အာဖရိက၀က် အပြင်းဖျားရောဂါ ကြိုတင် ကာကွယ်ရေး သတိပေး နှိုးဆော်ချက်

၁။ အာဖရိက၀က် အပြင်းဖျားရောဂါသည် ပြည်ထောင်စု သမ္မတ မြန်မာနိုင်ငံတော်နှင့် နယ်နိမိတ်ချင်း ထိစပ်လျှက် ရှိသည့် တရုတ်ပြည်သူ့ သမ္မတနိုင်ငံ၏ ယူနန်ပြည်နယ် အပါအ၀င် တရုတ်ပြည်သူ့ သမ္မတနိုင်ငံ အ ရှေ့မြောက်ပိုင်း ဒေသ၊ အလယ်ပိုင်း ဒေသနှင့် အရှေပိုင်းဒေသတို့ရှိ ပြည်နယ် အချို့ရှိ ၀က်ခြံပေါင်း ၁၀၄ ခြံတွင် ရောဂါပျံနှံ ဖြစ်ပွားခဲ့ပြီး ၀က်ကောင်ရေ ၉၅၀၀၀၀ အားသုတ်သင် ရှင်းလင်း ခဲ့ရသောကြောင့် မိမိနိုင်ငံရှိ ၀က်ခြံ များကို လည်း အာဖရိက ၀က်အပြင်ဖျားရောဂါ ကူးစက်ပျံနှံမှု မရှိစေရေး အတွက် မွေးမြူရေးခြံများ၏ ဇီ၀လုံခြုံမှုကို စနစ်တကျ မြှင့်တင်ရန် လိုအပ်ပါသည်။ အာဖရိက ၀က်အပြင်းဖျား ရောဂါ ကြိုတင်ကာကွယ်နိုင်ရန် အ တွက် အောက်ပါအတိုင်း လိုက်နာဆောင်ရွက်နိုင်ပါရန် အသိပေး နှိုးဆော်အပ်ပါသည်။

(က) ၀က်မွေးမြူရေးခြံများ၏ ဇီ၀လုံခြုံမှုကို အထူးဂရုပြုဆောင်ရွက်ရန် ၊

(ခ) ၀က်ခြံများနှင့် သားငါးဈေးများတွင် စနစ်တကျ ပိုးသတ်ဆေး ဖျန်းခြင်း၊ ပုံမှန် ပြုလုပ်ဆောင် ရွက်ရန်၊

(ဂ) အိမ်မွေး၀က် များကို အပူ အပြင်းပြင်းဖြင့် ချက်ပြုတ်ထားခြင်း မရှိသော စားသောက်ဆိုင် များမှ စားကြွင်း / ကျန် ကျွေးခြင်း မပြုလုပ်ရန်၊

(ဃ) အခြားခြံမှ အသုံးအဆာင် ပစ္စည်းများ ငှားရမ်းသုံးစွဲခြင်း မပြုရန်နှင့် လူအ၀င်အထွက် ထိန်း ချုပ်ရန်၊

(င) အသက်အရွယ်တူ ၀က်များကိုသာ အတူတူမွေးမြူရန် ၊ အပူချိန် စိုထိုင်းဆ၊ လေ၀င်လေ ထွက် ကောင်းမွန်စေရန်၊

(စ) ရောဂါ ကင်းရှင်းကြောင်း စိတ်ချရသောခြံမှ ၀က်များကို ၀ယ်ယူ မွေးမြူရန်၊ ၀ယ်ယူသည့် ၀က်များကို မိမိခြံရှိ ၀က်များနှင့် မရောမီ သီးသန့်ခွဲခြားထား၍ ရောဂါကင်းရှင်းမှ မွေးမြူ ရန် ၊

(ဆ) ပြည်ပမှ တရားမ၀င် တင်သွင်းလာသော ၀က်အရှင်နှင့် ၀က်ထွက်ပစ္စည်းများ ဖြစ်သည့် ၀က်သား၊ အေးခဲ၀က်သား ၊ ၀က်ပေါင်ခြောက် ၊ ၀က်အူချောင်း နှင့် အခြား၀က်ထွက် ပစ္စည်းများ တင်သွင်းခြင်း ၊ ရောင်းချခြင်း ၊ စားသုံးခြင်း မပြုရန် ၊

(ဇ) တော၀က်နှင့် အိမ်မွေး၀က်များ ရောနှောထိတွေ့ခြင်းမှ ကာကွယ်ရန် ၊

(ဈ) တော၀က်နှင့် အိမ်မွေး၀က်များ ပုံမှန်မဟုတ်ဘဲ ရုတ်တရတ် သေဆုံးပါက နီးစပ်ရာ အုပ်ချုပ်ရေး အဖွဲ့ ၊ မွေးမြူရေး နှင့် ကုသရေး ဦးစီး ဌာန ၊ မြန်မာနိုင်ငံ မွေးမြူရေး လုပ်ငန်းအဖွဲ့ လုပ်ငန်း အဖွဲ့ထံသို့ ချက်ချင်း သတင်းပို့ရန် ၊

(ည) ရောဂါကြိုတင် ကာကွယ်ရေးနှင့် ရောဂါစူးစမ်း ရှာဖွေခြင်း လုပ်ငန်းများတွင် သက်ဆိုင်ရာဌာန ၊ အဖွဲ့အစည်းများနှင့် ပူးပေါင်း ပါ၀င် ဆောင်ရွက်ရန် ။

မွေးမြူရေး နှင့် ကုသရေးဦးစီးဌာန

စိုက်ပျိုးရေး ၊ မွေးမြူရေးနှင့် ဆည်မြောင်း၀န်ကြီးဌာန

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

အာဖရိက၀က် အပြင်းဖျားရောဂါ ကြိုတင် ကာကွယ်ရေး သတိပေး နှိုးဆော်ချက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

အာဖရိက၀က် အပြင်းဖျားရောဂါ ကြိုတင် ကာကွယ်ရေး သတိပေး နှိုးဆော်ချက်

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

မွေးမြူရေး ဆိုင်ရာ နည်းပညာ ရယူရန် အသိပေး ဖိတ်ခေါ်ခြင်း

ရန်ကုန်မြစ်အတွင်း တရားမဝင်ငါးဖမ်းဆီးခြင်းကို တားမြစ်ခြင်း

{{ post.title }}