အိမ်နှင့်ကျောင်းဥယျာည်ခြံတည်ထောင်နည်း အပိုင်း(၄)

စိုက်ဘောင်များစနစ်တကျပြင်ဆင်ပြီးသော ဥယျာဉ်ခြံတွင်းစိုက်ပျိုးမည့်သီးပင်စားပင်များပြင်ဆင်ပြီးပါက ခြံစည်းရိုးပတ်ပတ်လည်တွင် အပင်ကြီးများစိုက်ဖို့ကိုလည်း လုပ်ထားသင့်သည်။

အုပ်စု (၁) ခြံစည်းရိုးပတ်ပတ်လည်တွင် ကင်ပွန်းချဉ်၊ ဆူးပုပ်၊ မန်ကျည်းရွက်၊ ကညွတ်(နှစ်ရှည်)၊ ရှောက်ပင်၊ ခွေးတောက်ရွက်။

အုပ်စု (၂) အိမ်၏ဘေးဘက်(သို့)နောက်ဘက်ကျနေအခြမ်းကို ငှက်ပျော၊ ဒန့်သလွန်၊ ပေါက်ပန်းဖြူ၊ သဘင်္ောပင်များ စိုက်ပျိုးနိုင်သည။

အိမ်နှင့်ကျောင်းဥယျာဉ်ခြံတည်ထောင်ရာတွင် အရေးကြီးတဲ့ စိုက်ပျိုးနည်းစနစ်တစ်ခုဖြစ်တဲ့ သီးလှည့် သီးညှပ်စိုက်ပျိုးခြင်းကိုလည်း မမေ့သင့်ပေ။

သီးလှည့် သီးညှပ်စိုက်ပျိုးခြင်း

သီးလှည့်စိုက်ပျိုးခြင်းဆိုသည်မှာ မတူညီသော မျိုးရင်းဝင် ဟင်းသီးဟင်းရွက်များကို တစ်ခုပြီးတစ်ခုစနစ်တကျဆက်တိုက် နှစ်နှစ် သုံးနှစ်အလှည့်ကျစိုက်ပျိုးခြင်းကို ဆိုလိုပါသည်။ ပဲပုပ်၊ ဗိုလ်စားပဲ၊ ပဲတောင့်ရှည်ကဲ့သို့သော ပဲမျိုးရင်းဝင် အပင်များနေရာတွင် ပဲမျိုးရင်းဝင်အပင်မဟုတ်သော ခရမ်းချဉ်၊ ခရမ်း၊ ရုံးပတီကဲ့သို့သော အပင်များနှင့် တစ်လှည့်စီစိုက်ပါ။ သီးလှည့်စိုက်ပျိုးခြင်းဖြင့် ဖျက်ပိုးများနှင့် ရောဂါပိုးများကိုကာကွယ်နိုင်ပြီး သင့်ဥယျာဉ်မြေကို မြေဆီသြဇာပိုမို ကောင်းမွန်စေသည်။

သီးလှည့်စိုက်ပျိုးရာတွင် နမူနာပြအနေဖြင့်

အုပ်စု(၁)။ ပဲမျိုးရင်းဝင်ပင်များ

အုပ်စု(၂)။ အမြစ်စားသီးနှံများ- မုန်လာဥနီ/ဖြူ၊ အာလူး၊ ကြက်သွန်နီ၊ ကြက်သွန်ဖြူ၊ ကြက်သွန်နီတစ်လုံးဥမျိုး၊ ကန်စွန်းဥ၊ သကြားမုန်လာ

အုပ်စု(၃)။ အရွက်စားသီးနှံများ- ဟင်းနုနွယ်၊ သကြားမုန်လာအရွက်၊ ကိုက်လန်၊ မုန်လာထုပ်၊ ပန်းမုံလာ၊ ပန်းမုံလာစိမ်း

အုပ်စု(၄)။ အသီးနှံပင်- ခရမ်းချဉ်သီး၊ ပြောင်း၊ သခွား၊ ခရမ်း၊ ဖရုံသီး၊ ဇူကီးနီ(ခေါ်)ဖရုံသခွား

စသည့် အုပ်စု (၄) စုကိုတစ်ရာသီပြီးတစ်ရာသီ အလှည့်ကျစိုက်ပျိုးနိုင်သည်။

သီးညှပ်စိုက်ပျိုးခြင်း

သီးညှပ်စိုက်ပျိုးခြင်းဆိုသည်မှာ သီးနှံနှစ်မျိုးကို မြေတကွက်ပေါ်တါင် အတူတကွ စိုက်ပျိုးထားခြင်းကိုခေါ်သည်။ ဥပမာ ဘူးနှင့် တရုတ်နံနံ၊ ဘူးနှင့် ဆလတ်၊ ပဲနှင့် ဂျူးမြစ်တို့ စိုက်ပျိုးခြင်းဖြစ်သည်။

အကျိုးကျေးဇူးများ

- စိုက်ပျိုးသောနေရာကို အကျိုးရှိရှိ အသုံးပြုနိုင်ခြင်း

- သီးနှံနှစ်မျိုးအတွက် စိုက်ထယ်ရေး၊ ထွန်ရေးကို တစ်ကြိမ်ပြုလုပ်ရုံဖြင့် ပြီးစီးနိုင်ခြင်း

- သီးနှံတစ်မျိးအတွက်ထည့်ပေးသော အာဟာရဓတ်များသည် သီးညှပ်စိုက်ပျိုးထားသော အပင်အတွက်ပါအကျိုးပြုခြင်း

- အကျိုးအမြတ် ပိုမိုရရှိခြင်း တို့ဖြစ်သည်။

မြေဖုံးပင်များစိုက်ပျိုးခြင်းဖြင့် မြေသားထိန်းသိမ်းခြင်း

သစ်ရွက်စိမ်းမြေသြဇာဆိုသည်မှာ သီးနှံပင်၏အာဟာရအတွက် သစ်ရွက်စိမ်းပင် ကြီးထွားအဆင့်တွင် ထွန်ဖြင့်မြေထဲသို့ ထိုးမြှုပ်ဖုံးအုပ်ပြီး ဆွေးမြည့်သောအခါထွန်ဖြင့်ထပ်မွှေပြီး မြေဖုံးအုပ်ပေးပါက မြေဆီသြဇာဓာတ်ကိုရရှိစေပြီး မြေသားထိန်းသိမ်းပြီးသာဖြစ်ပါမည်။

မြေကောင်းပြီး စိုက်ပျိုးရေးဧရိယာနှင့်ရေရရှိရေးအတွက် စနစ်တကျပြင်ဆင်ထားသော ဥယျာဉ်ခြံတစ်ခုဖြစ်ဖို့အတွက် အထက်ပါအချက်များသည်လည်းထည့်သွင်းရမည့် စိုက်နည်းစနစ်များပင်ဖြစ်သည်။

အရင်တစ်ပတ်က အိမ်နှင့်ကျောင်းဥယျာဉ်ခြံတည်ထောင်နည်း အပိုင်း (၃) ကိုအောက်ပါလင့်တွင်လေ့လာပါ။

အိမ်နှင့်ကျောင်းဥယျာဉ်ခြံတည်ထောင်နည်း အပိုင်း(၃)

နည်းပညာများကို ရေဆင်းစိုက်ပျိုးရေးတက္ကသိုလ် ပါမောက္ခ (ငြိမ်း) ဒေါ်မြမြ၏ အိမ်နှင့်ကျောင်းဥယျာဉ်ခြံတည်ထောင်ခြင်း နည်းပညာလက်စွဲ စာအုပ်မှ ကောက်နုတ်ဖော်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...