MYSAP က မလေးရှားကုမ္ပဏီနှင့် ပူးပေါင်း၍ ဂဏန်းသားပေါက်ခြင်း စမ်းသပ်ဆောင်ရွက်မည်

ဧရာဝတီတိုင်းဒေသကြီး လပွတ္တာခရိုင်အတွင်း ဂဏာန်းမွေးမြူရေးလုပ်ငန်း ဖွံ့ဖြိုးတိုးတက်စေရန် MYSAP သည် မလေးရှားဂဏာန်းမွေးမြူ ရေးကုမ္ပဏီနှင့် ပူးပေါင်း၍ ဂဏာန်းသားပေါက်ခြင်းကို ဧပြီလအတွင်း စမ်းသပ်ဆောင်ရွက်သွားမည်ဖြစ်ကြောင်း MYSAP မှ သိရသည်။

လက်ရှိတွင် သဘာဝမှ ဖမ်းဆီးရရှိသော ဂဏန်းများကိုသာ မွေးမြူထုတ်လုပ်နေခြင်းကြောင့် ရေရှည်တွင် သဘာဝမှရရှိသော ဂဏာန်းရှားပါးလာနိုင်သဖြင့် ဂဏာန်းသားဖောက်၍ မွေးမြူထုတ်လုပ်ခြင်းကို ဆောင်ရွက်ရခြင်းဖြစ်ကြောင်း သိရသည်။

"ဒီကုမ္ပဏီက ဂဏာန်းနဲ့ ပတ်သက်ပြီး သုတေသနတွေ ဗီယက်နမ်မှာလည်း လုပ်ခဲ့ဖူးတော့ သူတို့က အတွေ့အကြုံရှိတော့ သူတို့နဲ့ပူးပေါင်းပြီး ဆောင်ရွက်တာဖြစ်ပါတယ်။ သားဖောက်ဖို့အတွက် လိုအပ်တာတွေကို ပံ့ပိုးပေးတာပါ။ သူတို့က အဓိကဂဏာန်းကို သားဖောက်မယ်။ ဒီဒေသမှာရှိတဲ့ ဒေသခံတွေ တောင်သူတွေလည်း လုပ်ကိုင်လို့ရအောင် အဓိကတော့ နည်းပညာ ပြန်ပံ့ပိုးပေးသွားမယ်။ ဘယ်လိုမွေးမြူရမယ်ဆိုတာလည်း ကူညီပေးသွားမယ်။" ဟု မြန်မာ့ရေသတ္တဝါမွေးမြူရေးကဏ္ဍ ရေရှည်ဖွံ့ဖြိုးတိုးတက်ရေးစီမံကိန်း (MYSAP) ၏ အကြံပေး ( ရေငန်ငါးပုစွန်) ဦးစိုးထွန်းက ပြောသည်။

မြန်မာ့ရေသတ္တဝါမွေးမြူရေးကဏ္ဍ ရေရှည်ဖွံ့ဖြိုးတိုးတက် ရေးစီမံကိန်း (MYSAP)ကို စိုက်ပျိုးရေး၊ မွေးမြူရေးနှင့် ဆည် မြောင်းဝန်ကြီးဌာန၊ ငါးလုပ်ငန်းဦးစီးဌာနနှင့် ဂျာမနီနိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (GIZ) တို့မှ အကောင်အထည်ဖော်ဆောင်ရွက်လျက်ရှိသော စီမံကိန်းတစ်ခုဖြစ်ပြီး စီမံကိန်းကာလမှာ ၂၀၁၇ ခုနှစ်မှ ၂၀၂၁ ခုနှစ်အထိ ဆောင်ရွက်သွားမည်ဖြစ်ကြောင်း သိရသည်။

မြန်မာ့ရေသတ္တဝါမွေးမြူရေးကဏ္ဍ ရေရှည်ဖွံ့ဖြိုးမှုအတွက် ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ဧရာဝတီ တိုင်းဒေသကြီး၊ စစ်ကိုင်းတိုင်းဒေသကြီး၊ ရှမ်းပြည်နယ်နှင့် ရခိုင်နယ်တို့ကို စီမံကိန်းနယ်မြေများအဖြစ် ရွေးချယ်ထားပြီး MYSAP အတွက် ဥရောပသမဂ္ဂ (EU)နှင့် ဂျာမနီနိုင်ငံ ဖဒရယ်စီးပွားရေး ပူးပေါင်းဆောင်ရွက်ရေးနှင့် ဖွံ့ဖြိုးရေးဝန်ကြီးဌာနတို့ ပူးပေါင်း၍ စီမံကိန်းကာလ ၅ နှစ် အတွက် ယူရို ၂၂၂၅၀၀၀၀ ထောက်ပံ့ပေးမည်ဖြစ်ကြောင်း သိရသည်။

