အရသာကောင်းတဲ့ ဆန်ချိုအေး

ရှမ်းပြည်ကဒေသအစားအစာတစ်ခုဖြစ်ပြီး ဆန်ချိုအေးလို့ ခေါ်ကြပါတယ်။

အယ်ကိုဟော (alcohol) ဓာတ်အရမ်းမပါဘဲ ဖျော်ရည်တစ်ခုအနေနဲ့ သောက်လို့ကောင်းတဲ့ ဆန်ချိုအေးကို ရှမ်းပြည်ဘက်တွေမှာတော့ လုပ်ရောင်းကြပါတယ်။ ကျွန်မလည်း အိမ်မှာ အန်တီလုပ်ထားတာကို သောက်ရတာနဲ့ လုပ်နည်းလေးတွေကို ပြန်လည်မျှဝေချင်တာနဲ့ပဲ ရေးသားလိုက်ရပါတယ်။

လုပ်နည်းလေးကတော့ တကယ်ကိုမခက်ပါဘူးနော်…

ပါဝင်ပစ္စည်းတွေ အနေနဲ့-

- ကောက်ညင်းဆန် (၂)ဗူး

- တဆေး

- ရေ

ကောက်ညင်းကို တစ်ညရေစိမ်ပြီး ခပ်တင်းတင်းအနေအထားရအောင်ချက်ပါ။ ကောက်ညင်းဆန်လုံးရှည်ရှည်လေးတွေကိုသုံးပါ။ ဒါမှဆန်လုံးလှမှာပါ။ ထမင်းပေါင်းအိုးနဲ့ချက်ရင်ရပါတယ်။ ကောက်ညင်းပေါင်းကိုဝယ်ပြီး လုပ်လို့လည်းရပါတယ်။ နောက်ပြီး အအေးခံပါ။

အအေးခံပြီးပြီဆိုရင်တော့ တဆေးလုံးကို ချေပြီး ကောက်ညင်းနှင့်ရောနယ်ပေးပါ။ တဆေးများကြေသည်အထိရောမွှေပေးရန်လိုအပ်ပါတယ်။ နောက် ရေ (၅) လီတာနှင့် ရောကာ ရေသန့်ဗူးထဲသို့ ထည့်ပြီး အလုံပိတ်ထားပါ။ ရေသန့်ဗူးကိုတော့သန့်သန့်လေးထားပြီး ဆီကင်းနေရပါမယ်နော်။

ရှမ်းပြည်ဘက်မှာဆိုရင်တော့ ၃ ရက်လောက်ထားပါတယ်။ ပူတဲ့ဒေသမှာဆိုရင်တော့ တစ်ရက်ခွဲလောက်ထားပါ။ ဖောက်ထားတဲ့ ကောက်ညင်းဖတ်လေးတွေ ရေပေါ်ပေါ်လာပြီဆိုရင် အသင့်အနေအထားတိုင်းရပါပြီ။

ဒါဆိုရင်တော့ ဖောက်ပြီးသားဆန်ချိုကို သကြား၊ သံပုရာ၊ ရေခဲတို့ထည့်ပြီး မိမိကြိုက်နှစ်သက်ရာအချိုးအတိုင်း အရသာကောင်းမွန်စွာသောက်သုံးနိုင်ပါပြီ။

သုံးလို့ရတဲ့ တဆေးပါ။ ဝယ်မယ်ဆိုရင်တော့ အခဲရတာများပါတယ်။ အခဲဆိုရင်တော့ (၁) တုံးနှုန်းထည့်ပါ။ အမှုန့်ဆိုရင် စားပွဲတင်ဇွန်း(၁) ဇွန်းနှုန်းနဲ့ပါ။

ကျော့နန္ဒာစိုး

Photo Source- Google

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်