ကမ်းခြေကို ခြေကုပ်ယူကာ ပင်လယ်ရေလွှမ်းခြင်းကို ကာကွယ်ပေးနေတဲ့ ဒီရေတောများ

ကမ္ဘာ့ရာသီဥတုသည် ပို၍ပူပြင်းလာသောကာလသို့ ရောက်ရှိလာပြီဖြစ်သည်။ ကမ္ဘာ၏အအေးပိုင်းဒေသတွင်ရှိနေသည့် ရေခဲပြင်များသည် ယခင်ကထက်ပို၍ အရည်ပျော်နှုန်းမြန်ဆန်လာသည်။ ထို့ကြောင့် ပင်လယ်သမုဒ္ဒရာရေမျက်နှာပြင်တို့သည် တစ်ဖြည်းဖြည်းမြင့်တက်လာပြီဖြစ်ပါသည်။

ပင်လယ်ရေမျက်နှာပြင် မြင့်တက်လာခြင်းကြောင့် ပင်လယ်ပြင်နှင့်ထိစပ်မှုများပြီး မြေနိမ့်ဒေသများသော နိုင် ငံ၊ ဒေသတို့အတွက် ဘေးအန္တရယ်များကျရောက်လာနိုင်ပါသည်။ ပင်လယ်ရေမျက်နှာပြင် မြင့်တက်လာခြင်းကြောင့် မုန်တိုင်းနှင့်ဒီရေမြင့်တက်လာသောအခါ ရေလွှမ်းမိုးခြင်းကို ယခင်ကထက်ပို၍ ခံစားရမည်ဖြစ်သည်။ ထို့နောက် ကမ်းပါးပြိုခြင်းများ၊ စိုက်ပျိုးမြေများ၊ သောက်သုံးရေကန်များအတွင်သို့ ဆားငန်ရေစိမ့် ဝင်မှုများကိုကြုံလာရမည်။ ကုန်းမြေနှင့်ထိစပ်လျက်ရှိသော ကမ်းခြေဧရိယာများပိုမို၍ ရေလွှမ်းမိုးခြင်းခံရမည်ဖြစ်ပါသည်။

ကမ္ဘာ့နိုင်ငံအတော်များများသည် ပင်လယ်ရေမျက်နှာမြင့်တက်လာခြင်း အန္တရာယ်ကိုစတင်ရင်ဆိုင်နေရပြီ ဖြစ်သည်။ မြန်မာနိုင်ငံ၏ အိမ်နီးချင်းနိုင်ငံဖြစ်သော ဘင်္ဂလားဒေ့ရှ်နိုင်ငံသည်လည်း ရာသီဥတုပြောင်းလဲမှု ဒဏ်ကိုရင်ဆိုင်ကြုံတွေ့နေရသောနိုင်ငံတစ်နိုင်ငံဖြစ်သည်။ လူဦးရေ ၃.၅ သန့်ခန်းသည့် ပင်လယ်ရေမျက်နှာပြင်မြင့်တက်မှုကြောင့်ဖြစ်ပေါ်လာသော ရေလွှမ်းမိုးမှုဒဏ်ကို နှစ်စဉ်ရင်ဆိုင်နေရပြီး ဒေသခံ ၁၇ ရာခိုင်နှုန်းမှာ နေရာပြောင်းရွှေ့နေထိုင်ရန်လိုအပ်နေပြီဟု ခန့်မှန်းကြပါသည်။ ဘင်္ဂလာဒေ့ရှ်နိုင်ငံ၏ သုံးပုံနှစ်ပုံသည် ပင်လယ်ရေမျက်နှာပြင်အထက် (၅) မီတာအောက်တွင်တည်ရှိပြီး လာမည့် ၂၀၅၀ ခုနှစ်တွင် ပင်လယ်ရေမျက်နှာပြင်သည် လက်ရှိအမြင့်ထက် (၅၀) စင်တီမီတာ ခန့်မြင့်တက်လာခဲ့ပါက နိုင်ငံအကျယ်အဝန်း၏ ၁၁ ရာခိုင်နှုန်းကို ဆုံးရှုံးမည်ဟု ခန့်မှန်းပြောဆိုကြပါသည်။ (ကိုးကား- အင်တာနက်)

ထို့ကြောင့် ပင်လယ်ရေမျက်နှာပြင်မြင့်တက်ခြင်းကို တတ်နိုင်သမျှ ကာကွယ်ရန်လိုအပ်လာပြီဖြစ်ပါ သည်။ ဤနေရာတွင် ဒီရေတောများ၏အရေးပါမှုကို ချန်လှပ်ထားခဲ့၍မရပေ။ ဒီရေတောများသည် ကမ်းခြေကိုကာကွယ်ပေးနေသောအပင်များဖြစ်လေသည်။ ဒီရေတောအမြစ်များနှင့် အပင်များသည် ကမ်းခြေကိုခြေကုပ်သဖွယ်ယူပြီး ပင်လယ်ရေလွှမ်းခြင်းများကိုကာကွယ်ပေးနေခြင်းဖြစ်ပါသည်။

တစ်ချို့ကမ်းရိုးတန်းဒေသများတွင် ရှိသည့် ဒီရေတောများကို ခုတ်ထွင်ရှင်းလင်းပြီး ပုဇွန်မွေးမြူရေး လုပ်နေကြသည်များလည်းရှိပါသည်။ ကမ်းပါးပြိုခြင်းများ၊ ရေလွှမ်းခြင်းများမဖြစ်ပေါ်စေရန် ဒီရေတောများကို ခုတ်ထွင်ရှင်းလင်းခြင်းမှကာကွယ်ရမည်ဖြစ်သည်။

ကမ်းရိုးတန်းတစ်လျှောက် ကျောက်ဆောင်ကျောက်တန်း၊ ကမ်းတက်မြေများတွင် ပေါက်ရောက်သော ဒီရေတောများကိုကာကွယ်ထိန်းသိမ်းကာ ကုန်းမြေဖွဲ့စည်းပေးသင့်ပါသည်။ ဒီရေတောများသည် လူသားတို့အတွက် သဘာဝတရားကပေးခဲ့သော တန်ဖိုးမဖြတ်နိုင်သည့် လက်ဆောင် ဖြစ်လေသည်။ ဒီရေတောများမှ ရရှိနိုင်သော အကျိုးကျေးဇူးများကို အခြေခံအားဖြင့် နှစ် မျိုးခွဲခြားနိုင်မည်ဖြစ်သည်။ ၎င်း တို့မှာ (၁) လက်တွေ့မြင်နိုင်သော အကျိုးကျေးဇူးများနှင့် (၂) သွယ်ဝိုက်သောအကျိုးကျေးဇူးများ ဖြစ်လေသည်။ ထို့ ကြောင့် ပင်လယ်ရေမျက်နှာပြင်မြင့်တက်လာခြင်းကို ကာကွယ်ရန်အတွက် ဒီရေတောများကို ကာကွယ်ထိန်းသိမ်းရမည်ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...