ကြက်မွေးမြူရေးကဏ္ဍ ခေတ်မီဖွံ့ဖြိုးတိုးတက်စေရန် နိုင်ငံတော်အပါအဝင် သက်ဆိုင်ရာအဖွဲ့အစည်းများ၏ ပံ့ပိုးမှုများလိုအပ်

ပြည်တွင်းရှိ ကြက်မွေးမြူထုတ်လုပ်ရေးကဏ္ဍများ ခေတ်မီဖွံ့ဖြိုးတိုးတက်လာစေရန် နိုင်ငံတော်အစိုးရအပါအဝင် သက်ဆိုင်ရာအဖွဲ့အစည်းအသီးသီးတို့၏ ပံ့ပိုးကူညီမှုများကို လိုအပ်နေကြောင်း သိရသည်။

အခုလို ကြက်သားဈေးနှုန်းတွေကျဆင်းချိန်မှာ အေးခဲထားနိုင်မယ်ဆိုရင် မလေလွင့်တော့ဘူး။ သက်ဆိုင်ရာ တာဝန်ရှိသူတွေအနေနဲ့ ပြည်ပတင်သွင်းမယ့်အစား၊ ပြည်တွင်းမှာ မွေးမြူထုတ်လုပ်တဲ့ ကြက်သားတွေကို ကြာရှည်ခံအောင် ထိန်းသိမ်းနိုင်ဖို့အတွက် အအေးခန်းစက်ရုံတွေ တည်ဆောက်ပေးတာမျိုး၊ ခေတ်မီစက်ကိရိယာနဲ့ နည်းပညာတွေ ပံ့ပိုးပေးတာမျိုး၊ လိုအပ်တာလေးတွေ ကူညီပေးစေချင်တယ်။ အအေးခန်းဆိုတာ ကြက်သားမှမဟုတ်ဘူး၊ ပြည်တွင်းမှာ ထုတ်လုပ်နေတဲ့ တခြားအသားငါးနဲ့ ဟင်းသီးဟင်းရွက်တွေအတွက်လည်း ဘက်စုံအသုံးဝင်ပါတယ်။

ဟု မြန်မာနိုင်ငံ အသားတိုးကြက်မွေးမြူထုတ်လုပ်သူများအစုအဖွဲ့ ဥက္ကဌ ဒေါက်တာကျော်ဝင်းက ပြောသည်။

COVID ဒုတိယလှိုင်းကာလအတွင်း အသားတိုးကြက်သား ခြံဖမ်းဈေး (လက်ကားဈေး) များ သိသိသာသာကျဆင်းသွားခဲ့ပြီး၊ ပြည်တွင်း၌ အအေးခန်းစက်ရုံများ လုံလုံလောက်လောက်ရှိပါက ပိုလျှံကြက်သားများကို အေးခဲထိန်းသိမ်းထားနိုင်မည်ဖြစ်သည်။

အသားတိုးကြက်သားဈေးကျတဲ့အခါ မွေးမြူသူတွေမှာ ကောင်ရေတစ်ထောင်ကို ငွေဆယ့်ငါးသိန်းလောက်အထိ အရှုံးပေါ်ပါတယ်။ အသားတိုးကြက် မွေးမြူထုတ်လုပ်ရေးမှာ အဓိကလိုအပ်နေတာတစ်ခုက Demand နဲ့ Supply (ပြည်တွင်းထုတ်လုပ်မှုနဲ့ ဝယ်လိုအား) ကို ထိန်းညှိပေးနိုင်ဖို့ပါ။ ဒီစနစ်က ပြည်တွင်းကကြက်မွေးမြူရေးကဏ္ဍ စနစ်တကျတိုးတက်ဖို့နဲ့ ကြက်မွေးမြူသူတွေကို ပံ့ပိုးကူညီရာရောက်တဲ့ အမြန်ဆုံးနဲ့အကောင်းဆုံးနည်းလမ်းလည်း ဖြစ်ပါတယ်။ ဒါကို နိုင်ငံတော်အနေနဲ့ အမြန်ဆုံးအကောင်အထည်ဖော်ပေးသင့်ပါတယ်။

ဟု ဒေါက်တာကျော်ဝင်းက ဆက်လက်ပြောသည်။

ပြည်တွင်းရှိ ကြက်မွေးမြူထုတ်လုပ်ရေးလုပ်ငန်းများ ခေတ်မီဖွံ့ဖြိုးတိုးတက်လာစေရန် ကြက်သားစားသုံးသူများ၊ လက်လီရောင်းချနေသည့် ဈေးသည်များ၊ ကြက်ဒိုင်ကြီးများ၊ စီးပွားဖြစ် (သို့မဟုတ်) တစ်နိုင်တပိုင် ကြက်မွေးမြူရေးလုပ်ကိုင်သည့် ကြက်ခြံများ၊ ကြက်မွေးမြူရေးဆိုင်ရာ ဆေးဝါးနှင့် အစာထုပ်လုပ်မှုကွင်းဆက်၊ ကြက်သားဈေးကွက်ရှိ နေ့စဉ်ခြံဖမ်းဈေးနှုန်း သတ်မှတ်ချက်များ၊ ကြက်ပေါက်ထုတ်လုပ်မှုနှင့် တင်သွင်းမှု၊ ပြည်ပမှ အေးခဲကြက်သားတင်သွင်းမှု စသည်ဖြင့် အခြေအနေအရပ်ရပ်တို့ကိုလည်း နိုင်ငံတော်အစိုးရအပါအဝင်၊ သက်ဆိုင်ရာအဖွဲ့အစည်း အသီးသီးတို့မှ စနစ်တကျသုတေသနများပြုလုပ်၍ ကိုင်တွယ်ဖြေရှင်းရမည်ဖြစ်သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကိုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