်မှုရာခိုင်နှုန်း

နိုက်ထရိုဂျင် ၁၀.၆%

ဖော့စ်ဖရပ်စ် ၄.၇%

ပိုတက်စီယမ် ၂.၀%

ကယ်လ်စီယမ် ၃.၀%

ဆာလဖာ ၀.၅%

ဇင့်(သွပ်) ၀.၂%

အသုံးပြုနည်း

နှံစားသီးနှံ အမျိုးမျိုး၊ ပဲမျိုးစုံ၊ နှစ်ရှည်သီးနှံ၊ စက်မှုသီးနှံနှင့် ဟင်းသီးဟင်းရွက်၊ ပန်းမန်များအားလုံးတွင် အသုံးပြုနိုင်သည်။ စပါးသီးနှံ တစ်ဧကတွင်မြေပြင်ချိန်တွင် ၂ အိတ်၊ ပင်ပွားထွက်ချိန်တွင် ၁ အိတ်နှင့် မှိုကပ်ချိန်တွင် ၁ အိတ် ထည့်သွင်း အသုံးပြုပါ။

အခြားသီးနှံ များတွင်မြေခံ အဖြစ်မြေပြင်ချိန်တွင် တစ်ဧက ၂ အိတ် ထည့်ပါ။ အတန်းလိုက် စိုက်သီးနှံများတွင် တစ်ဧက ၂ အိတ်၊ အပင်ခြေတွင် ဖြူးပြီးမြေဖြင့် ဖုံးပေးပါ။ ကျင်းစိုက်သီးနှံများတွင် တစ်ကျင်းလျှင် နို့ဆီဘူး တစ်ဘူးခန့် ထည့်ပေးပါ။ ဟင်းသီးဟင်းရွက်များတွင် မြေခံတစ်ကြိမ်နှင့် ပေါင်းသင်မြေဆွချိန်များတွင် ထပ်မံ ထည့်သွင်းနိုင်ပါသည်။

အကျိုးသက်ရောက်မှု

အပင်အာဟာရဓာတ်များအပြင် သစ်ဆွေးဓာတ် များပြားစွာ ပါဝင်၍မြေဆီလွှာ၏အောက်ပါဂုဏ်သတ္တိများက တိုးတက်ကောင်းမွန်စေပါသည်။ စေးသောမြေကို ဖွယ်စေပြီး ဖွယ်သောမြေကိုစေးစေသည်။ မြေတွင်းအစိုဓာတ်နှင့် အပူချိန်ကို ထိန်းစေသည်။ မြေဆီလွှာအတွင်း လေဝင်၊ လေထွက် ပိုမိုကောင်းမွန်စေသည်။ မြေ၏ ချဉ်ငံဓာတ်ကို သမစေသည်။ မြေဆီလွှာအတွင်း အာဟာရဓာတ် ပျက်ဆီးဆုံးရှုံမှုကို ထိန်းသိမ်း ကာကွယ်ပေးသည်။ အာဟာရဓာတ်ရရှိမှု အချိန်ကာလကို ကြာရှည်မျှတစေသည်။ အနည်းလို အာဟာရဓာတ်များကိုပါ ဖြည့်တင်းပေးနိုင်သည်။ မြေဆီလွှာ အဏုဇီဝများကို တိုးတက်ပွားများစေသည်။

ကိုးကား-မြေဆီလွာ အကျိုးပြု သဘာဝ မြေသြဇာ၊ ဇီဝမြေသြဇာ အမျိုးမျိုး ပြုလုပ်သုံးစွဲနည်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်