မြေဆီလွှာတိုက်စားမှုကို ကာကွယ်ပေးနိုင်တဲ့ ပန်းပင်များ

17/05/2022 14:00 PM တွင် ဇင်ထူးနိုင် ဇင်ထူးနိုင် မှ ရေးသား

ယခုဆောင်းပါးမှာ ဖော်ပြပေးသွားမယ့် အပင်တွေဟာဆိုရင် မြေဆီလွှာတိုက်စားမှုပြဿနာ ရှိတဲ့နေရာတွေမှာ တော်တော်လေး အသုံးဝင်တဲ့ အပင်တွေ ဖြစ်ပါတယ်။ ပန်းပင်တွေဟာ ၎င်းတို့ရဲ့ ခိုင်ခံ့မှုရှိတဲ့အမြစ်စနစ်နဲ့ ကျယ်ပြန်တဲ့ အရွက်ပုံစံတွေကြောင့် မြေဆီလွှာကို ကောင်းစွာထိန်းသိမ်းနိုင်ပြီး မိုးရွာသွန်းမှုကြောင့် ဖြစ်ပေါ်လာတဲ့ မြေသားပျော့ပြောင်းပြီး တိုက်စားခံရတာတွေကို ကာကွယ်ပေးမှာ ဖြစ်ပါတယ်။ ဒါ့ကြောင့် မိမိစိုက်ခင်းနဲ့ ဥယျာဥ်ခြံမြေတွေမှာ မြေဆီလွှာတိုက်စားမှုပြဿနာ ရှိနေတယ်ဆိုရင် အောက်ဖော်ပြပါ ပန်းပင်တွေကို ရွေးချယ်ပြီး စိုက်ပျိုးကြည့်နိုင်ပါတယ်။ အောက်ဖော်ပြပါ အပင်နာမည်တွေဟာ နေရာဒေသကို လိုက်ပြီး ကွဲပြားမှု ရှိနိုင်ပါတယ်။

သင်္ဘောမညှိုးပင် (Common periwinkle)

သိပ္ပံအမည် - Vinca minor

သင်္ဘောမညှိုးပင်ဆိုတာဟာ ဆေးဖက်ဝင်ပြီး အဖြူ၊ အပြာနဲ့ ခရမ်းရောင် အပွင့်တွေ ပွင့်လေ့ရှိတဲ့ အမြဲစိမ်း နွယ်ပင်တစ်မျိုး ဖြစ်ပါတယ်။ ပတ်ဝန်းကျင်မှာလည်း အလှစိုက်ပန်းပင်အနေနဲ့ အလွယ်တကူတွေ့နိုင်တဲ့ အပင်တစ်မျိုးပါ။ ဒီအပင်ဟာ ခြုံပင်တွေလို ကြီးမားထူထပ်စွာ ပေါက်ရောက်တတ်ပြီး ၎င်းလက္ခဏာကြောင့်ပဲ မြေဆီလွှာကို ကောင်းကောင်းဖုံးအုပ်ပေးနိုင်တာ ဖြစ်ပါတယ်။ ဒါ့ကြောင့် ဒီအပင်ကို မြေဆီလွှာထိန်းသိမ်းရာမှာရော အလှဆင်ရာမှာပါ အသုံးပြုနိုင်တာ ဖြစ်ပါတယ်။ နေရာအတော်များများမှာ စိုက်ပျိုးနိုင်ပြီး ရွှံ့စေးဆန်တာ၊ အယ်ကာလီဆန်တာနဲ့ မြေဆီလွှာခြောက်သွေ့နေတာမျိုးတွေကိုလည်း ကောင်းကောင်းခံနိုင်ရည်ရှိတဲ့ အပင်ဖြစ်ပါတယ်။ ၎င်းရဲ့အမြစ်တွေဟာဆိုရင်လည်း တိမ်ပြီး လျင်မြန်စွာပြန့်ပွားတာ ဖြစ်တဲ့အတွက် မြေဆီလွှာကို ကောင်းကောင်းထိန်းထားပေးနိုင်တာ ဖြစ်ပါတယ်။

 

သရက်ထည်ပန်း (Creeping phlox)

