မိုးပြတ်သွားရင် ကျရောက်လာနိုင်တဲ့ နှမ်းရွက်လိပ်ပိုး

    နှမ်းပင်ရဲ့  အပွင့်ပွင့်ချိန်နဲ့ အသီးသီးချိန်မှာအဓိက ကျရောက်ဖျက်ဆီးတတ်တဲ့ ကောင်တွေ ဖြစ်ပါတယ်ဗျ။ ဒါကြောင့် ဆိုးဆိုးဝါးဝါးကျရောက်ရင် နှမ်းအထွက်နှုန်းကို ထိခိုက်စေနိုင်တာမို့ ဒီကောင်တွေရဲ့ နေထိုင်စားသောက်ပုံအလေ့အထကိုသိရှိပြီး ကာကွယ်နှိမ်နှင်းနိုင်အောင် လေ့လာကြည့်ကြ ရအောင်လားဗျာ။

ဘဝစက်ဝန်း 

ဥအဆင့်- ဥတွေကို အရွက်တွေရဲ့အောက်မျက်နှာပြင်တွေ၊ သီးတောင့်တွေနဲ့ ကိုင်းတွေမှာ တစ်လုံးချင်းစီ ဥလေ့ရှိပါတယ်။ ဥခါစဥလေးတွေက အလွန်သေးငယ်တဲ့ အဖြူရောင်ဥလေးတွေဖြစ်ပြီး ပေါက်ခါနီးရင်တော့ အနက်ရောင်သန်းသွားပါတယ်။

သားလောင်းအဆင့်-ခေါင်းလေးသာမည်းနေပြီး ခန္ခာကိုယ်တစ်ခုလုံး အစိမ်းရောင်ရှိကာ အဖြူရောင်အမွှေးတိုလေးတွေပါရှိကြပါတယ်။

ရုပ်ဖုံးအဆင့်- ရုပ်ဖုံးတွေက နီညိုရောင်ရှိပြီး တစ်ပတ်လောက်ကြာတော့ အကောင်ကြီးအဖြစ် ပြောင်းသွားပါတယ်။

အကောင်ကြီးအဆင့်- နီညိုရောင် ဖလံကောင်လေးဖြစ်ပါတယ်။ 

ဘယ်လိုစားသောက်ဖျက်ဆီးကျတာလဲ

- ငယ်ရွယ်တဲ့သားလောင်းကောင်တွေက ထိပ်ဖျားရွက်တွေကို လိပ်ပြီး စားသောက်ကြပါတယ်။

- ပန်းပွင့်ချိန်မှာဆိုရင် ပန်းပွင့်တွေထဲကို ဝင်ရောက်စားလေ့ရှိကြသလို သီးတောင့်တည်ချိန်မှာလည်း သီးတောင့်ထဲဝင်ကာ အစေ့တွေကို စားသောက်ဖျက်ဆီးကြပါတယ်ဗျ။ 

ဒီကောင်တွေဖျက်ဆီးထားရင် ဘယ်လိုလက္ခဏာတွေပြလဲ

- ထိပ်ဖျားအရွက်တွေ လိပ်ပြီး ပျက်စီးနေတာကိုတွေ့ရပါမယ်ဗျ။

- အညွန့်တွေ၊ ကိုင်းတွေ မထွက်တော့ပဲ အပင်တွေသေနေတာ တွေ့ရမယ်။

ဘယ်လိုကာကွယ် နှိမ်နင်းကြမလဲ

- နှမ်းပင်ထိပ်ဖျားရွက်တွေမှာကျရောက်နေတဲ့ ဥတွေနဲ့ သားလောင်းကောင်တွေကို ကောက်ယူပြီး ဖျက်ဆီးပစ်ပါ။

- ဆိုးဆိုးဝါးဝါးကျရောက်နေရင်တော့ ပိုးကျနေတဲ့အရွက်တွေ ဖြတ်ယူပြီး ဖျက်ဆီးပေးပါ။

- တမာပိုးသတ်ဆေး ဖျန်းပေးပါ။

- မဖြစ်မနေ ဓာတုပိုးသတ်ဆေးသုံးရမယ်ဆိုရင်တော့ ကာဘာရိုင်း ၅၀ ဒဗလျူပီ( Carbaryl 50 WP) သို့မဟုတ် ပင်လုံးပြန့်ပိုးသတ်ဆေးတစ်မျိုးမျိုး ဖျန်းပေးပါဗျ။

ထွန်းရာဇာ

Ref;https://vikaspedia.in/agriculture/crop-production/integrated-pest-managment/ipm-for-oilseeds/ipm-strategies-for-sesame/sesame-insect-pests-management

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်