ကိုင်းကူးကိုင်းဆက်ပင်များနှင့် စင်တင်စိုက်သီးနှံများ...

ကိုင်းကူးကိုင်းဆက်မျိုးပွားနည်းဆိုသည်မှာ အမြစ်စဉ်ကောင်းမွန်၍ စိုက်ပျိုးမည့် ရေမြေနှင့် သင့်တော်သည့်မျိုးကွဲကို အောက်ခံပင်အဖြစ်ထား၍ အသီးအရည်အသွေး မြင့်မားသည့်မျိုးကို အပေါ်မှ အဖူးကိုင်းအဖြစ် ကိုင်းဆက်ပေးခြင်းဖြစ်သည်။ ကိုင်းကူးကိုင်းဆက်နည်းဖြင့် မျိုးပွားရာတွင် အောက်ခံပင်နှင့် အဖူးကိုင်းမျိုးတို့ကို သီးခြားစိုက်ပျိုးရမည်။ ဤနည်းဖြင့် မျိုးပွားရာတွင် အောင်မြင်မှု အများဆုံး ရရှိစေရန် အတွက်စွတ်စိုသော မိုးရာသီနှင့် အပင်တွင်းရေဓာတ် အများဆုံးရှိချိန်တွင် ဆောင်ရွက်ရမည်။ ကိုင်းကူးကိုင်းဆက်နည်းဖြင့် စိုက်ပျိုးရသောသီးနှံပင်များမှာ သရက်၊ ဒူးရင်း၊ မင်းကွတ်၊ သစ်တော်၊ စပျစ်သီး၊ လိမ္မော်၊ ကမ္ဗလာ၊ သစ်သော့၊ ပန်းသီး စသည်တို့ ဖြစ်သည်။

ကိုင်းကူးကိုင်းဆက်စိုက်ပျိုးနိုင်သော သီးနှံများ

စင်တင်စိုက်ပျိုးရာတွင် သီးနှံများကို  ၎င်းတို့၏ ကြီးထွားမှုပုံစံနှင့်လျော်ညီစွာ ပြုစုပျိုးထောင်ပေးရန်လိုအပ်ပါသည်။ ပင်စည်မှာပျော့ ပြီးနွယ်တက်တတ်သော သီးနှံများကို တိုင်ထောင်ပေးခြင်း သို့မဟုတ် စင်ပြုလုပ်ပေးပြီး နွယ်တက်နိုင်စေရန် ပြုလုပ်ပေးရပါသည်။ စင်တင်ပေးရာတွင် သစ်၊ ဝါး နှင့် ဝါယာ ကြိုးများကို အသုံးပြုရသည်။ စင်တင်သီးနှံများစိုက်ပျိုးရာတွင် စင်အတွက် လိုအပ်သော စရိတ်ကို လျှော့ချနိုင်ရန်အတွက် ကြီးမြန်သစ်ပင် နှင့် ဝါးတို့ကို ခြံစည်ရိုးတွင် တွဲဖက်စိုက်ထားသင့်သည်။ ကြီးမြန်သစ်ပင်များ စိုက်ထားခြင်းဖြင့် သီးနှံများတွင် ကျရောက်သည့် ဖျက်ပိုးများအား စားသာက်နိုင်သည့် ငှက်များနားနေနိုင်ခြင်းကြောင့် ဖျက်ပိုးများကျရောက်မှု သက်သာကာ ပိုးသတ်ဆေးသုံးစွဲရမှုကို လျော့ကျစေနိုင်သည်။ သီးနှံစိုက်ပျိုးသောတောင်သူလယ်သမားများ ကြီးမြန်သစ်ပင်များကို မဖြစ်မနေစိုက်ပျိုးရန် လိုအပ်ပါသည်။

စင်တင်စိုက်ပျိုးနိုင်သော သီးနှံများ

စင်တင်စိုက်ပျိုးနိုင်သော သီးနှံအမျိုးအစားများထဲမှ အချို့ကို အောက်ပါပုံထဲတွင် ကြည့်ရှုနိုင်ပါ သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်