ရေငန်ပုစွန်မွေးမြူရေးအကြောင်း သိကောင်းစရာ

မွေးမြူနည်းစနစ်

ရေငန်ပုစွန် မွေးမြူရေးစနစ်မှာ နေရာဒေသ၏ ရာသီဥတု၊ ရေ၊ မြေအခြေအနေ သဘာဝ၊ ရေငန်ပုစွန် ပေါကြွယ်ဝမှုတို့အပေါ်မူတည်၍ အမျိုးမျိုး မွေးမြူကြပါသည်။ သို့သော် အဓိက အခြေခံ မွေးမြူနည်းစနစ် ၃မျိုးသာ ရှိပါသည်။

(က) ပထမနည်း

ရေငန်ပုစွန်များအား သဘာဝအလေ့အထကိုအခြေခံ၍ မွေးမြူသောစနစ်ဖြစ်သည်။ ကုန်ကျစရိတ်နည်းပါးပြီး ဒီရေနှင့်ပါလာသည့် သားပေါက်များကို ရေငန်ဝင်လျက်ရှိသည့် မြေများတွင် ဘောင်များပြုလုပ်၍ မွေးမြူသည့်စနစ် ဖြစ်သည်။ ထိုသို့ မွေးမြူရေးစနစ်ကို အချုပ်အားဖြင့် သဘာဝကို အခြေခံ၍ အသားတိုးရေငန်ပုစွန်မွေးမြူရေးစနစ်ဟု ခေါ်ဆိုနိုင်ပါသည်။

(ခ) ဒုတိယနည်း

ကန်ကြီးများကို စနစ်တကျတူးဖော်ပြီး ပုစွန်သားပေါက်များကို စနစ်တကျ ရှာဖွေဖမ်းဆီးပြီး ကန်များအတွင်းသို့ ထည့်၍ မွေးမြူသည့် နည်းစနစ်ဖြစ်သည်။

(ဂ) တတိယနည်း

လိုအပ်သော ပုစွန်သားပေါက်များအတွက် ပင်လယ်ပြင်မှ မျိုးပုစွန်ကြီးများကိုရယူ၍ အခန်းတွင်း သားဖောက်ထုတ်လုပ်နည်းဖြင့် ပုစွန်သားပေါက်များကို ရယူ၍ စနစ်တကျ တူးဖော်ထားသည့် ကန်ကြီးများထဲသို့ ထည့်သွင်းမွေးမြူ ထိန်းသိမ်းခြင်း ဖြစ်သည်။

သဘာဝအခြေခံ ရေငန်ပုစွန် မွေးမြူခြင်း

နေရာ၊ ရေ၊ မြေ

ပင်လယ်ကမ်းရိုးတန်းတစ်လျောက်သို့ စီးဝင်နေသော မြစ်၊ ချောင်းမြောင်း များစွာရှိကြပြီး ၄င်းတို့ဘေးတဖက်တချက်တွင် ဒီရေတက်ချိန်၌ ရေချို၊ ရေငန်နှင့် ရေငန်စပ်ဝင်သော နေရာများကို မွေးမြူရေးကန်နေရာအဖြစ် သတ်မှတ်ရွေးချယ်နိုင်ပါသည်။

ထို့အပြင် အသင့်တော်ဆုံး နေရာမျိုးမှာ ခေါင်ရေတက်ချိန်၌ မြစ်ကမ်းပါးမြေနိမ့်ပိုင်းသည် အနည်းဆုံး ၃-၄ ပေခန့် တက်သောနေရာများကို ရွေးချယ်မွေးမြူရပါမည်။ သို့သော်လည်း ခေါင်ရေတက်ချိန်တွင် ၁ ပေကျော်တက်သော နေရာတွင်လည်း မွေးမြူနိုင်ပါသည်။

ရေငန်ဝင်ပြီး စပါးမစိုက်ပျိုးနိုင်သောမြေနိမ့်နေရာများ၊ ဆားတွင်းဟောင်းများကိုလည်း အသုံးချနိုင်ပါသည်။

မွေးမြူထိန်းသိမ်းနည်း

မြန်မာ့ပင်လယ်ကမ်းရိုးတန်းတစ်လျောက်တွင် စီးပွားဖြစ်မွေးမြူနိုင်သည့် ပုစွန်သားပေါက်များကို ဖေဖော်ဝါရီလ မှ သြဂုတ်လ အထိ တွေ့ရှိကြရပါသည်။ ထိုသို့ သားပေါက်ဖွားမှု့ များသည့်အချိန်တွင် ပြုပြင်စီမံထားသည့်ကန်များ၏ ရေသွင်းပေါက်မှတဆင့် ဒီရေတက်ချိန်တွင် ရေကိုသွင်းပေးရပါမည်။

ထိုသို့ ရေသွင်းချိန်တွင် ငါးရိုင်းများ မပါလာစေရန် ဆန်ခါ (သို့) ယင်းကျဲဖြင့် ပိတ်ထားရပါမည်။ဒီရေနှင့် ပါလာသော ရေငန်ပုစွန်သားပေါက်များ ပြန်မထွက်နိုင်ရေးအတွက် ရေထွက်ပေါက်များကို စနစ်တကျ ပြန်လည်စောင့်ရှောက်ပြီး ဒီရေတက်ချိန်တိုင်း ရေသွင်းပေးရပါမည်။ ပိုက်စိပ်ဖြင့်(သို့) ပုစွန်ရင်တွန်းကိရိယာများဖြင့်လည်း သားပေါက်များကို ဖမ်းဆီးမွေးမြူနိုင်ပါသည်။

ကန်အတွင်းရှိ ရေသည် အနက် ၁.၅ -၂ ပေ အတွင်း ရှိရမည်ဖြစ်ပြီး တူးထားသည့်မြောင်းထဲရှိရေမှာ အနက် ၂.၅- ၄ပေ အတွင်း ရှိရပါမည်။ ငါးကန်အတွင်း သဘာဝအစာများ ပေါများစေရန် အခါအားလျော်စွာ နွားချေး၊ ကြက်ချေး၊ ဝက်ချေးများ ဖြူးပေးရပါမည်။ သဘာဝအလျောက် ပေါများသည့် ခရု၊ ကမာ၊ ငါးသေးငါးမွှားများကိုလည်း ခုတ်ထစ်၍ ကျွေးမွေးနိုင်ပါသည်။ နွားချေး၊ ကြက်ချေး၊ ဝက်ချေးများ မထည့်ဘဲသော်လည်းကောင်း၊ ငါးရိုင်းများ မရှင်းဘဲ နေ၍သော်လည်းကောင်း မွေးမြူနိုင်သော်လည်း ကုန်ချိန်မတိုးနိုင်ပေ။

ရေစထည့်ပြီး ၄-၅ လမှ စတင်၍ ရေထွက်ပေါက်တွင် အိုင်များပြုလုပ်၍ သော်လည်းကောင်း၊ကွန်ပစ်၍သော်လည်းကောင်း ရေငန်ပုစွန်အကောင်ကြီးများကို ဖမ်းဆီးနိုင်ပြီ ဖြစ်သည်။ ပုစွန်အကောင်ငယ်လေးများ ပါလာပါက ပြန်လွှတ်၍ မွေးမြူပေးသင့်ပါသည်။

Ref: ငါးလုပ်ငန်းဦးစီးဌာန။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...