သိပ္ပံအမည် - Phlox subulate

သရက်ထည်ပန်းရဲ့ မူရင်းဒေသကတော့ အမေရိကန်နိုင်ငံဖြစ်ပါတယ်။ ဒီပန်းပင်တွေဟာ အရောင်အသွေး စုံလင်စွာရှိပြီး မြန်မာနိုင်ငံမှာလည်း အလွယ်တကူ ဝယ်ယူစိုက်ပျိုးနိုင်တဲ့ ပန်းပင်ဖြစ်ပါတယ်။ Phlox subulate ဆိုတာက လက်တင်နာမည်ဖြစ်ပြီး အပ်နဲ့တူတဲ့ အရွက်တွေကို ရည်ညွှန်းတာ ဖြစ်ပါတယ်။ ဒီအပင်ဟာ မြေလျှောက်ပင်တစ်မျိုးဖြစ်ပြီး မြေမျက်နှာပြင်ပေါ်မှာ အလျားလိုက် လျင်မြန်စွာနဲ့ ဖြန့်ကျက်ပွားများနိုင်တာ ဖြစ်ပါတယ်။ အချိန်တိုအတွင်း မြေသားပေါ်မှာ ထူထပ်တဲ့ မြက်ခင်းတစ်ခုကဲ့သို့ ပွားများနိုင်တာကြောင့် မြေတိုက်စားမှုကို ကောင်းကောင်းကာကွယ်ပေးနိုင်တဲ့အပင် ဖြစ်ပါတယ်။

 

ရွှေစံပယ် (Weeping forsythia)

သိပ္ပံအမည် - Forsythia suspensa

ရွှေစံပယ်ပန်းပင်တွေကတော့ နွေဦးမှာ အဝါရောင်ပန်းပွင့်တွေ ပွင့်တဲ့ အပင်တစ်မျိုးဖြစ်ပါတယ်။ မူရင်းဒေသကတော့ အာရှတိုက်ကဖြစ်ပြီး တရုတ်နိုင်ငံမှာဆိုရင် လွန်ခဲ့တဲ့ ရာစုနှစ်ပေါင်းများစွာကတည်းက စိုက်ပျိုးလာခဲ့ကြတဲ့ အပင်ဖြစ်ပါတယ်။ ဒီအပင်ရဲ့ နာမည်ဟာ စကော့လူမျိုး ရုက္ခဗေဒ ပညာရှင်တစ်ဦးရဲ့ နာမည်ကို အစွဲပြုပြီး သတ်မှတ်ထားတာ ဖြစ်ပါတယ်။ ချုံပင်အမျိုးအစားဖြစ်ပြီး အမြင့်ပေ ၈ ပေကနေ ၁၀ ပေ  လောက်အထိ ကြီးထွားနိုင်ပါတယ်။ အပင်အရွယ်အစား ကြီးလာတာနဲ့အမျှ အပင်ရဲ့အကိုင်းအခက်တွေဟာ မိုးမခပင်တွေလို အောက်ဘက်ကို ညွတ်လာမှာဖြစ်ပြီး မြေဆီလွှာကိုဖုံးပေးတဲ့ အနေအထားတွေ့ရမှာ ဖြစ်ပါတယ်။ ဒီအပင်ဟာလည်း မြေဆီလွှာကို ထိန်းသိမ်းရာမှာ ထိရောက်မှုရှိတာကြောင့် သစ်တောစိုက်ခင်းတွေ၊ ပန်းဥယျာဥ်တွေနဲ့ နေအိမ်ခြံဝန်းတွေထဲမှာ စိုက်ပျိုးနိုင်တဲ့ အပင်ဖြစ်ပါတယ်။ အထူးသဖြင့် တောင်စောင်းလိုနေရာတွေမှာ မြေဆီလွှာကို ထိန်းသိမ်းဖို့ စိုက်ပျိုးနိုင်တာဖြစ်ပါတယ်။

 

စမုန်ဖြူ (Creeping thyme)

