ခရမ်းချဥ်ရွက်တွေနဲ့ ပိုးမွှား‌တွေကိုနှိမ်နင်းကြမယ်

   ကျွန်တော်တို့တွေ ခရမ်းချဥ်ပင်စိုက်တာဟာ အသီးရဖို့ပဲဖြစ်ပြီး အရွက်တွေကိုတော့ စွန့်ပစ်ကြပါတယ်။ အခုကတော့ အရွက်တွေကိုပါအကျိုးရှိရှိ သုံးလို့ရမဲ့ နည်းလမ်းလေးကို မျှဝေပေးမှာပါ။ ဘယ်လိုသုံးမှာလဲဆိုရင်တော့ ပိုးသတ်ဆေးရည်အဖြင့် ဖော်စပ်သုံးရမှာပါ။

   ကုန်ကျစရိတ်သက်သာပြီး လွယ်လွယ်ကူကူဖော်စပ် ပြုလုပ်နိုင်သောနည်းလမ်းလေးမို့ မိတ်ဆွေတို့ကို မျှဝေပေးချင်ပါတယ်။

၁။ လိုအပ်သော ပစ္စည်းများ

- ခရမ်းချဥ်ရွက် (၆၀) ကျပ်သား

- ခရမ်းချဥ်အရိုးနဲ့ အသီး (လက်တစ်ဆုပ်စာ)

- ရေ(၄)လီတာ (ရေသန့်ဗူး ၄ ဗူး)

- ဆပ်ပြာ တစ်ဇွန်း

၂။ ပြုလုပ်နည်း

 - ခရမ်းချဥ်ရွက် (၆၀)ကျပ်သားကို ရေ (၂)လီတာ ရော၍ မိနစ်(၃၀) ကြာ ကြိုပါ

- ထို့နောက် ခရမ်းချဥ် အရိုးနဲ့အသီး (လက်တစ်ဆုပ်စာ)ကို ထည့်ပါ

- ရေ(၂)လီတာ ထပ်ထည့်၍မွှေပါ

- (၆)နာရီကြာ ထားပြီး ဆပ်ပြာ တစ်ဇွန်းထည့်၍မွှေပါ

- ထို့နောက် အရည်စစ်ထုတ်ပြီး ပိုသတ်ဆေးရည်အဖြစ် အသုံးပြုနိုင်ပြီး ပိုးမွှားကျရောက်သော အပင်အစိတ်အပိုင်းများကို ပက်ဖျန်းနိုင်ပါတယ်။

၃။ နှိမ်နင်းနိုင်သည့် ပိုးမွှားနှင့် ရောဂါများ

- ဖလံကောင်များ

- ခူကောင်များ

- ယင်ဖြူများ

- ပုရွတ်ဆိတ်များ

- နှံကောင်များ

- နီမတုတ်များ

- မှိုရောဂါများ

- ဘတ်တီးရီးယားများ

မှတ်ချက်။       ။ ပိုးမွှားအရေအတွက်များပါက နှစ်ရက်ဆက်တိုက်ဖျန်းပေးပါ။ ခရမ်းချဥ်ရွက်တွေကို ကြိုချက်လိုက်တဲ့အခါ အဆိပ်တောက်ဖြစ်စေတဲ့ ဓာတ်ပစ္စည်းများထွက်ပေါ်လာပါတယ်။ ဒါ့ကြောင့် ဆေးဖျန်းချိန်မှာ လက်အိတ်များနဲ့ ပါးစပ်အုပ်များ ဝတ်ဆင်ပါ။

ထွန်းရာဇာ

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်