ငါးမွေးမြူခြင်းဆိုင်ရာဥပဒေကို အမျိုးသားငါးမွေးမြူ ခြင်း ဖွံ့ဖြိုးတိုးတက်မှုဆိုင်ရာဥပဒေအဖြစ် ပြောင်းလဲသတ်မှတ်ရန် လွှတ်တော်သို့ တင်ပြမည်

Green Way • Greenovator • 11/04/2019

ငါးမွေးမြူခြင်းဆိုင်ရာ ဥပဒေမူကြမ်းကို အမျိုးသားငါးမွေးမြူခြင်း ဖွံ့ဖြိုးတိုးတက်မှုဆိုင်ရာဥပဒေအဖြစ် ပြောင်းလဲသတ်မှတ်ရန် ဧပြီလအတွင်း (သင်္ကြန်ပိတ်ရက်အပြီး) အမျိုးသားလွှတ်တော်နှင့် ပြည်သူ့လွှတ်တော်သို့ ဆွေးနွေးအကြံပြု တင်ပြသွားမည်ဖြစ်ကြောင်း မြန်မာနိုင်ငံ ငါးလုပ်ငန်းအဖွဲ့ချုပ်မှ သိရသည်။

ငါးမွေးမြူခြင်းဆိုင်ရာဥပဒေမူကြမ်း ပြင်ဆင်ရေးဆွဲရန် ငါး၊ ပုစွန်မွေးမြူရေးနှင့် သက်ဆိုင်ရာလုပ် ငန်းရှင်များမှ အကြံပြုဆွေးနွေးတင်ပြရန် ၂၀၁၉ ခုနှစ် မတ်လ (၂၃) ရက် က ပြည်ထောင်စုလွှတ် တော်မှ နိုင်ငံပိုင်သတင်းစာများတွင် ဖော်ပြထားကြောင်း သိရသည်။

“ပြည်ထောင်စုလွှတ်တော်က ကြေညာတာ ငါးမွေးမြူခြင်းဆိုင်ရာ ဥပဒေမူကြမ်းပေါ့နော်။ လက်ရှိတည်ဆဲဥပဒေကလည်း ငါးမွေးမြူခြင်းဆိုင်ရာ ဥပဒေပဲ။ အခုပြန်ပြီး အသစ်ရေးဆွဲမယ့် ဥပဒေကလည်း ဒါပဲ။ ကျွန်တော်တို့အနေနဲ့ ခဏခဏပြောတယ်။ ရေသယံဇာတ၊ မြေသယံဇာတ ပေါကြွယ်ဝတယ်။ ရာသီဥတုက သင့်တင့်မျှတတယ်။ မွေးမြူရေးကိုတိုးချဲ့ဖို့ အလားအလာများစွာရှိနေတယ်။ ဒီဟာကို စနစ်တကျထူ ထောင်ဖို့ဆိုတာ ဖွံ့ဖြိုးတိုးတက်ရေးအပိုင်းက ပါလာတယ်။ ကျွန်တော်တို့က ဒီငါးမွေးမြူခြင်း ဥပဒေအသစ် ပြန်လည်ရေးဆွဲချိန်မှာ ဥပဒေနာမည်ကအစ ပြောင်းလဲဖို့ တင်ပြသွားမှာဖြစ်တယ်။” ဟု မြန်မာနိုင်ငံ ငါးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းကြိုင်က ပြောသည်။

လက်ရှိရေးဆွဲထားသော ငါးမွေးမြူခြင်းဆိုင်ရာ ဥပဒေမူကြမ်းတွင် ငါးမွေးမြူရေး တောင်သူများ၏ အဓိပ္ပါယ်ဖွင့်ဆိုချက်၊ ရပိုင်ခွင့် အခွင့်အရေးများကို ထည့်သွင်းရေးဆွဲထားခြင်း မရှိသောကြောင့် ဥပဒေတွင် ထည့်သွင်းဖော်ပြနိုင်ရန် အကြံပြုသွားမည်ဖြစ်ကြောင်း သိရသည်။

ယင်းအပြင် ငါး၊ ပုစွန်မွေးမြူရေး လုပ်ငန်းဖွံ့ဖြိုးတိုးတက်ရန် မူဝါဒ၊ လုပ်ငန်းစဉ်များ ချမှတ်ဆောင် ရွက်နိုင်ရန်နှင့် လိုအပ်သည်များ ပူးပေါင်းဆောင်ရွက်နိုင်ရန် ဗဟိုကော်မတီတစ်ခု ဖွဲ့စည်းရန်အတွက်လည်း တင်ပြသွားမည်ဖြစ်ကြောင်း သိရသည်။