"အခုတော့ အကုန်လုံးပြင်ဆင်ထားပြီးပြီ။ ရှေ့လမှာ စပြီးသားဖောက်မယ်ဆိုတော့ မေလလောက်ကြရင် တောင်သူတွေကို စပြီးတော့ သားပေါက်ဖြန့်ဖြူးပေးနိုင်ပြီ။ အဲ့ဒါတော့ ကုန်ကျစရိတ်က မတွက်ရသေးတော့ ဘယ်လောက်နဲ့ ဖြန့်ဖြူးမယ်ဆိုတာ မပြောနိုင်သေးဘူး။ ဒါပေမယ့် တောင်သူတွေလည်း ဝယ်ယူနိုင်မယ့် ဈေးနှုန်းတော့ဖြစ်မှာပါ။ အခုမှပထမဆုံး စလုပ်ခါစဆိုတော့ တစ်လကို သားပေါက် အကောင်ရေတစ်သိန်းလောက် ထုတ်လုပ်ဖို့ မှန်းထားတယ်။" ဟု TEXCHEM ကုမ္ပဏီ၏ Assistant Gen eral Manager Mr.SOH CHEE WENG က ပြောသည်။

လပွတ္တာခရိုင်အတွင်းရှိ သဘာဝမှဖမ်းဆီးရရှိသော ဂဏာန်းမျိုးစိတ် ၂ မျိုးကိုသာ စမ်းသပ်၍ သား ဖောက်သွာမည် ဖြစ်ပြီး ယင်းမျိုးစိတ် ၂ မျိုးတွင် Scylla paramamosain မျိုးကိုသာ အဓိကမွေးမြူ ထုတ်လုပ်လျက်ရှိကြောင်း သိရသည်။ ဂဏာန်းသားဖောက်ခြင်းကို တစ်နှစ်လျှင် ၁၀ ကြိမ် သားဖောက်ထုတ်လုပ်နိုင်မည်ဖြစ်သလို သားဖောက်မှတဆင့် ၂ လအတွင်း အလေးချိန် ၁၀၀ ဂရမ်ရှိသော ဈေးကွက်ဝင်အထိ မွေးမြူထုတ်လုပ်နိုင်မည်ဖြစ်ကြောင်း သိရသည်။

ဂဏာန်းများကို ရေရှည်တွင် သဘာဝမှ ထုတ်ယူသုံးစွဲနိုင်မှု ကြာလာသည်နှင့်အမျှ သယံဇာတ လျော့ပါးသွားနိုင်ခြင်းကြောင့် ငါးလုပ်ငန်းဦးစီးဌာနသည် လွန်ခဲ့သည့် ၂ နှစ် အတွင်းက ပုသိမ်မြို့၌ ဒေသခံတောင်သူများ၊ လုပ်ငန်းရှင်များ၊ ပညာရှင်များ တွေ့ဆုံညှိနှိုင်း၍ ဂဏာန်းမဖမ်းရ ရာသီကို ၃ လ ယာယီပိတ်သိမ်းရန် မဖြစ်နိုင်ခြင်းကြောင့် မတ်လတစ်တည်းကိုသာ ဂဏာန်းမဖမ်းရရာသီအဖြစ် သတ်မှတ်ထားကြောင်း သိရသည်။

လပွတ္တာခရိုင်အတွင်း ဂဏာန်းမွေးမြူရေး ဧကပေါင်း ၄၀၀ ဝန်းကျင်ရှိသော်လည်း လက်ရှိတွင် ဂဏာန်းမွေးမြူ ရေးဧက ၂၈၀ ဝန်းကျင်ကိုသာ နိုင်ငံခြားကုမ္ပဏီတစ်ခုအပါအဝင် ပြည်တွင်း ကုမ္ပဏီနှစ်ခုနှင့် ဒေသခံတောင်သူများမှ မွေးမြူလုပ်ကိုင်လျက်ရှိကြောင်း လပွတ္တာခရိုင် ငါးလုပ်ငန်းဦးစီးဌာနမှ သိရသည်။

အေးအေးမြင့်(ABM)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...