ဘောင်တင်စိုက်ပျိုးရသော သီးနှံများနှင့် နှစ်ရှည်စိုက်ပျိုးရသော သီးနှံများ

ဘောင်တင်စိုက်ပျိုးရသောသီးနှံများ

ရေဝပ်ဒဏ်မခံနိုင်သော သီးနှံပင်များကို မိုးရာသီတွင် ကောက်ဖော်၍ စိုက်ပျိုးရသည်။ ရေစိမ့်ဆင်းမှု မကောင်းသောမြေများတွင်လည်း ဘောင်ဖော်၍ စိုက်ပျိုးရသည်။ ဘောင်၏အမြင့်ကို မြေ၏ အခြေအနေနှင့် မိုးရေချိန် အနည်းအများပေါ်မူတည်၍ သတ်မှတ်ရသည်။ မိုးများပါက ဘောင်ကို မြင့်မြင့်ဖော်၍ စိုက်ပျိုးရသည်။ မိုးနည်းပါက ဘောင်အမြင့်ကို အသင့်အတင့် ဖော်၍ စိုက်ပျိုးရသည်။ ဘောင်ဖော်၍ စိုက်ပျိုးရာတွင် မြေကို ပို၍မွအောင် ပြုပြင်ရသဖြင့် သီးနှံပင်ျား၏ အမြစ်စဉ်ဖွံ့ ဖြိုးရန် အထောက်အကူ ဖြစ်စေပါသည်။ ဘောင်ပြုပြင်ရာတွင် သီးနှံအကြွင်းအကျန်များ ကောက်ရိုးများတင်၍ မီးရှို့ခြင်းဖြင့် မြေတွင်းအောင်း ဖျက်ပိုးများနှင့် မြေဆောင်ကရာဂါများ ကာကွယ်ပေးနိုင်သည့် အကျိုးထူးများ ရရှိနိုင်သည်။ ဤသို့ဆောင်ရွက်ခြင်းကို မိရိုးဖလာနည်းအရ ပုရစ်ဖုတ်ခြင်းဟု ခေါ်သည်။ ဘောင်ဖြင့် စိုက်ပျိုးခြင်းသည် ဥစားနှင့် အမြစ်စားဟင်းသီးဟင်းရွက်များအတွက် ပို၍သင့်တော်ပါသည်။

နှစ်ရှည်ပင်များစိုက်ပျိုးခြင်း

နှစ်ရှည်ပင်များကို ရေရှည်အကျိုးစီးပွားဖြစ်ထွန်းစေရန်အတွက် စိုက်ပျိုးကြပါသည်။ အဓိက နှစ်ရှည်ပင်များမှာ လက်ဖက် ၊ ရာဘာ၊ ဆီအုန်း၊ ကော်ဖီ၊ ကိုကိုး နှင့် အုန်း စသည့်အပင်များဖြစ်ပါသည်။ နှစ်ရှည်ပင်အများစုမှာ စက်မှုကုန်ကြမ်းသီးနှံပင်များဖြစ်ကြသည်။ နှစ်ရှည်ပင်များစိုက်ပျိုးရာတွင် ရေ၊ မြေ နှင့်သင့်တော်သော မျိုးကောင်းမျိုးသန့်နှင့် ကြီးထွားသန်စွမ်းသော ပျိုးပင်ကို ရွေးချယ်စိုက်ပျိုးရန်ပို၍ အရေးကြီးပါသည်။ အောင်မြင်သောနှစ်ရှည်ပင် စိုက်ခင်းများတွင် အပင်ဟောင်းများကိုဖယ်၍ အပင်သစ်များ စဉ်ဆက်မပြတ်စိုက်ပျိုးနိုင်ရေး အတွက် စနစ်တကျထူထောင်ထားသည့် ပျိုးဥယျာဉ် တစ်ခုလိုအပ်သည်။ နှစ်ရှည်ပင်များ စိုက်ပျိုးရာတွင် စတင်ထုတ်လုပ်နိုင်သည့် သက်တမ်းသို့မရောက်မီ အကျိုးအမြတ်ရရှိစေရန်အတွက် ပဲမျိုးစုံကဲ့သို့ မြေဆီလွှာကို အကျိုးပြုစေသော သီးနှံများကို သီးညှပ် စိုက်ပျိုးပေးရမည်။ နှစ်ရှည်ပင်စိုက်ပျိုးရာတွင် ခြောက်သွေ့ရာသီ၌ ဖြစ်ပါ်တတ်သော မီးဘေးအန္တရာယ်မှ ကာကွယ်ရန် စနစ်တကျ မီးတားလမ်းများဖောက်လုပ်ထားရန် အရေးကြီးသည်။ မြေဩဇာကျွေးခြင်း၊ ခြောက်သွေ့ရာသီတွင် အစိုဓာတ်ထိန်းသိမ်းခြင်း၊ ပိုးမွှားရောဂါ စနစ်တကျ ကာကွယ်ခြင်းတို့ ဆောင်ရွက်ပေးရမည်။

Crd# ရေဆင်းစိုက်ပျိုးရေးတက္ကသိုလ်

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...