"ဒီဥပဒေမှာ အားနည်းချက်ရှိတာက ငါးမွေးမြူရေးလို့ ဥပဒေက သတ်မှတ်ထားပြီးတော့ ငါးမွေးရင်၊ ပုစွန်မွေးရင် အစာလိုတယ်။ ဒီထဲမှာ အစာကိစ္စလည်းမပါဘူး။ ပြီးတော့ ဆေးဝါး၊ ရောဂါနဲ့ ပတ်သက်တာလည်း မပါဘူး။ ဓါတ်ခွဲခန်းကိစ္စလည်း မပါဘူး။ မွေးမြူရေးနည်စနစ် GAqP နဲ့ ပတ်သက်တဲ့ ကိစ္စလည်းမပါဘူး။ ဒါတွေကို ကျွန်တော်တို့က ပြည့်စုံအောင်ထည့်ချင်တယ်။ ဒါကြောင့် လွှတ်တော်မှာ ဆွေးနွေးတဲ့အခါ ဒါတွေထည့်သွင်းဖို့ တင်ပြသွားမယ် ။" ဟု ဦးဝင်းကြိုင်က ပြောသည်။

ထို့အပြင် ငါးမွေးအစာနှင့် ပတ်သက်၍ ရောင်း/ဝယ် တင်သွင်းမှုတွေကို ယင်းဥပဒေမူကြမ်းတွင် ထည့်သွင်းရေးဆွဲသွားရန်၊ ရောဂါထိန်းချုပ်ကာကွယ်ရေးတွေအပြင် မွေးမြူရေးနည်းစနစ်တွေကို ထည့်သွင်းပြဋ္ဌာန်းရန် လိုအပ်နေခြင်းကြောင့် မြန်မာနိုင်ငံ ငါးလုပ်ငန်းအဖွဲ့ချုပ်အနေဖြင့် မွေးမြူရေး ပညာရှင်များ၊ မွေးမြူရေးနှင့် ကုသရေးဆရာဝန်များ၊ ဥပဒေပညာရှင်များနှင့် တိုင်ပင်ဆွေးနွေး အကြံပြုတင်ပြသွားမည်ဖြစ်ကြောင်း သိရသည်။

ယင်းဥပဒေကို ယခင်အစိုးရဟောင်း သမ္မတ ဦးသိန်းစိန် လက်ထက်တွင် ငါးလုပ်ငန်းဦးစီးဌာနမှ တာဝန်ယူရေးဆွဲခြင်းဖြစ်ကြောင်း သိရသည်။

အေးအေးမြင့်(ABM)

ဆက်စပ်ဆောင်းပါးများ

မွေးမြူရေးသတင်း

အစာဈေးမြင့်ပြီး တွက်ချေမကိုက်တော့သဖြင့် ငါးမွေးမြူသူတွေ လျော့ကျလာ

AMIA

မွေးမြူရေးသတင်း

အသားဈေးရဲ့ ၂ ဆ နီးပါးဖြစ်နေတဲ့ ငါးခြောက်ဈေးကွက်

AMIA

မွေးမြူရေးသတင်း

ကြက်ခြံဖမ်းဈေးသာကျပြီး အသားရောင်းဈေးမကျလို့ မွေးမြူသူများအခက်ကြုံနေ

AMIA

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

မြေပဲ ရက်၂၀ရှိပီ နွားသေး ဆေးဖြန်းပုံး တပုံးကို နှစ်လီတာ ထည့်ဖြန်းလို့ရပါသလား ဘယ်လောက်ထည့်ရမလည်း ဘာတေနဲ့ရောဖြန်းရင် ပိုကောင်းပါသလည်း ဆရာ

နံပတ်2 • ဖြေကြားချက် 2 ခု

ခရမ်းချဉ်ပျိုးတာ5ရက်ရှိပြီအမင်မပေါက်လာသေးလို့ဆရာ/မျှားနီတံဆိပ်

Zaw Than Oo • ဖြေကြားချက် 1 ခု

မြေ ph level တိုင်းတာရန် တိုင်းစက်အပြင် အခြား မည်သည့်နည်းလမ်းဖြင့် တိုင်းတာလို့ရနိုင်ပါလဲ ခင်ဗျ

U Soe • ဖြေကြားချက် 1 ခု

မျှားနီ တောင်ပေါ်သား(979)မျိုးဟာ အပင်တစ်ပင်ရဲ့ သက်တန်းတစ်လျှောက်လုံးမှာ အမြင့်ဆုံး ပိဿာချိန် ဘယ်လောက်ထိ ထွက်နိုင်ပါသလဲဗျ စိုက်ဖူးတဲ့ဆရာကြီးများ ပြန်ဖြေပေးကြပါခင်ဗျား။ ကျနော်က အခုမှစစိုက်မှာမို့လို့ပါဗျ။

Kyaw Soe Naing • ဖြေကြားချက် 1 ခု

ယခုလက်ရှိ ရာသီဥတုနဲ့ဆို ဘာပဲအမျိုးအစားကို ရွေးချယ်ပီးစိုက်သင့်ပါသလဲ

Sa Paing Ko Ko Win • ဖြေကြားချက် 4 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