မြစ်ငါးတန်ကို သားဖောက်မွေးမြူ၍ တရုတ်နိုင်ငံအပါအဝင် ပြည်ပနိုင်ငံများသို့ တင်ပို့နိုင်ရန် လုပ်ဆောင်သွားမည်

မြစ်ငါးတန်ကို သားဖောက်မွေးမြူ၍ တရုတ်နိုင်ငံ အပါအဝင် ပြည်ပနိုင်ငံများသို့ တင်ပို့ရောင်းချနိုင်ရန် လုပ် ဆောင်သွားမည်ဖြစ်ကြောင်း ရန်ကုန်တိုင်းဒေသကြီး ငါးလုပ်ငန်းဦးစီးဌာနမှ သတင်းရရှိသည်။

" မြစ်ငါးတန်ကို သားဖောက်သွားမှာဖြစ်သလိုနောက်ထပ်ဗီယက်နမ် ငါးတန်တောင်ရှည်ဆိုတာ တစ်မျိုးရှိပါသေးတယ်။ အဲဒါကို ကန်တော်ကြီးငါး ပြတိုက်ဖျက်သိမ်းလိုက်တဲ့ အချိန်မှာ ငါးလုပ်ငန်းဦးစီးဌာနကို လွှဲပေးလို့ရတာပါ။ အဲဒီနှစ်မျိုးကို သီးသန့်ထားပြီးတော့ ဖောက်မှာပါ။ သားဖောက်လို့ ရလာရင် အဲဒါတွေကို ဒေသတွင်း မျိုးရင်းအနေနဲ့ ဆက်မွေးသွားပြီး မျိုးရင်းအဖြစ် သားဖောက်နိုင်ပြီဆိုရင် လက်ရှိစခန်းမှာရှိနေတဲ့ ငါးတန်တွေကို အကုန်ရှင်းထုတ်ပစ်မှာပါ " ဟု ရန်ကုန်တိုင်းဒေသကြီး ဒုတိယတိုင်းဦးစီးမှူး ဦးလှဌေးက ပြောသည်။

ငါးတန် သားဖောက်မှုအတွက် ပြီးခဲ့သည့် ၂၀၁၈ ခုနှစ်တွင် တွံ့တေးမြို့နယ်ရှိ သားဖောက်စခန်းမှ သားဖောက် ရရှိသည့် အကောင် ၂၀ ခန့်ကို လှော်ကားသားဖောက်စခန်းသို့ ပြောင်းရွှေ့သယ်ယူထားပြီး စမ်းသပ်သားဖောက်မှုများ ပြုလုပ်နေသကဲ့သို့ လက်ရှိတွင်လည်း မြစ်ငါးတန်နှင့် ဗီယက်နမ် ငါးတန်တောင်ရှည်ကို ဒေသငါးမျိုးအဖြစ် မွေးမြူနိုင်ရန် ဆောင်ရွက်လျက်ရှိကြောင်း သိရသည်။

မြန်မာ့ငါးတန်များမှာ အခြားသောသားငါးများထက် ဈေးသက်သာသဖြင့် အခြေခံလူတန်းစားများ အများအပြား စားသုံးကြသည့်အပြင် ပြည်တွင်းဟိုတယ်လုပ်ငန်းသုံး အစားအစာအဖြစ် သုံးစွဲမှုများ ရှိနေကြောင်း ရန်ကုန်မြို့နယ်မှ ငါးတန်းမွေးမြူရေး လုပ်ငန်းရှင်ဦးစိုးညွှန့်က ပြောသည်။

“ ငါးတန်က အသားများပြီး ဈေးသက်သာတော့ ဆင်းရဲသားတွေ တော်တော်များများ စားကြတာများတယ်။ ငါးမြစ်ချင်းထက် ငါးတန်ကို ပိုပြီးစားကြတယ်။ ငါးမြစ်ချင်းက ဈေးနည်းနည်း ပိုတဲ့အပြင် အရိုးများတော့ အသားများတဲ့ ငါးတန်ကို ပိုစားကြတယ်။ ပြောရရင် ပြည်တွင်း၊ ပြည်ပဈေးကွက် နှစ်ခုလုံး ကောင်းနေတယ်” ဟု ၎င်းကပြောသည်။

လက်ရှိ မြန်မာ့ရေထွက်ကုန် ပစ္စည်းများကို တရုတ်နိုင်ငံသို့ အဓိကတင်ပို့နေခြင်းဖြစ်ပြီး ပြီးခဲ့သည့်နှစ်အတွင်းက ငါးတန် ကွန်တိန်နာ တစ်လုံးစာခန့် စမ်းသပ်တင်ပို့ရာ တရုတ်နိုင်ငံ၏ ဝက်ဘ်ဆိုဒ်၌ မှတ်ပုံတင်ထားခြင်း မရှိသည့်အတွက် နားလည်မှုဖြင့်သာ တင်ပို့ခဲ့ရကြောင်း မြန်မာနိုင်ငံငါးလုပ်ငန်းအဖွဲ့ချုပ်မှ သိရသည်။

ငါးတန်ငါးမျိုးသည် အများဆုံး မွေးမြူသည့် ငါးဖြစ်ပြီး ပြည်တွင်းစားသုံးမှုနှင့် ငါးခြောက်လုပ်ငန်းများမှ ကုန်ကြမ်းအဖြစ် အသုံးပြုလျက်ရှိကြောင်း သိရသည်။

AMIA

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...