အမြစ်ထွက်ဟော်မုန်းတွေကို ကိုယ်တိုင်လုပ်ဖို့ မခက်ပါဘူး

မျိုးကောင်းတွေ့ထားတယ်။ ကိုင်းကူးပြီးယူမယ် အိမ်မှာ ပြန်စိုက်ထားမယ်ဆိုပြီး စိတ်ကူးလေးတွေနဲ့ (၄) (၅) အိမ်ကျော်ကိုသွား ကိုင်းလေးကူးထား၊ အိမ်မှာစိုက်မယ်ဆိုပြီး ကိုင်းလေး ဖြတ်ယူလာ ဆိုတာမျိုးလုပ်ဖူးတယ်ဆိုရင်တော့ အောက်ကနည်းလမ်းလေးတွေက တကယ်ကို အသုံးဝင်မယ်ဆိုတာကို အာမခံပါတယ်နော်။

အမြစ်ထွက်စေတဲ့ဟော်မုန်းတွေကို ဘာလို့ အသုံးပြုရမလဲ

ကိုင်းကူးတဲ့အပင်တွေကနေ အပင်တွေအကုန်ထွက်တာ မဟုတ်ပါဘူး။ တစ်ချို့တစ်လေကတော့ သေကိုသေကြတာပဲ။ အဲ့တော့ (၁၀၀) စိုက်ရင် (၇၅) ပင်လောက်ရှင်ဖို့အတွက်ကို အမြစ်ထွက်ဟော်မုန်းတွေကို သုံးလာကြရပါတယ်။ အောက်မှာ ဆက်ပြောပြပေးမှာကတော့ နည်းလမ်း (၆)နည်းပါ။

နည်းလမ်း (၁)။ ။ တံတွေးစွတ်ပါ။

ကဲ ဘာလိုသေး၊ စမ်းကြည့်ပါနော်။ တံတွေးက သဘာဝကပေးတဲ့ အမြစ်ထွက်စေတဲ့ ဟော်မုန်းတစ်မျိုးဖြစ်ပါတယ်။ ဘယ်လိုအလုပ်လုပ်သလဲတော့ ပြောဖို့ခက်ပါတယ်။ ဒါပေမဲ့ လုပ်ကြည့်ပါ။ ကလေးတွေကို ခွက်တစ်လုံးထဲ တံတွေးထွေးခိုင်း၊ ကလေးထိန်းပြီးသားလည်းဖြစ်၊ ကိုယ့်အပင်တွေလည်း အမြစ်ထွက်ပြီးသားဖြစ် ဘယ်လောက်အဆင်ပြေလိုက်လဲဆိုတာ…

နည်းလမ်း (၂)။ ။ ပန်းသီးရှာလကာရည်ကိုသုံးပါ။

ပန်းသီးရှာလကာရည်မှာဆိုရင် အနည်းလိုအာဟာရဓာတ် (၃၀) ကျော်ပါဝင်ပြီးတော့ အပင်တွေကြီးထွားဖို့ အထောက်အကူ ပြုပါတယ်။ နည်းနည်းလေးပဲ သုံးဖို့အကြံပေးပါတယ်။ စကတည်းက ရှာလကာရည်က ပေါင်းသတ်ဆေးဖော်တဲ့နေရာမှာ သုံးတာပါ။ ရေတစ်ဂါလန်ကို ပန်းသီးရှာလကာရည် လက်ဖက်ရည်ဇွန်း (၃) ထည့်ပြီးတော့ ကူးမဲ့ကိုင်းတွေကို စိမ်ပေးပြီးမှ ကိုင်းကူတာက ပိုကောင်းပါတယ်။