သိပ္ပံအမည် - Thymus serpyllum

ဒီအပင်ဟာ စမုန်ဖြူ အမျိုးအစားတွေထဲက တစ်မျိုးဖြစ်ပြီး သံပုရာအနံ့ရှိကာ ပန်းပွင့်တဲ့ အပင်ဖြစ်ပါတယ်။ မူရင်းဒေသကတော့ ဥရောပနဲ့ အာဖရိကမြောက်ပိုင်း ဒေသတွေပဲ ဖြစ်ပါတယ်။ ဆေးဖက်ဝင် နှစ်ရှည်ပင်အမျိုးအစားဖြစ်ပြီး ဥယျာဥ်ခြံမြေတွေမှာ မြေဖုံးဖို့နဲ့ အလှဆင်ဖို့အတွက် စိုက်ပျိုးကြတာ ဖြစ်ပါတယ်။ အပေါ်ယံ မြေဆီလွှာကို ကောင်းကောင်းထိန်းပေးထားနိုင်ပြီး မြေဆီလွှာတိုက်စားမှုတွေကို ကာကွယ်ပေးနိုင်တဲ့ အပင်ဖြစ်ပါတယ်။ အမြင့်အားဖြင့် ၄ ပေ လောက်အထိ ကြီးထွားနိုင်ပါတယ်။ အကြမ်းခံတဲ့အပင်ဖြစ်ပြီး အာဟာရဓာတ်နည်းတာတွေနဲ့  ခြောက်သွေ့တဲ့အခြေအနေတွေကို ကောင်းကောင်းခံနိုင်ရည်ရှိပါတယ်။

 

ဂျူနီပါပင် (Creeping juniper)

သိပ္ပံအမည် - Juniperus horizontalis

ဂျူနီပါပင်ဟာ မျိုးစိတ်ပေါင်း ၁၀၀ ကျော်အထိ ရှိပြီး ထင်းရှူးနဲ့ဆင်တူတဲ့ ချုံပင်အမျိုးအစား ဖြစ်ပါတယ်။ မူရင်းဒေသကတော့ မြောက်အမေရိကဖြစ်ပြီး အထူးသဖြင့် ကနေဒါနိုင်ငံမှာ တွေ့ရှိရတာ ဖြစ်ပါတယ်။ ဒီအပင်ကိုလည်း အဓိကအားဖြင့် ဥယျာဥ်ခြံမြေတွေမှာ မြေဖုံးတဲ့အခါ စိုက်ပျိုးကြတာ ဖြစ်ပါတယ်။ ဒါ့အပြင် တောင်စောင်းနဲ့ တောင်ကုန်းဒေသတွေမှာလည်း မြေဆီလွှာတိုက်စားမှုကို ကာကွယ်ဖို့စိုက်ပျိုးနိုင်ပါတယ်။ ဒီအပင်တွေဟာ ကြီးထွားမှုူ နှေးပြီး တစ်နှစ်ကို ၁ ပေဝန်းကျင်ခန့်သာ ကြီးထွားနိုင်ပါတယ်။ နေရောင်ခြည်ကို ကြိုက်နှစ်သက်ပြီး အေးတဲ့ဒဏ်ကို ကောင်းစွာခံနိုင်ရည်ရှိတဲ့ အပင်ဖြစ်ပါတယ်။

ဖက်ယားပင် (Spotted dead nettle)

သိပ္ပံအမည် - Lamium maculatum

ဖက်ယားပင်ဟာလည်း မြေဖုံးပင်အဖြစ် လူသိများပြီး နှစ်ရှည်ပင်အမျိုးအစားလည်း ဖြစ်ပါတယ်။ မူရင်းဒေသကတော့ ဥရောပ၊ အာရှတိုက်အနောက်ပိုင်းနဲ့ အာဖရိက မြောက်ပိုင်းဒေသတွေ ဖြစ်ပါတယ်၊။ မျိုးစိတ်ပေါင်း ၅၀ ကျော်ရှိပြီး ပင်စိမ်းမျိုးရင်းဝင် အပင်ဖြစ်ပါတယ်။ အေးတဲ့ရာသီမှာ မြေနဲ့ကပ်လျက် ပေါက်တတ်ပြီး ပူနွေးတဲ့ရာသီမှာတော့ အပင်က မြင့်လေ့ရှိပါတယ်။ ဒီအပင်ဟာ ကြီးထွားမှုမြန်ဆန်ပြီး မြေဆီလွှာကို လျင်မြန်စွာဖုံးအုပ်ပေးနိုင်တဲ့ အပင်ဖြစ်ပါတယ်။

 

ကိုးကားချက်

https://www.picturethisai.com/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။  

 


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်