အိမ်နှင့်ကျောင်း ဥယျာဉ်ခြံတည်ထောင်ခြင်း

အိမ်နှင့်ကျောင်း ဥယျာဉ်ခြံတည်ထောင်ခြင်းနည်းပညာသည် မြေဧရိယာအနည်းငယ်တွင် သင့်တော်သည့် သီးနှံအမျိုးမျိုးကို တွဲဖက် စိုက်ပျိုးခြင်းဖြစ်သည်။

၁။ အရေးကြီးသောအချက်များ

ပတ်ဝန်းကျင်ထိန်းသိမ်းသော ကျောင်းဥယျာဉ်ခြံစိုက်ပျိုးရေးကို အောင်မြင်စွာအကောင်အထည်ဖော်ရန် (၁) စိုက်ပျိုးသူသည် မိမိဒေသ၏ ရာသီဥတု၊ (၂) ပတ်ဝန်းကျင်ဆိုင်ရာသိပ္ပံ၊ (၃) ပတ်ဝန်းကျင်ရှိသက်ရှိများ၊ (၄) ပတ်ဝန်းကျင်၏သဘာဝအခြေအနေများကို ကောင်းစွာသိရှိထားရမည်။ စိုက်ပျိုးသူသည် မိမိစိုက်ပျိုးမည့်မြေ၊ အပင်၏သဘာဝ၊ အဆင့်မြင့် စိုက်နည်းစနစ်၊ ပိုးမွှားကျရောက်မှုနှင့် နှိမ်နင်းပုံ၊ လိုအပ်ပါက ရိတ်သိမ်းပြီး တာရှည်ခံအောင်ပြုလုပ်ခြင်းများနှင့် မြေကြီးမှ ထုတ်ယူသုံးစွဲမှုမှန်သမျှကို အပင်အတွက်သာမက မြေကြီးအတွက်ပါ ပြန်လည်ဖြည့်ဆည်းနည်းများကို လေ့လာထားရမည်။ အိမ်ခြံမြေဥယျာဉ်ခြံသီးနှံစိုက်ပျိုးခြင်းနည်းပညာတွင် ရာသီအလိုက် ဦးစွာစိုက်သီးနှံ၊ ဒုတိယစိုက်သီးနှံစသည်ဖြင့် တွဲဖက်စိုက်ပျိုးမည့် သီးနှံများ သီးလှည့်စိုက်စနစ်မျာကို စနစ်တကျကြိုတင်စီမံခြင်းအားဖြင့် မိသားစုလုပ်အားကို အကျိုးရှိရှိ အသုံးချနိုင်ပါမည်။ မီးဖိုချောင်စရိတ် ဖူလုံပြီး အပိုဝင်ငွေပါ ရရှိလာပါမည်။

၂။ မြေကြီး၏သဘာဝကို ထိန်းသိမ်းနည်းများ

- မြက်များသည် အပေါ်ယံမြေကြီးအာဟာရကိုစုပ်ယူနိုင်သဖြင့် မြက်ပေါက်ရောက်မှုကို စနစ်တကျ ထိန်းသိမ်းထားရမည်။

- မှိုများသည် သဘာဝမြေဆီများကို ဖြိုခွဲပေးပြီး ၎င်းတို့၏ရှင်သန်မှုအတွက် ပြန်လည်အသုံးချသည်။

- ပဲမျိုးစုံ၏ အမြစ်များရှိမြစ်ဖုများသည် လေထဲမှ နိုင်ထရိုဂျင်ကို စုပ်ယူပေးပြီး မြေကြီး၏ အာဟာရဓာတ်ကို ကောင်းစေသည်။

- တီကောင်နှင့် မြေတွင်းပိုးကောင်များသည် သဘာဝသြဂဲနစ်ပစ္စည်းများကို ဖြိုခွဲပေးသည်။ မြေကြီးကို လေဝင်လေထွက်ကောင်းစေသည်။

- သေဆုံးပြီးသတ္တဝါများသည် ဆွေးမြည့်ပြီး မြေကြီးပြန်ဖြစ်သည်။

- အပင်များအတွက် အာဟာရ ထောက်ပံ့ပေးသော အပေါ်ယံမြေလွှာသည် သြဂဲနစ်ပစ္စည်းများ ဆွေးမြည့်ခြင်းမှ ရရှိသည်။

သဘာဝဇီဝကမ္မဖြစ်စဉ်ကို လက်တွေ့အသုံးချခြင်း

- မြက်များသည်အပေါ်ယံမြေကြီးမှ အာဟာရကိုစုပ်ယူသော်လည်း မြေအစိုဓာတ်ကို ညှိပေးသည်။ ဤသဘောတရားကို အခြေခံပြီးမြက်များသည်မြေအစိုဓာတ် ထိန်းသိမ်းရာတွင် အရေးကြီးသည်။

