ပဲတောင့်ရှည်တွင်ကျရောက်တတ်သော ပိုးမွှားများ (၃)

ပဲပင်စည်ထိုးယင်

ဖျက်ဆီးပုံလက္ခဏာများ

• နူးညံ့သည့်အရွက်များ တွဲလျောင်းကျနေကာ အဝါရောင်ပြောင်းသွားကြသည်။ ပဲပင်ငယ်များ ဆိုးဝါးစွာဖျက်ဆီးခံရသည်။ 
• ယင်လောက်ကောင်နှင့် ရုပ်ဖုံးရှိသောပင်စည်များ ပွယောင်းလာပြီး အရိုးသာကျန်တော့သည်။
• အပင်အိုများ ပုလာသော်လည်း မသေပါ။

ဖျက်ပိုး၏ဝိသေသလက္ခဏာများ

• ဥဘဝမှာ ၃ ရက်ခန့်ကြာသည်။
• လောက်ကောင်ဘဝမှာ ၅-၆ ရက်ကြာသည်။ ရုပ်ဖုံးကာလ ၈-၉ ရက်ကြာသည်။ 
• အရွယ်ရောက်ကောင်သည် သေးငယ်သော ယင်နက်နှင့်တူသည်။ အမသည် ဥ ၃၈-၇၉ ခန့် ကို ပဲသီးများ သို့မဟုတ် ပန်းဖူးများပေါ်တွင် တစ်လုံးချင်းအုသည်။ 

ကာကွယ်နှိမ်နင်းခြင်း

    မျိုးစေ့တစ်ကီလိုဂရမ်ကို ကလိုပိုင်ရီဖော့စ် (Chlorpyriphos) ကို ဆေးဘူး/အိတ်ပါ အညွှန်းစာအတိုင်း လူးနယ် စိုက်ပျိုးပါ။ အောက်ပါဆေးတစ်မျိုးမျိုးကို ဆေးဘူး/အိတ်ပါ အညွှန်းစာအတိုင်း အသုံးပြုပါ။

• ကာဘာရိုင်းလ် (Carbaryl) ကို 
• အင်မီဒါကလိုပရစ်ဒ် (Imidacloprid) 
• တမာစေ့ခွံစစ်ကျရည် (Neem Seed Kernel Extract) 

ယင်ဖြူ

ဖျက်ဆီးပုံလက္ခဏာများ

• အသီးများတွင် အနက်စက်များတွေ့ရသည်။
• အသီးစိမ်းများကြွေကျသည်။
• တွန့်ရှုံ့သော ပဲစေ့များနှင့်အတူ အဆံမအောင်သောအသီးများကို တွေ့ရသည်။

ဖျက်ပိုး၏ဝိသေသလက္ခဏာများ

• ညိုနက်ရောင်ရှိကာ စက်ဝိုင်းခြမ်းပုံရှိသည်။
• အကောင်ငယ်များသည် ညိုနက်ရောင်ပုရွက်ဆိတ်များနှင့် တူသည်။

ကာကွယ်နှိမ်နင်းခြင်း

    အောက်ပါပိုးသတ်ဆေးတစ်မျိုးမျိုးကို ပိုးသတ်ဆေးဘူး/အိတ်ပါ အညွှန်းစာပါအတိုင်းသုံးပါ။ 

• ဒိုင်မီသိုအိတ် (Dimethoate)
• အင်မီဒါကလိုပရစ်ဒ် (Imidacloprid)
• သိုင်ယာမက်သိုဇင် (Thiamethoxam)

ဒေါက်တာကိုကို (စိုက်ပျိုးရေး) 

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်