စပါးပင်တွင်ပိုတက်ဆီယမ် ချို့တဲ့လက္ခဏာနှင့် ပြုပြင်ကုစားနည်းများ

စပါးတွင် K (ပိုတက်ဆီယမ်)ဓာတ်ချို့တဲ့လျှင် အစာချက်လုပ်မှုနှောင့်နှေးစေ၍ အပင်ကြီးထွားမှုကို ထိခိုက်စေသည်။ ထို့ကြောင့် K ဓာတ်ချို့တဲ့မှုသည် စပါးပင်သက်တမ်းတလျှောက် ကြီးထွားမှုအဆင့်တိုင်းအတွက် အလွန်အရေးပါသည်။

အောက်ပါအခြအနေများတွင် K ချို့တဲ့မှုအဖြစ်များသည်။

N မြေသြဇာအလွန်အကျွံသုံးခြင်း (သို့) N နှင့် P သာ ကျွေးပြီး K ဓာတ်လုံလောက်အောင်မထည့်ပေးသည့်အချိန်
တိုက်ရိုက်မျိုးစေ့ချစိုက်ခင်းတွင် အပင်ကြီးထွားသည့်အဆင့် အစောပိုင်း၌ အပင်ဦးရေများပြီး အမြစ်များ တိုနေသေးသည့်အချိန်
စပါးမျိုး တခုနှင့် တခု K ဓာတ် ချို့တဲ့မှုကို ခံနိုင်ရည်ရှိမှုကွာခြားချိန်

လက္ခဏာ

စပါးပင်မကြီးထွားဘဲ ပင်ပွားအနည်းငယ် လျော့နည်းသည်။ အရွက်များငိုက်ကျပြီး အစိမ်းပုပ်ရောင် အရွက်များတွေ့ရှိရသည်။ အောက် အရွက်ရင့်များတွင် ထိပ်ဖျားမှစ၍ ရွက်လယ်ကြောတစ်လျှောက် အဝါရောင်များဖြစ်ခါ နောက်ဆုံး၌ ခြောက်၍ အညိုဖျော့ရောင် ပြောင်းသွားသည်။ အစိမ်းရင့်ရောင် အရွက်ပေါ်တွင် အညိုရောင် အစက်အပျောက်များ တခါတရံ တွေ့ရှိရသည်။ စပါးနှံပေါ်တွင် ပုံမမှန် တစ်သျုးသေရာမှဖြစ်သော အရွက်များဖြစ်ပေါ်၍ ၊ အနှံသေး၊ ရှည်ဖြစ်နေသည်။ တစ်ခါတရံ ပိုတက်စီယမ် နှင့် နိုက်ထရိုဂျင် အချိုးအစားမညီခြင်း (K များပြီး N နည်း) ပါက အပင်များညှိုးသေသည်။

ပြုပြင်ရန်နည်းလမ်း

မိမိ ဒေသတွင်ရှိသည့် ပိုတက်စီယမ်ဓာတ်ရရှိနိုင်သော အရင်းအမြစ်များကို စိစစ်၍ ခန့်မှန်းပါ။
အမြစ်များသန်မာပြီး ပိုတက်စီယမ်စုပ်ယူမှုအားကောင်းစေရန် ထယ်ရေးနက်အောင် ဆောင်ရွက်ပါ။
မိမိဒေသ နှင့်ကိုက်ညီသည့် မျိုးကောင်းမျိုးသန့်မျိုးစေ့ကို အသုံးပြု၍ သင့်တော်သော အပင်ဦးရေသာစိုက်ပျိုးကာ ၊ ရေသွင်းရေထုတ် စနစ်တကျပြုလုပ်ပါ။
ရိုးပြတ်များကို ထယ်ထိုးမြေမြှုပ်ပေးပါ။ အကယ်၍ ရိုးပြတ်များကို မီးရှို့ခြင်းကိုသာ လုပ်ဆောင်နိုင်မည့် အခြေအနေဖြစ်ပါက တနေရာထည်းတွင် မရှို့ဘဲ တကွက်လုံးအနှံ့ ဖြန့်ပုံပေးပြီးမှ မီးရှို့ပေးခြင်းဖြင့် ပြာများကို အညီအမျှရအောင် လုပ်ပေးပါ၊
N နှင့် P ဓာတ်မြေသြဇာများ နှင့် အတူ အနည်းလို အာဟာရဓာတ်များပါ မချို့တဲ့စေရန်ထည့်သွင်းပါ။ K ဓာတ်မြေသြဇာ၊ သစ်ဆွေးမြေသြဇာများ (သို့) အခြားပစ္စည်းများဖြစ်သည့် ( စပါးခွံ၊ ဖွဲပြာ၊ မြေဆွေး) များကိုပါ ထည့်သွင်း၍ ရိတ်သိမ်းသီးနှံနှင့်အတူ ဆုံးရှုံးသွားသော K ဓာတ်ကိုပြန်လည်ဖြည့်တင်းပေးပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။