လူနေအိမ်ခြေစိပ်လာသည့် အင်းစိန်ရွာမရှိ ဝက်သားထုတ်လုပ်ရေးစက်ရုံ ရွှေ့ပြောင်းမည်

28/11/2019 10:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

လူနေအိမ်ခြေစိပ်လာသည့်အတွက် အင်းစိန်မြို့နယ်၊ ရွာမရပ်ကွက်၊ ကမ်းနားအနီးရှိ ဝက်သားထုတ်လုပ်ရေးစက်ရုံကို လာမည့် ၂၀၂၁ - ၂၀၂၂ ဘဏ္ဍာနှစ်တွင် ရွှေပြောင်းသွားမည်ဖြစ်ကြောင်း ရန်ကုန်မြို့တော်စည်ပင်သာယာရေးကော်မတီ တိရိစ္ဆာန်ဆေးကုနှင့် သားသတ်ရုံများဌာနမှ သိရသည်။

လက်ရှိ လှိုင်သာယာမြို့နယ်အတွင်း မွေးမြူရေးဇုန်နှင့် ကပ်လျက်ရှိနေသော မြေဧက ၁၈ ဧကပေါ်တွင် ဝက်သားထုတ်လုပ်ရေး စက်ရုံအသစ်တည်ဆောက်မည်ဖြစ်၍ ယခု ၂၀၂၀- ၂၀၂၁ ဘဏ္ဍာနှစ်၌ မြေကြီးဖို့၊ ခြံခတ်၍ လမ်းပိုင်းနှင့် အဆောက်အဦးပိုင်းများကိုလည်း တည်ဆောက်နေမည်ဖြစ်ကြောင်း သိရသည်။

“ရွာမမှာရှိတဲ့ ဝက်သားထုတ်လုပ်ရေးစက်ရုံက လူနေအိမ်တွေ နေရာထဲမှာ ရောက်နေတယ်။ အဲဒီနေရာမှာ ရေရှည်ထုတ်ဖို့ဆိုတာ မရတော့ဘူး။ ဒါကြောင့် လှိုင်သာယာကို ပြောင်းမှာဖြစ်တယ်။ ၂၀၂၁-၂၀၂၂ မှာ အကုန်ပြီး ရွှေ့ပြောင်းမှာဖြစ်တယ်” ဟု ရန်ကုန်မြို့တော်စည်ပင်သာယာရေး ကော်မတီ တိရိစ္ဆာန်ဆေးကုနှင့် သားသတ်ရုံများဌာနမှ ဌာနမှူး ဦးမင်းအောင်က ပြောသည်။

ယင်းဝက်သားထုတ်လုပ်ရေးစက်ရုံ ပြောင်းရွှေ့ပြီးစီးပါကလည်း မြေအကျယ် ၁၈ ဧကရှိသည့်အတွက် လုပ်ငန်းလုပ်ကိုင်လိုသော အခြားလုပ်ငန်းရှင်များကိုလည်း ဖိတ်ခေါ်ဆောင်ရွက်သွားမည်ဖြစ်ကြောင်း သိရသည်။ ထို့ပြင် လှိုင်သာယာမြို့နယ်၊ မွေးမြူရေးဇုန်အနီးတွင် ဝက်သား ထုတ်လုပ်ရေးစက်ရုံ တည်ဆောက်ပြီးစီးပါက ယင်းစက်ရုံမှ တစ်ရက်လျှင် ဝက်ကောင်ရေ ၉ဝဝမှ ၁ဝဝဝ ကြား ထုတ်လုပ်နိုင်မည်ဖြစ်ကြောင်း သိရသည်။

အေးအေးမြင့်(ABM)


Marlarmyaing Public Company Limited ကြော်ငြာ
ပဲခင်းထဲ ပဲမများဘဲ ပေါင်းများနေရင်တော့မဟုတ်သေးဘူးလေ။ ပေါင်းရှင်းရင်လည်း ရှင်းနည်းကလည်းမှန်ဖို့လိုသေးတယ်ဗျာ။ ပဲမျိုးစုံ၊ပဲပုတ်၊ပဲတီစိမ်း၊မတ်ပဲ၊ကုလားပဲ၊ပဲလွန်းဖြူ၊မြေထောက်ပဲတွေမှာ ကျရောက်တဲ့ တစ်နှစ်ခံနှင့်နှစ်ရှည် မြက်တွေကို သီးနှံစိုက်ပြီး (၁၀-၂၀) ရက် (သို့) ပေါင်းအရွက် (၂-၃)ထွက်ချိန်အတွင်း အမ်ကွင်း (Quizalofop-p-ethyl 10%EC) ကို အသုံးပြုနိုင်ပါတယ်။ ရွက်ပြန့်ပေါင်းတွေအတွက်ဆိုရင်တော့ သီးနှံစိုက်ပြီး (၁၄-၂၈) ရက် (သို့) ပေါင်းအရွက် (၂-၄)ထွက်ချိန် အမ်ကင်း (Fomesafen 25%SL) ကို ပက်ဖျန်းနိုင်ပါတယ်ဗျာ။ ပေါင်းသတ်ဆေး အာနိသင် ထိရောက်စေဖို့ 📌နေပြင်းချိန်မှာ ဆေးမဖျန်းဖို့ သတိပြုရပါမယ်။ 📌ဖော်ပြထားတဲ့ ဆေးညွှန်းနှုန်းထားအတိုင်းသာ အသုံးပြုပေးရပါမယ်။ မာလာမြိုင်ကတော့ တောင်သူတိုင်းပဲများနိုင်အောင် နည်းမှန်လမ်းမှန်တွေညွှန်းပေးလိုက်ပါပြီ။ တောင်သူတွေဘက်ကလည်း မှန်မှန်ကန်ကန်လိုက်နာမယ်ဆို ပဲများဝေဆာပြီး လူကြားထဲ မျက်နှာပန်းလှနေမှာပဲဗျို့။ Hotline ဖုန်းနံပါတ်☎️𝟬𝟵 𝟳𝟵𝟵 𝟵𝟵𝟯 𝟯𝟮𝟮 မှာ အသေးစိတ်မေးမြန်းနိုင်ပါတယ်
Read more Facebook page သို့သွားရန်

ဆွေးနွေးချက်များ

ဆွေးနွေးရန်