- မှိုများသည် သဘာဝမြေဆီများကို ဖြိုခွဲပေးပြီး ၎င်းတို့၏ရှင်သန်မှုအတွက် ပြန်လည်အသုံးချသည်။ ဤသဘောတရားကို အခြေခံပြီးဆေးဖက်ဝင်စားမှိုများကို လွယ်ကူစွာ စိုက်ပျိုးနိုင်သည်။ မှိုရိတ်သိမ်းပြီးပါက သဘာဝမှိုစိုက်ဘောင်ဟောင်းများသည် မြေဆွေးအဖြစ်သုံးနိုင်သည်။

- ပဲမျိုးစုံ၏အမြစ်များမှ မြစ်ဖုများသည် လေထဲမှ နိုင်ထရိုဂျင်ကိုစုပ်ယူပေးသောကြောင့် ပဲများကို သီးလှည့်တွင် ထည့်သွင်းစိုက်ပျိုးခြင်းပြုလုပ်ရမည်။

- တီကောင်နှင့် မြေတွင်းပိုးကောင်များ၏ ဇီဝဖြစ်စဉ်ကို အသုံးချပြီး ဇီဝမြေသြဇာထုတ်လုပ်နိုင်သည်။

- သေဆုံးပြီးသတ္တဝါများဆွေးမြည့်ပြီး မြေကြီးပြန်ဖြစ်သော သဘောတရားကိုအခြေခံပြီး တီကောင်၏စားသောက်နေထိုင်မှု သဘာဝကိုအသုံးချပြီး သဘာဝသြဂဲနစ်မြေဆွေးပြုလုပ်နိုင်သည်။

- အပင်များအတွက်အာဟာရထောက်ပံ့ပေးသော အပေါ်ယံမြေလွှာသည် သြဂဲနစ်ပစ္စည်းများဆွေးမြည့်ခြင်းမှ ရရှိသည့်အတွက် အပေါ်ယံမြေလွှာ မပျက်စီးစေရန် စိုက်ပျိုးနည်းစနစ်များမှန်ကန်ရမည်။ မြေဆွေးပြုလုပ်ခြင်းကို စနစ်တကျ ဆောင်ရွက်ရမည်။ အပေါ်ယံမြေလွှာတွင်အာဟာရများ မပြတ်ဖြည့်ရန် သြဂဲနစ်ပစ္စည်း ဆွေးမြည့်စေသော နည်းအမျိုးမျိုးကို အသုံးချပြီး သဘာဝသြဂဲနစ်မြေဆွေးပြုလုပ်နိုင်သည်။

အိမ်နှင့်ကျောင်းဥယျာဉ်ခြံတည်ထောင်ခြင်းနည်းပညာများကိုအခြေခံ၍ လေ့လာခြင်းဖြင့် ဥယျာဉ်ခြံသီးနှံစိုက်ခင်းများကို မြေဧရိယာအနည်းငယ်အတွင်းပင် စနစ်တကျစိုက်ပျိုးထုတ်လုပ်တတ်မြောက်သွားမည်ဖြစ်ပြီး ပတ်ဝန်းကျင်ထိန်သိမ်းရေးအနေဖြင့် ပိုးသတ်ဆေးအန္တရာယ်ကင်းပြီး လုံခြုံစိတ်ချရသော ဟင်းသီးဟင်းရွက်များကို အချိန်တိုအတွင်း ထိရောက်သော အကျိုးရှိမှုများစွာနှင့် စိုက်ပျိုးထုတ်လုပ်နိုင်ပြီး စိုက်ပျိုးမြေများကိုပါ ပြုပြင်ထိန်သိမ်းပြီးသားဖြစ်သွားပါမည်။

နည်းပညာများကို ဒေါ်မြမြ ပါမောက္ခ(ငြိမ်း) ရေဆင်းစိုက်ပျိုးရေးတက္ကသိုလ်၏ အိမ်နှင့်ကျောင်း ဥယျာဉ်ခြံတည်ထောင်ခြင်း နည်းပညာလက်စွဲစာအုပ် မှ ကောက်နုတ်ဖော်ပြပါသည်။

အပတ်စဉ်သောကြာနေ့တိုင်း အိမ်နှင့်ကျောင်းဥယျာဉ်ခြံတည်ထောင်ခြင်းနည်းပညာများကို အစိမ်းရောင်လမ်းပရိသတ်တို့ လေ့လာနိုင်စေရန် တင်ပြပေးသွားပါမည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...