သရက်သီးမှည့်ခြောက်ထုတ်လုပ်ခြင်းနှင့် ကျန်းမာရေးအကျိုးအာနိသင်များ

မြန်မာနိုင်ငံတွင် သရက်ပင်သည် နိုင်ငံ၏ဒေသတိုင်းတွင်ပေါက်သောအပင်ဖြစ်ကာ သရက်သီးကို မြန်မာလူမျိုးများသည် အစိမ်းအနေနှင့်သော်လည်းကောင်း အမှည့်အနေနှင့်လည်းကောင်း ယိုများလုပ်၍လည်းကောင်း စားကြပါသည်။ ယခုချိန်ခါသည် သရက်သီးမှည့်များလှိုင်လှိုင်ပေါသော အခါဖြစ်၍ သရက်သီးမှည့်များကို စျေးကွက်တွင်တွေ့ရပါသည်။ သရက်စိုက်တောင်သူများပြားကာ စျေးကွက်အနေထားအရ ယှဥ်ပြိုင်ရသော ဒေသများတွင် တောင်သူများအနေဖြင့် မိမိတို့သရက်သီးမှည့်များကို စျေးကွက်တွင် ရောင်းမကုန်ဘဲ လေလွင့်သွားနိုင်သော အနေထားမဖြစ်စေရန် မြန်မာနိုင်ငံတွင် ထုတ်လုပ်ရောင်းချမှုနည်းသော သရက်သီးမှည့်ခြောက်ပြုလုပ်ကာ preserved food အနေဖြင့် ထုတ်လုပ်နိုင်ပါသည်။

သရက်သီးမှည့်ခြောက်ပြုလုပ်ရန် သရက်သီးအမှည့်သည် ရောင်းတမ်းအတွက်ပိုလျှံသော အသီးဖြစ်စေ ရောင်းတမ်းအတွက်မလှသော အသီးဖြစ်စေ လူကြိုက်နည်းသော ရင်ကွဲသရက်ကဲ့သို့ အသီးများဖြစ်စေ အသုံးပြုနိုင်ပါသည်။ ရှေးဦးစွာ သရက်သီးမှည့်များအား အလုံးလိုက်ရေဆေးကာ အခွံခွာပြီး အစိတ်များစိတ်ထားရပါမည်။ ထို့နောက် သရက်သီးပမာဏနှင့်သင့်သော ဆားရေကို ငါးမိနစ်ခန့်စိမ်ပြီးရေစစ်ထားရပါမည်။ ပြီးလျှင် ဇကာများပေါ်တွင် သရက်သီးစိတ်များ တစ်ခုနှင့်တစ်ခုထပ်မနေစေဘဲ အစီအရီစီပြီး နေရောင်တွင်လှန်းရပါမည်။ နေပူပူတွင် နှစ်ရက်ခွဲမှ လေးရက်ထိ နှစ်ဖက်လှန်ပေးရန်လိုပါသည်။ အစိုဓာတ်မရှိသော နေရောင်ပြင်းပြင်းဖြစ်ရန်လိုပါသည်။

သတိပြုရန်မှာ သရက်ပြားများ ကောင်းစွာမခြောက်သေးချိန်တွင် လှန်းမိပါက ကပ်ကာ ပျက်စီးတတ်၍ သတိပြုရပါမည်။ ခြောက်လျှင် ဘူးလှလှလေးများတွင်စနစ်တကျထုပ်ပိုး၍ ကြိုးကလေးများဖြင့်စည်းကာ ရောင်းချနိုင်ပါသည်။ အရသာမှာ မာလည်းမမာလွန်းဘဲ တင်းတင်းလေးနှင့် ချိုချိုလေးဖြစ်သောကြောင့် ဘူးလေးဖွင့်ကာ အချိန်မရွေးစားနိုင်ပါသည်။ ဤသည်မှာ တစ်နိုင်တစ်ပိုင် သရက်သီးမှည့်ခြောက်ထုတ်ခြင်းဖြစ်၍ နေရောင်ဖြင့်သာ အခြောက်ခံခြင်းဖြစ်ပါသည်။ စက်ရုံလိုက်ထုတ်သော အကြီးစားစက်မှုလုပ်ငန်းများတွင်မူ အခြောက်ခံစက်ဖြင့်ခြောက်ကာ ထုတ်ကြပါသည်။ အခြောက်ခံစက်ဖြင့်မူ အပူချိန် 135 ဒီဂရီတွင် ဆယ့်နှစ်နာရီ ကြာအောင် အခြောက်ခံရပါမည်။

သရက်သီးအမှည့်ခြောက်တွင် ဗိုက်တာမင် A နှင့် B complex တို့ပါဝင်ပါသည်။ ဗိုက်တာမင် A သည် မျက်စိအားကောင်းစေခြင်း ခံတွင်းဆိုင်ရာ အမြှေးပါးများတွက် အထောက်ကူပြုခြင်း ကြွက်သားနာကျင်ခြင်းကို သက်သာစေခြင်းများအပြင် B complex သည် စိတ်ဖိစီးမှုပြေလျော့စေခြင်း သွေးဆဲလ်များကို ထုတ်လုပ်ပေးခြင်း စသောအကျိုးများရှိသောကြောင့် တောင်သူများအနေဖြင့် သရက်သီးမှည့်ခြောက်ထုတ်လုပ်ပြီး တစ်ဖက်တစ်လမ်းမှ ဝင်ငွေရှာနိုင်ပါသည်။ ထို့ပြင် ပိုလျှံသော သရက်သီးမှည့်များနှင့် လူကြိုက်နည်းသည့်သရက်သီးများကိုလည်း အလေအလွင့်မဖြစ်စေဘဲ ဆန်းသစ်သော မြန်မာ့စားစရာတစ်မျိုးကို တီထွင်ကြံဆကာ ရောင်းချနိုင်မည်ဖြစ်ကြောင်း ရေးသားဖော်ပြလိုက်ပါသည်။

ကိုးကား - https://m.youtube.com/watch?v=4PNEijGJFl4

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...