တိုက်ရိုက်စိုက်မလား.. ပြောင်းရွှေ့စိုက်မလား..

တိုက်ရိုက်အစေ့ချ၍စိုက်ပျိုးရသော သီးနှံများမှာ မြေပဲ၊ နှမ်း၊ ဝါ၊ ပဲမျိုးစုံ၊ နေကြာ၊ ပြောင်းဖူး၊ ကြံ၊ နှံစားပြောင်း၊ မုန်လာဥနှင့် ခါကြက်ဥ စသည်တို့ဖြစ်သည်။

တိုက်ရိုက်အစေ့ချစိုက်ပျိုးခြင်းကို ပြောင်းရွှေ့စိုက်ပျိုးသည့်ဒဏ် ခံနိုင်ရည်မရှိသည့် အပင်ငယ်စဉ်တွင် အမြစ်ဆင်းအင်အားနည်းသော သီးနှံများတွင် အသုံးပြုသည်။ တိုက်ရိုက်အစေ့ချ စိုက်ပျိုးရသော သီးနှံများတွင် မျိုးစေ့အရည်အသွေးနှင့် အပင်ပေါက်နှုန်း ကောင်းရန်အရေးကြီးသည်။

မျိုးစေ့အပင်ပေါက်နှုန်း မကောင်းပါက အပင်ပေါက် မညီညာသည့်အပြင် လိုအပ်သောအပင်ဦးရေ မရရှိနိုင်သဖြင့် တစ်ဧကအထွက်နှုန်း လျော့နည်းနိုင်သည်။ ထို့အပြင် အပင်ငယ်စဉ်ပြုစုစောင့်ရှောက်ရန်နှင့် ပိုးမွှားရောဂါကာကွယ်ရန် ခက်ခဲသည်။ တိုက်ရိုက်အစေ့ချ စိုက်ပျိုးရာတွင် သင့်တော်သော မျိုးစေ့နှုန်းထားကို ချိန်ဆရန် အရေးကြီးသည်။

လိုအပ်သည်ထက်ပို၍ စိုက်ပျိုးမိပါက အပင်များပြွတ်သိပ်စွာ ပေါက်ရောက်ခြင်းကြောင့် ကြီးထွားသန်စွမ်းမှု မရှိနိုင်သည့်အပြင် သီးနှံ၏ အရည်အသွေးလည်း ကျဆင်းနိုင်သည်။

မျိုးစေ့တန်ဖိုး ကြီးမားပါက စီးပွားရေးအရ တွက်ချေမကိုက်နိုင်ပါ။ မျိုးစေ့နှုန်းထားကို လိုအပ်သည်ထက် လျော့နည်း၍ စိုက်ပျိုးမိပါကလည်း အပင်ဦးရေနည်း၍ အထွက်နှုန်းကို ထိခိုက်နိုင်သည်။

ပျိုးထောင်၍စိုက်ပျိုးရသော သီးနှံများမှာ စပါး၊ ငရုတ်၊ ခရမ်းချဉ်၊ ခရမ်း၊ သခွားမွှေး၊ မုန်ညင်း၊ မုန်လာ ကိုက်လန်၊ ဆလတ်၊ ဂေါ်ဖီထုပ်နှင့် ပန်းမုန်လာစသည့် သီးနှံများဖြစ်ပါသည်။

ပျိုးထောင်၍ ပြောင်းရွှေ့စိုက်ပျိုးခြင်းအားဖြင့် လိုအပ်သောအပင်ဦးရေ အပြည့်အဝရရှိနိုင်ခြင်း၊ ကောင်းမွန်သန်စွမ်းသော ပျိုးပင်ကိုရွေးချယ်စိုက်ပျိုးနိုင်ခြင်း၊ ပျိုးခင်းတွင် အချိန်အတိုင်းအတာတစ်ခုထိ ထိန်းသိမ်းထားနိုင်သည်။ ထို့ကြောင့် အပင်ငယ်များအား ပြုစုစောင့်ရှာက်မှုနှင့် ရောဂါပိုးမွှားအန္တာရာယ်မှ အကာအကွယ်ပေးရန် လွယ်ကူခြင်း၊ စိုက်ပျိုးမည့်မြေကွက်တွင် အခြားသီးနှံတစ်မျိုး စိုက်ပျိုးထားပါက ယင်းသီးနှံ မရိတ်သိမ်းမီ စတင်ပျိုးထောင်နိုင်ခြင်းး နှင့် ပျိုးပင်ပေါက်များအား ပျိုးထောင်၍ ရောင်းချစိုက်ပျိုးနိုင်သည့် အလုပ်အကိုင်အခွင့်အလမ်းများရရှိစေခြင်းစသည့် အကျိုးကျေးဇူးများရနိုင်ပါသည်။

Crd#ရေဆင်းစိုက်ပျိုးရေးတက္ကသိုလ်

ဆောင်းပါးများ/ သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...