မြေပဲပင်အတွက် အာဟာရလိုအပ်ချက်

မြေပဲစိုက်ကြတဲ့ တောင်သူဦးကြီးတွေဟာ ဆိုရင် လိုအပ်တဲ့ အာဟာရတွေကို အပင်လိုအပ်တဲ့ အချိန်မှာ ထည့်ပေးနိုင်ရင် အကောင်းဆုံးအထွက်ကိုရမယ်။ အလုံးလှလှ ကြီးကြီးမြေပဲတွေ ရလာအောင်လို့ ဘာတွေလိုက်နာသင့်တာလဲဆိုတာကို ဦးလေးကြီးက နည်းနည်း လေရွှီးမလို့……

နိုက်ထရိုဂျင် (N)

ပဲမျိုးရင်းဝင်အပင်တွေ အထူးသဖြင့် မြေပဲလိုမျိုး အပင်လေးတွေက နိုက်ထရိုဂျင်ကို ကိုယ့်ဘာသာရနိုင်တာဖြစ်ပါတယ်။ အဲ့တော့ တစ်ခြား ထပ်ထည့်ဖို့ကတော့ လိုအပ်မှာတော့ မဟုတ်ပါဘူး။ ထပ်မထည့်နဲ့ လို့တော့ ပြောတာမဟုတ်ပါဘူးနော်။ တော်ကြာ ဦးလေးကြီးကြောင့် မထည့်တော့ပါဘူးဆိုတာ ဖြစ်နေဦးမယ်။ မြေအမျိုးအစားကိုကြည့််ပြီးတော့ ထည့်သင့် မထည့်သင့် ကို ချိန်ဆပြီးတော့ ထည့်ပေးရမှာပါ။

ဖော့စဖောရပ်စ် (P) နဲ့ ပိုတက်စီယမ် (K)

အကောင်းဆုံးကတော့ မြေကိုစစ်လိုက်တာပါပဲ။ မြေကြီးကို စစ်ပြီးတော့မှ ပြင်စရာရှိတာတွေ ပြင်လိုက်မယ်ဆိုရင်တော့ မြေပဲတွေက တကယ်ကိုအောင်မြင်မှာပေါ့။ မလုပ်နိုင်သေးဘူး အလှမ်းဝေးတယ်ဆိုရင် ကျောက်မှုန့်လေးတော့ မြေခံမှာထည့်ပေးပါ။  သဘာဝမြေဆွေးတွေ ထည့်ပေးတာမျိုး နဲ့ မြေကို ပြင်ပေးလို့ရပါတယ်။ ပုံမှန်ထည့်နေကျအတိုင်း ထည့်ပေးနိုင်ပါတယ်။

ကဲလာပါပြီဗျာ အရေးကြီးတဲ့ အပိုင်း

ကယ်လ်စီယမ် (Ca)

အပင်ကတော့ ကြီးလာမယ်။ ကယ်လ်စီယမ် ကိုထည့်မကျွေးထားဘူးဆိုရင် အညှာတော့ အောက်ကိုဆင်းသွားမယ် အဆန်ပါတဲ့ အစေ့တောင့်တောဖြစ်လာမှာ မဟုတ်ပါဘူး။ မြေထဲမှာ မြေပဲရဲ့ မြစ်ဆွယ်လေးတွေ ဆင်းတဲ့ ဧရိယာမှာ ကယ်လ်စီယမ်တွေရှိနေမှပဲ မဂ္ဂနီစီယမ်(Mg) နဲ့ ပိုတက်ရှိ(P) ကို စုပ်ယူနိုင်မှာမို့ပါတဲ့။ အဲ့လို စုပ်ယူနိုင်လေလေ ကိုယ့်ရဲ့ အသီးတောင့်ကြီးပြီးတော့ အစေ့အဆန်အောင်လေလေ ဖြစ်မှာပါ. အဲ့တော့ အပင်လေးတွေရဲ့ သီးညှာ ဆင်းတဲ့ အချိန်မှာ ကယ်လ်စီယမ် (Ca) ကို မဖြစ်မနေ ထည့်ကိုထည့်ပေးရမှာပါ။

ဘယ်လိုထည့်ရမလဲဆိုတော့ မြေချဉ်ငံကိန်းကို ထိန်းပေးနိုင်အောင်ထည့်တဲ့ ထုံး၊ ဂျစ်ဆန် (ကျောက်မှုန့်) စတာတွေကို ထည့်ပေးလို့ရပါတယ်။ မြေခံ ဖြစ်ဖြစ် အပင်စိုက်ပြီး ၃၀ ကနေ ၄၅ ရက်သားမှာဖြစ်ဖြစ်ထည့်ပေးတာမျိုးလုပ်ပေးပါ။

ဘိုရွန် (B)

ဘိုရွန် ကတော့ နောက်ထပ် အရေးကြီးတဲ့ အာဟာရ တစ်မျိုးဖြစ်ပါတယ်။ သူချို့တဲ့တဲ့အခါကျတော့ အသီးတောင့်တွေထဲ အစေ့အဆန် မအောင်တာမျိုး အရသာ မကောင်းတာမျိုး စတာတွေဖြစ်တတ်ပါတယ်။ အဓိက တရားခံ က သူပါနော်။

မန်းဂနိစ့်(Mn)

ချို့တဲ့တဲ့ အခါ အရွက်တွေမှာ လက္ခဏာတွေကို အရင်ဆုံးတွေ့ရမှာပါတဲ့ဗျာ။ အရွက်တွေကတော့ အရောင်ဖျော့သွားမယ်။ ဒါပေမဲ့ ရွက်ကြောတွေကတော့ ပိုတောင်စိမ်းလာမယ်တဲ့။ အဲ့နောက်ကနေ စပြီးတော့ အပင်တွေက ဖိအားတွေ ခံရပြီးတော့ အစေ့အဆန်ကိုထိခိုက်စေတာပေါ့။ မြေချဉ်ငံကိန်းမြှင့်တဲ့ ဆားပေါက်မြေတွေ ဆပ်ပြာပေါက်တဲ့မြေတွေမှာ မန်းဂနိစ့် ချို့တဲ့တာကို အများဆုံးတွေ့ရမှာဖြစ်ပါတယ်။ အဲ့လိုမြေတွေမှာ စိုက်ထားမိတယ်ဆိုရင်တော့ အပိုထပ်ထည့်ပေးဖို့ မမေ့ပါနဲ့။
ခုပြောပြပေးတာက အရေးကြီးတဲ့ အဓိက အချက်လေးတွေလောက်ပါပဲ။ သူတို့ကိုသာ ကောင်းကောင်းဂရုစိုက်ပေးရင် ကျန်တဲ့ အချက်တွေကတော့ အေးဆေးမှာပါ။ အဆင်ပြေကြပါစေဗျာ။

Reference - https://www.southernstates.com/articles/nutrient-management-peanuts.aspx?fbclid=IwAR1XEbzBHlUJWWcM9vWiYTd8FbPBx64wkqLMRfLJQc1VdOdB0MFA_FwDjmo

Htunn Win Kyaw

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်