နည်းလမ်း (၃) ။ ။ မီးဖိုချောင်ထဲသွား၊ သစ်ကြပိုးခေါက်ကိုယူ။

သစ်ကြပိုးခေါက်က မှိုတွေနဲ့ ဘက်တီးရီးယားတွေကို တိုက်ခိုက်ပေးနိုင်တဲ့ အစွမ်းရှိပါတယ်။ အဲ့တော့ အမြစ်ထွက်တဲ့ချိန်မှာ ကာကွယ်ပေးနိုင်တာပေါ့။ အစွမ်းကို (၂) ဆ တင်ချင်ရင်တော့ တံတွေးလေးနဲ့ ရောလိုက်ပါ။ သစ်ကြပိုးခေါက်က အပင်တွေ နွမ်းတာကို ကာကွယ်ပေးနိုင်ပါတယ်။

နည်းလမ်း (၄)။ ။ ပျားရည်

ပျားရည်နဲ့ လုပ်တာကတော အဆင့် (၃) ဆင့်ရှိပါတယ်။ ရေ (၂) ခွက်ကို ပွက်အောင်တည်၊ ပျားရည် တစ်ဇွန်းထည့်၊ ပြီးတော့ လေလုံဘူးထဲ အအေးခံပြီး အလင်းရောင်မရှိတဲ့နေရာမှာ (၂) ပတ်လောက်ထားပြီးတော့မှ သုံးရမှာပါ။ ဘက်တီးရီးယားတွေကို ဆန့်ကျင်နိုင်တဲ့ အစွမ်းလည်းရှိတာမို့ ကိုင်းတွေကို စိမ်ပြီးတော့ သုံးရမှာပါ။

နည်းလမ်း(၅)။ ။ အက်စပရင်ကို သုံးပေးပါ။

ဆေးဆိုင်ကနေဝယ်လာပြီး အမှုန့်ကြိတ် ရေဖျော်ပြီး သုံးပေးရမှာဖြစ်ပါတယ်။ အဲ့ဒါကတော့ ဆေးနဲ့ဆိုတော့ သဘာဝတော့ မဟုတ်တော့ဘူးပေါ့။

နည်းလမ်း(၆)။ ။ မိုးမခလက်ဖက်ရည်။

မိုးမခပင် ကိုင်းလေးတွေယူမှာဆိုတော့ အရွက်တွေကိုချွေထားပါ။ ၁ လက်မလောက်အပိုင်းလေးတွေဖြစ်အောင် လှီးဖြတ်ထားပါ။ ဖန်ပုလင်းထဲကိုထည့်ပြီး ပွက်နေတဲ့ ရေနွေးလောင်းပေးပါ။ ရေက ၃ပုံ ၂ပုံ၊ ကိုင်းတွေ ၃ ပုံ ၁ ပုံထည့်ပေးပါ။ ၂၄ နာရီကြာရင် အရည်ကိုစစ်ယူပါ။ ပြီးတော့ သုံးလို့ရပါပြီ။ စိတ်တိုင်းကျဆို နေရောင်ထဲ (၃) ရက်လောက် လှန်းထားလို့လည်းရပါတယ်။

သုံးနည်းကတော့ ရေတစ်ဝက်၊ ခုဏက မိုးမခပင်လက်ဖက်ရည်တစ်ဝက် ထည့်ပြီးတော့ မစိုက်ခင်မှာ စိမ်ထားပေးရမှာဖြစ်ပါတယ်။ နာရီတော်တော်ကြာအောင် စိမ်ထားပေးမှ ကိုင်းထဲကို စိမ့်ဝင်မှာဖြစ်ပါတယ်။ စိုက်လိုက်ပြီဆိုရင်လည်း (၂) ခါလောက်တော့ မိုးမခပင်ရေ လောင်းပေးလိုက်ရင် အပင်မြန်မြန်ထွက်ပြီး သန်မာစေပါတယ်။

ကဲ ကိုင်းကူးကြမဲ့ ညီအကိုမောင်နှမများ အကျိုးထူးကြပါစေ။

ထွန်းဝင်းကျော်

Reference : https://preparednessmama.com/natural-rooting-hormone/?fbclid=IwAR11jSAcrNyL9UwzTiWBfAMo2tfzpzkVglqfGoeXnBhk9jyZt1DfOR3gbKs

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...